Hollusta og hreinleiki íslenskra landbúnaðarvara

Mikil sóknarfæri eru í íslenskri matvælaframleiðslu. Sérstaðan er einmitt fólgin í því að vera eyland með forna og hreina búfjárstofna sem þróast hafa hér frá landnámsöld. Höfum við þar hliðstæða stöðu og Nýja- Sjáland og Ástralía sem eru stærstu útfluningsríki á landbúnaðrvörum. En þeir verja sín lönd vel gangnvart innflutningi á vörum sem geta borið búfjársjúkdóma.  Tekið er afar hart t.d. á ferðamönnum sem reyna að koma með hráar kjötvörur til landsins, en slíkt er algjörlega bannað. Tók ég þeirra afstöðu mér til fyrirmyndar í verndun hollustu íslenskra matvæla.

Unnum sigur á Alþingi 2009 
Þegar ég tók við sem sjávarútvegs- og landbúnaðarráðherra að loknum Alþingis kosningum árið 2009 ákvað ég að leggja frumvarp um innleiðingu á matvælalöggjöf ESB fram þannig breytt að innflutningur á hráum og lítt söltuðum sláturafurð, bæði unnum sem og óunnum og hráum eggjum væri áfram bannaður og háður leyfi ráðherra hverju sinni að fenginni staðfestingu yfirdýralæknis um heilbrigði afurðanna. Frumvörp þessa efnis höfðu í tvígang verið lögð fram af forverum mínum í ráðherrastarfi án þess efnis að innflutning skyldi takmarka á þennan hátt. Eftir mjög vandaða vinnu í sjávarútvegs-og landbúnaðarnefnd undir stjórn Atla Gíslasonar varð frumvarp þetta að lögum og samþykkt á Alþingi einróma.

Auðlegð í íslenskum búfjárkynjum

Seinni hluta árs 2012 gerði ég mér grein fyrir því að viðbúið væri að athugasemdir kæmu fram um innleiðingu matvælalöggjafar ESB. Þar kom tvennt til. Annarsvegar áhugi viðskiptaaðila að leita leiða til að koma á sem minnstri takmörkun á innflutningi landbúnaðarafurða og hinsvegar áhugi ESB sinna að draga úr eftir mætti takmörkunum á innflutning á búfjárafurðum og lifandi dýrum frá ESB til að draga úr sérstöðu Íslands og auðvelda samningsgerðina. Því skipaði ég þann 7. desember 2011 starfshóp sérfræðinga til að færa rök fyrir þeim takmörkunum sem gilda við innflutning hrárra búfjársfurða, sem ESA hefur nú gert athugasemdir við og leggja til svör ásamt því að leita til Stefáns Más Stefánssonar prófessors, sem sérfræðings á sviði Evrópuréttar. ESB sinnar og forystumenn ríkisstjórnarinnar vildu gefa strax eftir gagnvart kröfum ESB. Sem betur fer tókst mér sem ráðherra að stilla því þannig upp að ekki yrði auðvelt að gefa eftir. Það er því áfram von um að ekki verði látið undan ásókn EES og ESB að óreyndu eins og vilji ESB sinna og verslunarinnar stendur til.

Fæðu og matvælaöryggi í forgang

Rök framkvæmdastjórnar ESB og ESA fyrir því að hnekkja lagasetningu okkar eru að regluverk ESB tryggi að ekki berist skaðlegir sjúkdómar í menn og skepnur með hráum búfjárafurðum frá ESB löndunum. Þetta er ofurtrú á margslungið skráningar- og eftirlitskerfi ESB, sem kostar framleiðendur og neytendur fúlgu fjár. Málið er hinsvegar hversu tryggt kerfið er en ekki umfang þess. Þegar horft er til nýlegra viðskiptasvika með kjöt á markaðssvæði ESB þar sem hrossakjöt verður að nautakjöti við sölu milli aðila er ljóst að ótvírætt hætta á að skæðir sjúkdómar s.s. gin og klaufaveiki og svínapest geti borist með innflutning til landsins frá löndum ESB sé okkur ekki heimilt að hafa eftilit með honum eins og gildandi lög kveða á um og valda okkur ómældum skaða. Má þar minna á gin-og klaufaveikifaraldur, sem kom upp í Bretlandi fyrir nokkrum árum og að svínapest er landlæg í Mið-Evrópu í villtum svínum og er að skjóta upp kollinum við og við í alisvínum á svæðinu.

