Hvers konar rugl er þetta

Við viljum alls ekki ný veirusmit inn í landið! -

Sóttvarnarlæknir telur jafnvel óþarfa að smitgreina fólk á flugvellinum vegna þess hve fá smit greinast. 

Er það ekki einmitt fagnaðarefni að séu fá smit.  Eitt smit á dögunum smitaði  tvo lögreglumenn og setti aðra 14 í sóttkví. Hver veit hvað meir.

Vanhugsuð yfirlýsing sóttvarnalæknis

   Hvernig ætla menn að velja út lönd og fólk á flugvellinum eða á landamærastöðvum sem er búið að fara í gegnum marga flugvelli á leið hingað og enginn veit hvaðan koma. 

Þá fyrst verður um alvarlega mismunun að ræða. 

 Nánast engar smitrannsóknir eru í gangi meðal landsmanna og enginn veit hvernig staðan er.  Mörg önnur lönd eru með ítarlegar fjöldasýnatökur meðal almennings til að fylgjast með stöðunni og grípa smit.

Hættuleg staða í kringum okkur

"Smittetrykket fortsetter å øke i Tyskland

Smittetallet, eller reproduksjonstallet, fortsetter å øke i Tyskland. Fra lørdag til søndag økte tallet fra 1,79 til 2,88"

Liðlega 30 nýsmit eru í Noregi á dag og fjölgar heldur en fækkar. Sömu sögu er að segja í Danmörku. Það eru ekki bara Rússland og Bandaríkin sem eru smitandi lönd

Það væru alvarleg mistök ef farið væri að slá af eftirliti og kröfum gegn veirusmiti á íslenskum landamærum.  

 

 

Skoða að hætta skimun frá vissum löndum

Sóttkví og landamæravarsla vegna Kovid

Tekið er undir hamingjuóskir til þríeykisins, Ölmu, Víðis og þórólfs með fálkaorðuna sem var mjög verðskulduð.
Ný óvissuferð er hafin á Íslandi varðandi kórónufaraldurinn.
Mikilvægt er að stjórnvöld tali skýrt um það hvernig þau sjá framhaldið og hvernig verður bætt úr þeim alvarlegu hnökrum sem hafa komið í ljós.

1. Sóttkvíin sem talin var raunveruleg og fylgt væri eftir reynist með allt öðrum hætti. Hópur einstaklinga meira að segja utan Schengensvæðis kemst inni í landið athugasemdalaust og skráir sig bara einhversstaðar í sóttkví. Af tilviljun vegna búðarhnupls kemst upp að þeir eru veikir og ekki í neinni sóttkví. Hvað þá með alla hina sem áttu að vera í svokallaðri sóttkví?

2. Landamæravarslan: Traust á landamæravörslu og sóttkvíaraðgerðum hefur orðið fyrir hnekki sem stjórnvöld verða að skýra og bæta úr.
Fólk sem tekin eru sýni úr við komuna til landsins og eiga að vera í sóttkví dreifa sér um allt land áður en niðurstaða er komin um veiruna.

Það eru lagðir undir hundruð milljarðar í varnir og aðgerðir vegna kórónuveirunnar hér á landi og þýðir ekki að bera við mannaflsskorti í eftirliti þegar tugir þúsunda manns gengur atvinnulaus á greiðslum frá ríkinu.

3. Fréttaflutningur af veirusýkingum í öðrum löndum eru furðulegar. Gert er mikið úr veirutilfellum í Kína sem eru þó liðlega 1 til 2 hundruð  sem eru alvarleg og þeir virðast taka föstum tökum.

Gert er minna úr  fjölda nýsmita í Danmörku, Noregi og Þýskalandi og fleiri miðevrópuríkjum sem nú er verið að opna á. Bara á einum vinnustað í Þýskalandi eru 700 smit. Alls greindust 1800 nýsmit í Þýskalndi í gær sem er mikil aukning þar.
Þessi fréttaflutningur er ekki heiðarlegur gangvart landsmönnun en það er eins og sé verið að fela það að veikin gengur enn í kringum okkur og umtalsverð nýsmitun í nágrannalönduunum.