Framtíðarhagsmunir í húfi

ESB hefur sett þau skilyrði fyrir framhaldi samninga um landbúnað að gefið sé eftir varðandi bann við innflutningi á lifandi dýrum og hráu ófrosnu kjöti. Ég hafnaði þeirri kröfu bæði sem ráðherra og eins í utanríkismálnefnd. Í þessum efnum þýðir ekkert að fá að kíkja í pakkann hjá ESB, heldur standa í lappirnar og verja framtíðarhagsmuni í fæðu og matvælaöryggi þjóðarinnar. Alþingi samþykkti samhljóða matvælalögin 2009 eins og ég lagði þau þá fram. Ekki kemur til greina að gefa eftir í þessum efnum þótt ESB krefjist þess nú.

Enn verður opinberum störfum fækkað á landsbyggðinni - nú starf sýslumanns lagt niður

Skessuhorn:

Loka á sýslumannsembættinu í Búðardal og skera niður þjónustuna án nokkurs samráðs við heimamenn- byggðastefnan í verki.? !!

19. mars 2013

Áslaug Þórarinsdóttir sýslumaður í Búðardal hefur sagt starfi sínu lausu og hefur sýslumanninum í Stykkishólmi, Ólafi K. Ólafssyni, verið falið að gegna störfum sýslumanns í Búðardal þegar hún lætur af störfum. Sveitarstjórn Dalabyggðar undrast að ekki hafi verið upplýst formlega um þessar ráðstafanir innanríkisráðuneytisins og samþykkti í einu hljóði á sveitarstjórnarfundi í gær að óska eftir fundi með ráðherra vegna málsins. Eyþór Jón Gíslason oddviti sveitarstjórnar segir í samtali við Skessuhorn að engar upplýsingar hafi borist sveitarstjórn og málið því í ákveðinni óvissu. „Við vitum í raun ekki hvort skrifstofa sýslumanns verður rekin hér áfram eða hvort þessi ákvörðun sé liður í fækkun sýslumannsembætta.

Auðvitað yrði mikið áfall fyrir sveitarfélagið að missa enn fleiri störf fyrir háskólamenntað fólk en fyrst og fremst erum við óánægð með að okkur hafi ekki borist nein tilkynning um málið,“ segir Eyþór en auk sýslumanns er einn starfsmaður á skrifstofunni í Búðardal.

Fyrir Alþingi liggja drög að frumvarpi til laga um framkvæmdavald og stjórnsýslu ríkisins í héraði. Þar kemur meðal annars fram að sýslumannsembættum verði fækkað úr 24 í átta. Stjórnsýsluumdæmin verði Vesturland, Vestfirðir, Norðurland vestra, Norðurland eystra, Austurland, Suðurland, Suðurnes og höfuðborgarsvæðið en þetta er sama umdæmaskipting og lagt er til að gildi fyrir löggæsluna í landinu samkvæmt nýju frumvarpi þar að lútandi. Frumvarpið kveður á um að hið nýja skipulag taki gildi 1. janúar árið 2015.

Ljóst er að innanríkisráðherra er þegar farinn að gera breytingar miðað við að frumvarp hans nái fram að ganga. Þannig hefur sýslumaðurinn á Blönduósi tekið yfir starfsskyldur sýslumannsins á Sauðárkróki eftir að Ríkarður Másson sýslumaður lét af embætti sökum aldurs á síðasta ári."

þannig hljóðar frétt Skressuhornsins í dag.

Svo tala menn réttilega í orði um að efla þurfi löggæslu á landsbyggðinni og hafa lögboðið samráð við heimaaðila um skerðingu á þjónustu eða tilflutning og niðurlagningu starfa. Í verki verður raunin allt önnur. Ég varaði við þessum mikla niðurskurði  til löggæslu á landsbyggðnni og jafnframt  lagðist ég  gegn fækkun sýslumanna á landsbyggðinni. Frekar átti að færa til þeirra verkefni frá stjórnsýslunni á höfuðborgarsvæðinu,  láta sýslumenn halda hlutverki sínu í almennri löggæslu á sínum heimasvæðum. Á það var ekki hlustað. 

Nú harma menn niðurskurð í löggæslu á landsbyggðinni og hafa skrifað um það sérstaka skýrslu, nokkuð sem allir máttu sjá fyrir og bent var á við gerð síðustu fjárlaga.

 Frumvarp til breytinga á lögum um sýslumenn hefur enn ekki verið samþykkt frá Alþingi og verður vonandi ekki. Samt er farið að vinna samkvæmt því að svo sé.

ESB kortleggur Ísland

Við opnun Evrópustofu - áróðurs og kynningarmiðstöðvar Evrópusambandsins var sendiherrann Timo Summa ekki í vafa um til gang hennar: víðtæk gagnasöfnun um skoðanir fólks og afstöðu og hvernig mætti hafa áhrif á viðhorf Íslendinga til inngöngu í ESB: (Mbl. 10.11.2010)

Bein afskifti af innanríkismálum Íslendinga

„Við viljum skilja upplýsingaþörf ólíkra hópa. Hvað veit fólk og hvað veit það ekki?Hver eru, svo dæmi sé tekið, viðhorf og upplýsingaþörf ungs fólks, háskólafólks eðaellilífeyrisþega?“ segir Timo Summa, formaður sendinefndar ESB á Íslandi, umfyrirhugað kynningarstarf sambandsins á Íslandi næstu misserin.

 „Við lítum á mismunandi hópa og hver afstaða borgarbúa eða fólks á landsbyggðinni ertil aðildar. Við viljum vita þetta svo við getum undirbúið kynningargögn í samræmi við Við viljum vita hvar eyður eru í þekkingunni og reynum í framhaldinu að leysa það.

Spurður um umfang kynningarátaksins svarar Summa því til að milljón evra, eða 155milljónir króna, muni renna til kynningar á ESB á Íslandi á næstu tveimur árum. 

Í fyrstu sé gert ráð fyrir fjórum til fimm starfsmönnum sem hafi það að fullum starfa að dreifaupplýsingum um sambandið til almennings. Þá muni skrifstofan í Aðalstræti og útibúhennar á Akureyri styðja fyrirlestrahald og annað kynningarstarf.“  Segir í mbl. viðtali við sendiherra ESB í nóv. 2010

Áróður og njósnir Nató og Bandaríkjanna  fyrrum

Ýmsum finnst harkalega ákveðin ályktun landsfundar Sjálfstæðisflokksins um að loka skuli Evrópustofu og stöðva beinan áróður þessa erlenda ríkjasambands hér á landi.Hanna Birna Kristjánsdóttir varaformaður flokksins kvartar undan þessari ályktun í viðtali í gær og telur hana ef til vill ganga of langt.  Mín skoðun er sú það átti aldrei að leyfa rekstur áróðurmiðstöðvar Evrópustofu hér í landi. Ég held hinsvegar að flutningsmenn þessarar tillögu á landsfundi Sjálfstæðisflokksins hafi nákvæmlega vitað hvað þeir voru að leggja til.  Þeir þekktu jafnvel frá fyrstu hendi áróður og njósnastarfsemi erlendra stórvelda hér á landi á kaldastríðasárunum s.s. Nató og Bandaríkjanna sem einskis svifust í þeim efnum.

 Áróðursmiðstöð ESB á að loka

Það er með ólíkindum hvernig þessi áróðursmiðstöð ESB hefur fengið að starfa hér óáreitt og misnotað ákvæði Vínarsáttmálans um friðhelgi erlendra dilópata . Áttu þessar aðildarviðræður ekki að fara fram á hlutlausan hátt og án íhlutunar frá hinu ágenga ríkjasambandi ESB.? Hvernig á þjóðin að fá næði til að mynda sér  afstöðu ef hún er stöðugt undir áróðri, þrýstingi og mútufé frá ESB. Þessi vinnubrögð með áróður ESB  eru á allt aðra lund en boðað var í þeirri þingsályktun sem Alþingi samþykkti illu heilli á sínum tíma.

Kommisararnir í Brussel kunna sitt fag og ráða vegferðinni  

Kosið um sjálfstæði eða inngöngu í ESB

 Utanríkisráðherra er bjartsýnn á inngöngu Íslands í ESB:

„Frá mínum bæjardyrum séð er það ekki slæmt að viðræðurnar hafi tekið aðeins lengri tíma en við gerðum ráð fyrir þar sem að við, sem styðjum aðild að ESB, þurfum á því að halda að evrusvæðið verði sterkara og að sambandinu gangi betur. Og það er að gerast núna.“ Segir Össur Skarphéðinsson utanríkisráðherra.  Óhjákvæmilegt að ganga í ESB

Kosningarnar  í vor munu snúast um inngöngu í ESB eða ekki. Það er blekkingaleikur að halda því fram að hægt sé að vinna að aðildarsamningi án þess að ætla að ganga inn. Því lengra sem við sogumst inn í aðlögunarferlið því erfiðra verður að snúa við. Og samningi lýkur ekki  af hálfu ESB fyrr en við höfumm innleitt lög og reglur ESB. Og að óbreyttu mun  þetta  allt gerast, fullveldisframsalið undirbúið og nánast frá gengið án þess að þjóðin hafi nokkurn tíma verið spurð fyrr en þá eftirá. Þetta vita þeir félagar Össur Skarphéðinsson og Stefán Fule stækkunarstjóri ESB. Óhjákvæmilegt að ganga í ESB

  Össur var reyndar fullviss um að ný ríkisstjórn  hver svo sem hún yrði og tæki við í vor myndi halda áfram samningum og inngönguferlinu í ESB. Þjóðin yrði þá aðeins spurð eftir á svona til málamynda.