4. Skimanir og eftirlit hér innanlands : Flest lönd í kringum okkur beita nú víðtækum skimunum og sýnatökum meðal almennings til að fylgjast með og ná nýsmitum. Hér hafa slíkar skimanir alveg verið lagðar niður. Hvert verður framhald á því hér á landi að fylgjast með stöðunni og grípa nýsmit á byrjunarstigi?

Ljóst er að atburðir síðustu daga hafa hleypt nokkrum óhug í marga sem töldu sig vera að fara um í tiltölulega smitfríu landi.

Stjórnvöld, almannavarnir, landlæknir og sótvarnalæknir þurfa að skýra vel út hvernig verði tekið á þeim alvarlegu veikleikum sem hafa komið upp á landamæraeftirlitinu og eftirfylgni með sóttvörnum í landinum. Við viljum veirulaust Ísland

Kínverjar stöðva innflutning á hráum laxi af ótta við kórónusmit

Matvælaframleiðslan er viðkvæm og skilaboðin skýr  Þótt ekki sé talið að kórónuveiran berist með hráum matvælum  veit það í sjálfu sér enginn. Betra er því að hafa allt á hreinu í þeim efnum. 

Ný kóronusmit í Kína hafa verið tengd fiskmarkaði í Peking og athyglin beinst m.a að innfluttum hráum laxi. 

"Stór­ar dag­vöru­versl­an­ir í Pek­ing höfuðborg Kína, þar á meðal Car­refour og Wumart, hafa stöðvað sölu á laxi í kjöl­far þess að upp­götvaðist kór­ónu­veira á skurðbrett­um heild­sala í borg­inni og skapaðist ótti um að smit gæti borist með afurðum sem unn­ar hafa verið á um­rædd­um skurðbrett­um, þrátt fyr­ir að veiru­fræðing­ar hafi sagt að veir­an geti ekki borist í menn úr fiski, að því er fram kem­ur í um­fjöll­un kín­versku frétta­veit­unn­ar Global Times.

Þar seg­ir að blaðamenn Global Times hafi komið við í versl­un­um borg­ar­inn­ar síðastliðinn laug­ar­dag og að þeir hafi hvergi fundið lax til sölu og að á mörg­um stöðum hafði fisk­borðum verið lokað."  Mbl Kór­ónu­veira á skurðbrett­um heild­sala

Það eru því fleiri en ferðmenn í "sóttkví" sem sem skapa ótta að beri veiruna.  Hvað með innflutninginn á "hráa kjötinu" frá ESB löndum sem slagurinn hefur staðið um

Kórónuveira á skurðbrettum heildsala

Blekkingin - Veirufrítt Ísland

Hin stóra auglýsing " Veirufrítt Ísland  er hrunin. Stjórnvöld sem hafa barið sér á brjóst og sett milljarða í kynningarátak um "veirufrítt land" hefðu sjálfssagt mátt fara hægar í sakirnar. 

"Sextán í sóttkví vegna búðarþjófa á Selfossi" rúv

 "Smitin sem greindust í gær gætu leitt til hópsýkinga og bakslags í faraldrinum hér á landi, að sögn Þórólfs Guðnasonar sóttvarnarlæknis". 

Sá mikli fórnarkostnaður og samfélagsátak sem þjóðin tók á sig í vetur og vor getur runnið út í sandinn fyrir hégómaskap og værukærni stjórnvalda og almannavarna á landamærum landsins.

Gamla fólkið og þau sem teljast til áhættuhópa búa sig undir að fara aftur inni í skelina sína.

Fjölskyldufólk sem  vonaðist til að geta ferðast áhyggjulítið um landið, tekið flug eða gist á hótelum hugsar sig tvisvar um.

Hver hlýtur að spyrja sjálfan sig: "er sessunautur minn í flugvélinni eða rútunni eða á hótelinu smitaður af Kovid".  Fáir þora að segja þetta upphátt en mig grunar að fjöldinn  hugsi einmitt það innra með sér.