Kosningarnar í vor munu því snúast um hvort framselja eigi fullveldi þjóðarinnar til Brussel. Vill þjóðin það?.

Nei ég held ekki. En þá verður að stöðva umsóknar- og aðlögunarferið.

Segir sig frá lista VG í Norðausturkjördæmi.

 

Samþykkt landsfundar VG um áframhaldandi viðræður um inngöngu í ESB var kornið sem fyllti mælinn:

 "Þegar þessi lest er komin af stað veit maður ekki hvert hún fer með okkur. Mér finnst því rétt að taka teinana í sundur strax"

segir Þorsteinn í viðtali við  Morgunblaðið í dag.

"Ég hafði lengi verið ansi óánægður einkum með það hvernig vinstri grænir afgreiddu Evrópumálin á síðasta landsfundi"

Þorsteinn Bergsson á Unaósi hefur um árabil verið einn af forystumönnum VG á Norðausturlandi. Þorsteinn er landsmönnum einng kunnur fyrir frábæran árangur í spurningakeppninni - Útsvar.

 Samþykkt landsfundar um áframhaldandi ESB viðræður var kornið sem fyllti mælinn hjá Þorsteini.

En ágreiningurinn snýst um fleira en Evrópumálin hann nefnir málefni Sparisjóðs Keflavíkur, Sjóvá, umhverfismál á Bakka ofl.

 

- Svík þú aldrei ættland þitt í tryggðum -

 Vinstri - Græn  voru stofnuð m.a til að berjast gegn umsókn og aðild að ESB. Flokkurinn vann mikinn kosningasigur vorið 2009 á grundvelli heiðarlegra og einfaldra gilda sem fólk skildi. Trúnaður, traust og orðheldni átti ekki að vera innantóm slagorð.

Ríkisstjórn Samfylkingar og Vinstri Grænna fékk í hendur erfitt bú en um leið einstök tækifæri. Það var mikil ólga í íslensku samfélagi veturinn 2008-2009 þegar þúsundir höfðu tapað eignum og atvinnu. En það var líka að finna með þjóðinni mikla samstöðu og mikinn vilja til að standa saman í þeim brotsjó sem þá gekk yfir okkur. Ríkisstjórn Jóhönnu Sigurðardóttur fékk tækifæri til að virkja þá samstöðu og skapa samhug hjá þjóð í vanda en hún valdi oftast ófrið jafnel þótt friður væri í boði.

Launmál í stað samstöðu

Til þess að ná samstöðu með þjóðinni átti það að verða höfuðatriði að forgangsraða í þágu almennings og vinna af einurð á skuldavanda heimilanna, atvinnuleysinu sem var okkur nýtt og er mikið böl. Við gengum inn í kosningarnar 2009 með þá von að svo mætti verða en strax eftir kosningar komu fram í dagsljósið launmál þau sem hluti af mínum fyrrverandi þingflokki og samstarfsflokkurinn Samfylkingin stóðu að. Ég segi launmál því framámenn sem höfðu staðið fastir fyrir gegn ESB aðild Íslands, svarið eiða gagnvart kjósendum, sneru við blaðinu eftir kosningar og gengust inn á að gera þetta vandasama deilumál að höfuðmáli komandi kjörtímabils.

Einsmálsmennirnir voru ekki við sem börðumst þar í móti heldur hinir gengu gegn loforðum sínum og settu allan þunga yfirstandandi ríkisstjórnarsamstarfs í það að þóknast Evrópusambandinu og vinna að aðlögun stjórnkerfis okkar að þeirra kröfum.

Vandi þúsunda heimila, atvinnuleysið og skuldavandi ríkissjóðs urðu að víkja.

Árangur

Visulega náðist árangur í minni ráðherratíð:

Ég nefni strandveiðarnar, síld fyrir smábátaveiðar, makríll - deilt út á bátaflokka, auknar byggðatengingar aflaheimilda og skötuselsmálið fræga sem rauf skarð múrinn kringum kvótakerfið.

Virðulegi forseti. Góðir Íslendingar

"Svík þú aldrei ættland þitt í tryggðum" var lagt í munn Þórðs Kakala þegar Noregskonungur beitti öllum brögðum til að leggja undir sig landið.

Vinstrihreyfingin grænt framboð var stofnuð m.a til að berjast gegn umsókn og aðild að ESB. Flokkurinn vann mikinn kosningasigur vorið 2009 á grundvelli heiðarlegra og einfaldra gilda sem fólk skildi.

Trúnaður - traust - orðheldni
Trúnaður, traust og orðheldni voru af minni hálfu ekki innantóm slagorð. Ein fyrsta setningin í stofnskrá Vinstri grænna kvað á um fullveldi og sjálfstæði Íslands.  Ég lofaði kjósendum mínum því að standa við stefnuskrá flokksins og grunngildi. Ég myndi berjast gegn umsókn og aðild að ESB. Þegar Alþingi hafði samþykkt umsóknina gætti ég að því sem ráðherra að staðið væri á rétti Íslendinga og lagðist gegn fyrirfram aðlögun og undirgefni við ESB í þeim viðræðum. - Það er ekkert sem heitir að kíkja í pakann þegar sjálfstæði þjóðarinnar er annarsvegar. Enda hefur það ítrekað komið fram að ESB veitir engar varanlegar undanþágur, þeir sem halda því fram eru vísvitandi að blekkja þjóðina.

Sjálfstæðið er sívirk auðlind

Sumir flokkar vilja ganga í ESB og segja það opinskátt. Hitt er öllu verra hjá þeim sem segjast vera á móti en gera svo allt annað. Samþykkt síðasta landsfundar VG um að halda áfram aðildarviðræðum við ESB út í næsta kjörtímabil gengur þvert á stofnskrá VG og grunngildi hans.Þarna skiljast leiðir. Maður leikur sér ekki að sjálfstæði Íslands og fullveldi þjóðarinnar, fullveldi sem þjóðin barðist fyrir í aldir að endurheimta. " Sjálfstæðið er sívirk auðlind" ( R. A.)

 Þjóðin veit hvar hún hefur mig í þessum efnum.

Baráttan um að verja sjálfstæði Íslands og fullveldi heldur áfram.

( Ræða á eldhúsdegi 13. mars 2013)

--

M A K R Í L L- Aukum hlut smábáta og landvinnslu

Brýnt er að auka stórlega hlutdeild og magn til  smábáta í veiðum á makríl, efla dagróðra og  landvinnsluna á makrílnum.  Þetta kemur fram í ágætri grein Unnsteins Þráinssonar, smábátasjómanns á Hornafirði á vef samtakanna 27. febr sl.:

  „Síðastliðið sumar stunduðu vel á annan tug smábáta færaveiðar á makríl. Eftir mikla vinnu síðastliðinna ára, gengu veiðarnar nú vel og skiluðu góðum árangri“, segir Unnsteinn sem er einn af frumkvöðlum í þessum veiðum.  Makrílveiðar smábáta í brennidepli 

Á síðustu árum hefur göngumynstur makríls breyst með þeim hætti að hann hefur gengið upp á landgrunnið, fast upp að ströndinni, fyllt firði og voga hringinn í kringum landið. Á flestum bryggjusporðum í landinu hefur fólk mokað upp makríl.

Makríllinn á veiðislóð smábátanna

Það er mikil breyting frá því sem var í upphafi þegar makríllinn  hélt sig djúpt undan suðaustur- og austurlandi.  Makríllin hefur nú gengið upp í miklu magni á hefðbundin mið smábátasjómanna og annarra dagróðrarbáta sem koma með aflann daglega í land til vinnslu.  Það hefur jafnframt sýnt sig að landvinnsla á makríl, heilfrysting og flökun skila afar góðum virðisauka fyrir minni útgerðir, fiskvinnslur í landi og vinnufúsar hendur. Þegar makríllin gekk fyrst á miðin og inn á grunnslóðina höfðu smábátasjómenn ekki þróað veiðitæki eða aflað sér reynslu í veiðum og vinnslu makríl við slíkar breyttar aðstæður. Nú hefur það tekist og landvinnsla á makríl tvö síðustu ár var mjög ábatasöm  skilaði góðri vöru sem og veitti atvinnu í landi, einmitt þegar dró úr veiðum og vinnslu á öðrum fiski. Fyrir skólafólk í sjávarbyggðunum var vinnsla á þessum fiski gríðarlega mikilvæg. Leyfi ég mér einnig að nefna frumkvöðla eins og Sjávariðjuna á Rifi og útgerð Guðmundar Runólfssonar í Grundarfirði, en fleiri hafa gert mjög góða hluti í þessum efnum. Þessar staðreyndir þarf að hafa allar í huga þegar aflaheimildum í makríl verður úthlutað í vor á einstaka veiðiflokka.