Það væri nær að herða frekar á reglum og kröfum til þeirra sem koma til landsins og fylgja þeim eftir í stað þess að stæra sig af hinu gagnstæða.  Veiru prufanir hafa bara ákveðið takmarkað öryggi og gilda aðeins þá mínútuna sem sýnið er tekið.

Atburðirnir með smituðu Rúmenana breytir engu þar um  heldur sýna fram á alvöru málsins og hve berskjaldaðir landsmenn eru. 

Það er alveg ljóst að herða þarf á landamæraeftirliti, takmarka komur fólks  og tryggja betur eftirfylgni og eftirliti með þeim sem koma til landsins. Bæta þarf á ný flæði upplýsinga um smit og hvað í gangi er á hverju svæði landsins og höfuðborgarvæðinu þannig að landsmenn geti tekið mið af því í skipulagningu ferðalaga  og daglegs lífs

  

Áfram greinast veirusmit á Íslandi

Í aðeins 79 sýnum sem tekin voru í gær fannst eitt veirusmit. Ljóst er því að veiran er enn á ferð í samfélaginu.

Erfitt er að gera sér grein fyrir umfanginu þar sem sýnataka er mjög takmörkuð. Þá er upplýsingagjöf um hvar og við hvaða aðstæður smitin greinast engin.

" Einn greindist með kórónuveiruna í skimun hjá Íslenskri erfðagreiningu í gær. Fjórir eru því í sóttkví. Þetta er fyrsta smitið sem greinist í sex daga. Vanalega eru þeir sem hafa greinst með COVID-19 hjá Íslenskri erfðagreiningu með gömul smit og því ekki smitandi. Veirufræðideild Landspítalans hefur ekki greint jákvætt smit síðan 12. maí. 79 sýni voru tekin í gær; 60 hjá veirufræðideildinni" Ruv.

  Það að stöðugt greinast ný smit sýnir alvöruna. Það er áhyggjuefni hve mikil þöggun er um ný smit og stöðuna vegna þeirra af hálfu sóttvarna. Hvar þau greinast og sóttkvi af þeirra völdum.

Upplýsingagjöf mikilvæg 

 Öflug og nákvæm upplýsingagjöf um smitin og afleiðingar þeirra var stór hluti í að skapa samstöðu meðal þjóðarinnar um að hefta útbreiðsluna. 

 Þöggun eða léleg upplýsingagjöf sóttvarna um ný smit vekur tortryggni.

Mikilvægt er að nákvæm og opin upplýsingajöf verði um skimanir og  framvinduna alla tengdri opnun landamæranna og skimanir.

 

Hvað gengur á ?

 Kórónuveiran er enn "grasserandi" í löndunum í kringum okkur og í stórum heimshlutum er hún enn í hraðri útbreiðslu með miklum fjölda dauðsfalla. Hvað liggur svo á að nánast berja ferðamenn til að koma til landsins. 

Hvað nú ef farsóttin gýs hér upp að nýju.

Norðmenn eru t.d. mjög áhyggjufullir, smitum snarfjölgar þar og víðar í þeim löndum sem nú hyggjast opna fyrir óhefta umferð

"81 nye koronasmittede i Oslo sist uke. Det er registrert 81 nye koronasmittede i Oslo sist uke, noe som er en tredobling fra uka før. NRK"

Óðagot íslenskra stjórnvalda

Í óðagotinu sem nú hefur gripið marga er gert lítið úr almennu heilbrigðisstarfsfólki og hjúkrunarliði; Ekki þurfi á þeim að halda við skimun 1000 ferðamanna á dag

Óraunsæið og óskhyggjan virðist hafa tekið völdin.

Nú snúist heilbrigðisþjónusta landsmanna um töku veiruprófa og söfnun lífsýna af erlendum ferðamönnum

Að berja sér á brjóst

Íslensk heilbrigðisþjónusta stóð sig mjög vel og sjálfssagt að stæra sig af því. En það voru hjúkrunarfólk, starfsmenn  sjúkrahúsa og heilbrigðisstofnana, björgunarsveitir og sjúkraflutningamenn og almenningur  sem unnu sigrana. Fólkið sem lét loka sig inni vikum saman. Nú er forgangsmál að ljúka kjarsamningum við hjúkrunarfólk.