Landvinnsla á makríl

Ég lagði sem ráðherra strax áherslu á að smærri bátum og ísfisktogurum væri ætlaður umtalsverð hlutdeild í makrílveiðunum og heildar magn til þeirra útgerða aukið. Árið 2010 lagði ég til a.m.k. 3000 tonn til smábátanna í makríl.  Að vísu höfðu þeir þá ekki þróað veiðar og vinnslutækni til að taka allt það magn. En smábátasjómenn voru snöggir að ná tökum á hlutunum. Ekki óraði mig þá fyrir því að makríllinn mundi ganga í svo miklu magni inn á grunnslóðina inn á víkur og firði hringinn í kringum landið eins og raun var á. Þessar forsendur bæði réttlæta og krefjast þess að það magn sem úthlutað er til  smábáta og annarra dagróðrabáta verði stóraukið frá því sem verið hefur.  Landssamband smábátaeigenda hafa sett fram  rökstuddar óskir í þeim efnum.

Framleiðsla í hágæðaflokki

Dagróðrar og landvinnsla á makríl skiftir gríðarmiklu máli fyrir afkomu minni útgerða, fiskvinnslna  og vinnu landverkafólks í sjávarbyggðum víða um land. Sú vara sem þannig er framleidd reynist einnig  í hágæðaflokki.

 

Hans og Gréta og ESB

Þeir sem sækja um aðild að ESB gera það til að komast þar inn, annað er óheiðarlegt. Það er ekkert til sem heitir að kíkja í pakkann.

 Að halda slíku fram eru ómerkilegar blekkingar. ESB veitir engar varanlegar undanþágur heldur tímabundna aðlögun.

Það hefur marg komið fram að það er ESB sem ræður hraða umsóknarferilsins sem ræðst af því hversu hratt regluverk ESB er innleitt og hvenær það telur pólitískt réttast að ljúka aðlöguninni. 

 Aðild að ESB snýst um framsal á fullveldi og yfirráðum á auðlindum landsins til erlends ríkjasambands.   ESB er í þessum samningum eins og nornin og sykurhúsið í Hans og Grétu og forystumenn stjórnarflokkanna eins og börn sem vilja kíkja á nammið.

Ekki er ég hinsvegar viss um að forystumenn ríkisstjórnarflokkanna og samninganefndarinnar hafi hugrekki Hans og Grétu til að stinga norninni í ofninn. Gréta sá strax að  nornin  vildi aðeins fita þau og éta svo. Hefðu stjórnvöld það hugrekki  sem Gréta hafði,  væri nornin þegar komin inn í ofninn. Hinsvegar er haldið áfram að sleikja sykurhúðuðu kökurnar, haldið áfram að „kíkja“ í pokann.

Aðlögunarvinnan að ESB  hér innanlands er á fullu, nýir lagabálkar í smíðum, aðlögun stofnana og stjórnsýslu að  ESB. Milljarðar í fjármagni og vinnu fólks í ráðuneytum og stofnunum er bundið í ESB umsóknarvinnu, innleiðingu og aðlögun. 

Atvinnuvegaráðherra og Bændasamtökin skrifuðu nýlega undir framlengingu á búvörusamningi milli ríkisins og bænda, gott mál, en af hálfu stjórnvalda var það gert með skýrum fyrirvara um inngöngu í ESB innan þess samningstíma.

Nú dynja yfir auglýsingarnar í fjölmiðlum frá fótgönguliðum ESB:

 „Komið og sleikið sykurhúðuðu kökurnar mínar og kíkið í bæinn“.

Landsfundur Vinstri grænna , flokksins sem var stofnaður til að berjast gegn umsókn og aðild að ESB samþykkti að áfram skyldi „kíkt í pakkann“ og  kökurnar sleiktar a.m.k. eitt ár til.  Þær eru svo sætar á bragðið.  Við fáum allanokkra milljarða  áfram í  styrki- aðlögunarfé  frá ESB. 

Því fjölgar fólki og stofnunum sem er beint háð þessum styrkjum, fjöldi manns fær nú  ókeypis flugferðir og hóteldvalir í Brussel.  Þetta ástand fer að minna á hermangið á sínum tíma.„Sleikjum sykurinn meðan  ESB kyndir ofninn“ dynur á þjóðinni. 

Af þessum ástæðum verður að segja stopp. Það verður að bakka Grétu upp sem hafði dug til að stinga norninni sjálfri inn í ofninn.  Hverskonar samningar halda menn, að séu gerðir af þeim sem eru með fullan munninn af sykri?