Heppnin var með okkur

Mikilvægt er að líta eigin barm heilbrigðiskerfisins áður brjóstið er þanið meir. 

Hér var það Íslensk erfðagreining sem hafði getu til að taka fjölda sýna og greina meðan tækjakostur Landspítalans var bilaður og úr leik í fleiri vikur. Veiruprófunarefni frá Össuri var til staðar sem reyndist hægt að nýta. Sérbúnaður fyrir heilbrigðistarfsfólk var af skornum skammti sem og gjörgæslubúnaður. Veirufræðideild, hjúkrunard- gjörgæsludeild og göngudeild sem og smitrakningarhópur unnu kraftaverk. Samt hefur hjúkrunarfólk verið án kjarsamnings misserum saman og áfram sýnd vanvirða af stjórnvöldum.

Það er mikilvægt að fara fyrst í naflaskoðun og endurskoða forgangsröðun óg stöðu heilbrigðiskerfisins áður en lagt er vísvitandi út í nýjar hættuferðir eins og nú stefnir í.

Þetta er ekki búið

Enn eru að greinast smit hér á landi og í yfirlýsingum og aðgerðum sóttvarnarlæknis eru gert ráð fyrir að veiran sé enn á ferð í landinu.

Þegar nú er lagt mikið undir að koma ferðmönnum inn í landið og skima þá fyrir veirunni er furðulegt að ekki skuli gerð gagnskör að enn meiri fjöldasýnatökum meðal landsmanna til að útrýma henni hér alveg.

Leyfum þjóðinni að draga andann

 Þá er í eins og allt heilbrigðiskerfi landsmanna sé lagt undir i sýnatökunum og veiruprófunum  gagnvart erlendum ferðamönnum.

Maður hefði haldið að nú væri heilbrigðismál landsmanna sjálfra í forgangi sem hafa setið á hakanum undanfarin misseri.

Látið er eins og sýnatökurnar einar séu "alfa og ómega", en ekki rætt um hvað með landsmenn sjálfa, hvað með ef smit kemur upp, hvað með ef þarf að setja stóra hópa í einangrun. Hvað ef einhver verður alvarlega veikur og lendir á gjörgæslu.

Hjúkrunarfólk í lykilstöðu

Hvers vegna er verið að gera svo lítið úr störfum hjúkrunarfræðinga að ekki þurfi að gera kjarsamning við þá. Og skipti ekki máli hvort hjúkrunarfólk sé í verkfalli, sumarfríum Veiruprófun á þúsundum ferðamanna sé ekkert mál. 

Hvað ef greinast nú alvarleg veikindi, hver á þá að hjúkra.

Þessi umræða er svo "absurd" og barnalega fljótfærnisleg og óábyrg.
Hversvegna mega ekki venjulegir íbúar landsins, gamalt fólk og viðkvæmt fólk fá eitt sumar í landinu sínu án þess að eiga á hættu að vera rekið í hús og látin læsa að sér.

Að "hella" ferðamenn fulla til að koma þeim inn í landið

Atgangurinn að koma ferðamönnum inn í landið minnir á sögurnar þegar manna þurfti hinn stóra togaraflota landsmanna með því að nappa fyllibyttur og róna í Hafnarstræti og hella þá fulla og bera meðvitundarlausa  um borð í togarann.

Þeir vöknuðu svo ekki til lífsins fyrr en skipið var komið langt út á rúmsjó.

Ætli að verði ekki að hella brennivíni í ferðamennina í Flugstöðinni um leið og rekinn er upp í þá veirupinninn til að koma þeim inn í landið.- Áfengissalan á flugstöðinni hefur alveg dottið niður.

Að njóta sumarsins

Þótt ástandið í ferðaþjónustu sé alvarlegt er þessi flumbrugangur í kringum að "opna# landið fyrir ferðamönnum óafsakanlegur. Auk þess sem tekin er mikil áhætta gangvart þjóðinni sem vill ekki fá nýja holskeflu veiruveiki yfir sig .

Leyfum landsmönnum að njóta sumarsins á Íslandi í friði

Leyfum þjóðinni að anda

Veirufárið hefur tekið á. "Áhættuhópar" lokaðir inni. Margir ekki mátt hitta sína nánustu. Börn veifa afa og ömmu inn um rúðuglugga. Einstaklingar deyja í einrúmi og jarðaðir í kyrrþey.

 „Hvernig væri að leyfa úti­leg­ur, úti­hátíðir, tón­leika, fer­tugsaf­mæli, brúðkaup inn­an land­stein­anna þar sem smit­hætt­an hér á landi er nán­ast eng­in“ 

segir Bryndís Sigurðardóttir, smit­sjúk­dóma­lækn­ir á Land­spít­al­an­um í ræðu sem hún flutti á ráðstefnu um Kórónuviruna í dag.

Bryndís seg­ir að far­ald­ur­inn hafi tekið á innviði brot­hætts heil­brigðis­kerf­is og henni sé til efs að þjóðin verði jafn fórn­fús og hún var þegar önn­ur bylgja smita kem­ur. Eng­inn efi sé um að önn­ur bylgja smita komi, þetta sé aðeins spurn­ing hvenær það verði. Fjölda­skimun mun ekki úti­loka það.  

"Nýt­um frek­ar það sem heims­far­ald­ur­inn hef­ur hingað til kennt okk­ur. Virðing fjar­lægðarmarka fyr­ir ákveðna hópa, hand­hreins­un, enda­lok handa­bands­ins og al­mennt hrein­læti. Hlut­verk þess­ara þátta í bar­átt­unni gegn veirunni má ekki van­meta, seg­ir Bryn­dís.

Seinkum "opnun" landsins

Bryn­dís kom inn á mögu­leik­ann á að seinka opn­un lands­ins og leyfa lands­mönn­um að njóta þess að landið er COVID-19-laust.

„Hvernig væri að leyfa úti­leg­ur, úti­hátíðir, tón­leika, fer­tugsaf­mæli, brúðkaup inn­an land­stein­anna þar sem smit­hætt­an hér á landi er nán­ast eng­in,“ seg­ir Bryndís.. 

Hætt er við að opnun landsins eins og nú er fyrirhugað upp úr miðjum júní muni enn á ný leiða óöryggi og kvíða yfir þjóðina: Reka eldra fólk og öryrkja aftur inn í hýði sitt.

Munum við áfram þurfa að líta á náungan sem óvin með rýting í hendi með banvænni veiru á oddinum.

Auglýsa verður sérstaklega staði fyrir Íslendinga og aðra staði fyrir erlenda ferðamenn? Er það sem þjóðin vill, held ekki

Forðumst háskaleik 

Er líklegt að landsmenn  munu  fara á þá staði sem erlendir ferðamenn flykkjast á?

Þeir sem hæst hafa nú fyrir hönd ferðaþjónustunnar um hópsmölun á erlendum ferðamönnum til landsins gætu verið í háskaleik gegn atvinnugreininni og þjóðinni allri.

Njótum þess að draga andann  

Leyfum landsmönnum að njóta sín í friði í nokkra mánuði. Þannig komumst við útúr kreppunni bæði andlega, félagslega og efnahagslega. 

 

Hópskimanir ekki rétta leiðin

Kjarasamninga við heilbrigðisstarfsfólk og Covid

Það þýðir lítið að gera áhættumat á getu heilbrigðisstofnana að takast á við nýja bylgju Covid 19 faraldurs með kjarasamninga í uppnámi og yfirvofandi verkfallsaðgerðir.

Kjarasamningar  lausir í meir en ár

Kjarasamningar við hjúkrunarfræðinga hafa verið lausir  síðan í mars á sl. ári. Þeir samningar voru settir á með þvingunum. Í baráttunni við Covid faraldur  kom rækilega í ljós hve öflugt starfsfólk í heilbrigðisþjónustu er mikilvægt. 