Samninganefndarmenn ESB og fulltrúar þeirra hér á landi kunna sitt fag.   

Það er okkar að segja stopp og taka Grétu til fyrirmyndar. 

Efnahagslegt sjálfstæði Íslendinga og kröfuhafarnir

Það er nú alltaf að verða ljósara og ljósara hvað það er mikilvægt að láta
ekki undan áróðri og þrýstingi erlendra kröfuhafa í þrotabú gömlu bankanna.
Hér er gríðarmikið í húfi fyrir landsmenn en allt í allt telja krónueignir
þrotabúanna  þriggja um 900 milljaðra.  Málið snýst um það hvort hinir erlendu
kröfuhafar eigi að njóta undanþágu frá gjaldeyrislögum landsins og fá
forgang til þess að geta skipt þessum krónum sínum í gjaldeyri. En einnig um
eignarhaldið á nýju bönkunum, en stórhættuleg eru þau áform að selja
fjárfestum þó íslenskir séu hluti kröfuhafanna í Arion banka og
Íslandsbanka og greiða þeim með erlendum gjaldeyri.

Kröfuhafarnir mega ekki ráða ferðinni
Heiðar Guðjónsson hagfræðingur rekur þessa umræðu á mjög skilmerkilegan hátt með
grein í Fréttablaðinu  5.mars sl.: “ Erlendir kröfuhafa mega ekki ráð ferðinni“.
Víkur hann að þeirri umræðu sem er  í dag um að kröfuhafarnir selji hluti sína á
miklum afslætti.!
Og Heiðar spyr: „Afsláttur frá hverju, það er ekkert verð á þessum bönkum“.
Eða hver veit það verð.? Og hver veit um raungildi íslensku krónunnar í
slíkum viðskiftum, þegar í gildi eru gjaldeyrishöft og neyðarlög. „ Það er ekki jafnvægi á utanríkisviðskiftum sem þýðir að krónan er of sterk, ef
eitthvað er. Allt tal um afslátt er því einungis til að afvegaleiða
umræðuna“, segir Heiðar.

 Kröfuhafarnir eru engir „Íslandsvinir“
Og fjármögnum á skuldum Orkuveitu Reykjavíkur er allt í einu orðinn hluti af
uppgjöri við vogunarsjóði  erlendu kröfuhafa bankanna sem standa í umdeildum nauðasamningum.
Heimilin í landinu, fyrirtækin stór og smá vita hvað nauðsamningar og
gjaldþrot þýða. Erlendu kröfuhafarnir sem hér telja sig eiga hundruð ef
þúsund milljarða kröfu á Íslendinga eru engir Íslandsvinir komnir til að
þiggja gefins lopapeysur heldur alþjóðlegir, harðsvíraðir peningamenn  vogunarsjóða sem
hugsa fyrst og fremst um að hrifsa til sín allt sem þeir geta. Þeir eru
nafnlausir og andlitlausir, enginn veit í raun hverjir þeir eru.
Og Heiðar mælir sterk varnaðarorð: „Fjölmiðlafulltrúar kröfuhafa, lögfræðingar þeirra og bankamenn vinna að hagsmunum umbjóðenda sinna en ekki hagsmunum íslensku þjóðarinnar. Þeir reyna kerfisbundið að draga úr
trúverðugleika þeirra sem standa á rétti þjóðarinnar og reyna að afvegaleiða
umræðuna. Við verðum að standa fast á rétti okkar og ekki leyfa afglöpum í kringum Icesave að endurtaka sig"

Efnahagslegt sjálfstæði er í húfi
Ég tek undir varnaðarorð Heiðars.  Að leiða þrotabú gömlu bankanna í gjaldþrot er þekkt og gagnsæ leið.    Endanlegt uppgjör við erlendu kröfuhafana og niðurstaða nauðasamninganna er líklega ásamt ESB umsókninni eitt stærsta hagsmunamál almennings og getur ógnað framtíð og efnahagslegs sjálfstæðis Íslendinga, ef ekki er fast á málum haldið.
Liggur kannski  beinn þráður milli hnjáliðamýktarinnar í samningum við fulltrúa
hinna erlendu kröfuhafa og umsóknarinnar að ESB?.

Bændur segja allt gott

 Búnaðarþing var sett í dag við hátíðlega athöfn á Hótel Sögu. Einkunnarorð þingsins eru:  „ Bændur segja allt gott“. 

Haraldur Benediktsson lætur nú af formennsku eftir níu ár og hyggst hasla sér völl á hinum pólitíska vettvangi Alþingis. Ég þakka Haraldi samstarfið og góð störf í formennsku Bændasamtakanna og óska honum velfarnaðar á nýjum vettvangi.Sem fyrrum ráðherra landbúnaðarmála þekki ég frá fyrstu hendi trausta baráttu Bændasamtakanna gegn aðlögun og inngöngu í ESB.

Hefðum við ekki notið einbeittrar andstöðu þeirra, studda ítarlegri faglegri vinnu, væri Ísland nú þegar búið að gefa eftir mörg grundvallaratriði sem lúta að sjálfstæði Íslands og fæðu- og matvælaöryggi þjóðarinnar í svokölluðum samningaviðræðum við ESB. Náið samstarf mitt sem ráðherra við forystu Bændasamtakanna og starfsmenn þeirra og þrotlaus barátta þeirra hefur skipt sköpum fyrir þjóðina í þeim efnum.   

Matvæla- og fæðuöryggi þjóðarinnar

Ég minni á átökin í kringum bannið á innflutningi á hráu, ófrosnu kjöti og lifandi dýrum. Þar vildu forystumenn ríkisstjórnarflokkanna og samninganefndarinnar að gefið væri eftir fyrirfram í samræmi við kröfur ESB. Og það þrátt fyrir að Alþingi hefði nýlega samþykkt lög sem viðhéldu banni á innflutningi á þessum vörum. Aftur var tekist á um þessi mál inni í utanríkismálanefnd en þar átti ég sæti í nokkra mánuði. Með harðfylgi og kröftugum stuðningi Bændasamtakanna tókst að koma í veg fyrir stórslys af hálfu stjórnvalda í mótun samningsafstöðu Íslendinga í þessum málum. Sú barátta átti reyndar þátt í að mér var síðan vikið úr utanríkismálanefnd, sem er önnur saga.

 Nú hafa stjórnvöld neyðst til að gera sýndarhlé á aðlögunarviðræðunum fram yfir kosningar. Áfram streymir þó aðlögunarfé ESB til landsins, áróður og undirbúningur aðildar er á fullu.  

  Látum ekki blekkjast

 Formaður Bændasamtakanna var þó óvarlega bjartsýnn á að umsóknin væri pólitískt dauð. Því miður er það ekki svo. Hann sagði orðrétt:

 „Í mínum huga er umsókn um aðild að Evrópusambandinu pólitískt dauð, henni verður endanlega aflýst eftir Alþingiskosningarnar í vor en þær kosningar eru fullveldiskosningar. Við höfum staðið fast á okkar stefnu í málinu og sætt margvíslegum ákúrum en okkar sjónarmið hafa aldrei verið hrakin. Nýjasta sending frá ESB til okkar er að sambandið hyggst hafa meðalgöngu í málaferlum gegn Íslandi, svona rétt eins og glæsilegur árangur þeirra í Icesave var, í deilum um að troða inn í landið hráu kjöti sem ESB getur ekki ábyrgst hvort hneggjaði eða baulaði í lifandi lífi. Allt á grundvelli fullkominnar löggjafar um heimsins besta matvælaeftirlit. Verði þeim að góðu“.  

 Vissulega höfum við unnið varnarsigur og andstaðan gegn umsókn og aðild að ESB meðal þjóðarinnar hefur trúlega aldrei verið meiri en nú.

Staðreyndin er því miður sú, að þrír stjórnmálaflokkar, Samfylking, Vinstri græn og Björt framtíð hafa nú þegar lýst því yfir að halda beri áfram aðlögun og samningum við ESB að kosningum loknum. Ég hef rækilega kynnst því hve lítil innstæða getur verið fyrir digurbarkalegu tali um andstöðu við aðild að ESB, en sverustu hnén virðast bogna fljótt þegar ríkisstjórnarsamstarf er í boði eða ráðherrastólar að veði. Það gildir að öllum líkindum um forystufólk hjá fleiri flokkum en Vinstri hreyfingunni - grænu framboði, þótt þeir hinir sömu lýsi því yfir fyrir kosningar að þeir vilja stöðva viðræðurnar eða gera á þeim hlé. Það þarf að ýta þeim strax ákveðið og varanlega út af borðinu.   

 Fullveldiskosningar í vor

 Þegar kemur að fullveldi þjóðarinnar þýðir ekki að vera með eitthvert hálfkák, „bjölluat“ eða að „kíkja í pakkann“. ESB veit hvað það vill.

 Kosningarnar í vor munu  svo sannarlega snúast um fullveldið, eins og fráfarandi formaður Bændasamtakanna komst að orði.