Ljúka kjarsamningum við hjúkrunarfólk

Það hlýtur nú að vera næsta skref að styrkja innviði heilbrigðiskerfisins og þar á meðal að ná kjarasamningum við hjúkrunar stéttirnar,

Hjúkrunarfræðingar hafa nú aflað sér verkfallsheimildar. Það er mjög óvarlegt af hálfu stjórnvalda að tefla í tvísýnu þessum árangri sem hefur náðst í báráttunni við Covid 19 með kjarasamninga í uppnámi. 

Ríkið ber ábyrgð á kjarasamningum við hjúkrunarfólk

Þótt samningsaðilar séu tveir þá er það ríkisvaldið sem ber ábyrgð á að samningar séu gerðir. Ég held að flestum landsmönnum finnist það móðgun við heilbrigðisstarfsfólk eftir veturinn að ganga ekki frá samningum.

Ætti ekki að bíða með áhættuinnflutning á ferðamönnum þar til þeir samningar eru í höfn?

Bíða með áhættuinnflutning ferðamanna

Varla getur Landspítalinn eða heilbrigðiskerfið gert áhættumat gangvart nýrri bylgju faraldurs  með kjarsamninga við starfsfólkið uppí loft og yfirvofandi verkföllum heilbrigðisstétta.  Hér þarf ábyrga og skynsamlega forgangsröðun stjórnvalda

Kvíði og reiði vegna bráðræðis stjórnvalda

"Ekki ríkir einhugur innan heilbrigðiskerfisins um þá ákvörðun ríkisstjórnarinnar að opna landið á ný. Þetta segir Már Kristjánsson, yfirlæknir á smitsjúkdómadeild Landspítalans. 

„Þessi ákvörðun um að opna landið er mjög umdeild. Það sýnist sitt hverjum. Margir af mínum kollegum eru mjög hugsi um þetta og jafnvel reiðir að þetta skuli vera gert,“ sagði Már í viðtali á Morgunvaktinni í morgun." Segir marga reiða yfir því að landið verði opnað

Valda kvíða og öryggisleysi

Það er mjög alvarlegt að fá þá tilfinningu að sóttvarnir og heilbrigðismál þjóðarinnar séu settar póitískt til hliðar í yfirlýsingakeppni milli einstakra ráðherra.

Mikilvægt að halda trausti þjóðarinnar  

Vissulega er staðan atvinnu- og félagslega alvarleg en  kvíði og vantraust á aðgerðir stjórnvalda í veirumálinu eru miklu alvarlegri fyrir þjóðarsálina.

Þessa ákvörðun stjórnvalda og forgangsröðun þarf að endurskoða.

Útrýmum veirunni fyrst á Íslandi og náum eðlilegum samskiptum innanlands.

Bíðum svo átekta

Ljúkum fyrst kjarasamningum við hjúkrunarstéttirnar

Óðagot ráðherra getur orðið dýrkeypt

Íslensk Erfðagreining gæti skimað alla Íslendinga á örfáum dögum, einangrað smitbera og útrýmt veirunni. 

Það er til lítils að skima alla ferðamenn inn í landið ef enn finnst hér smit.

Frekjan í ráðherrunum

Sóttvarnalæknir er greinilega ekki sáttur með frekjuna og yfirganginn í ráðherrum sem hver reynir að yfirbjóða annan.  Þórólfur segir þær hugmyndir sem kynntar voru af ráðherrum um skimun við komuna til landsins í stað sóttkvíar „nokkuð í þeim anda sem hann hafi verið að hugsa. Kórónuveiran sé ekki á förum, ný smit munu greinast innanlands"

Sóttvarnalæknir vill greinilega ekki fórna góðum árangri og heilsu landsmanna fyrir bráðræði pólitíkusa. 

 Ætti þá ekki að útrýma veirusmitum á Íslandi fyrst, hreinsa landið örugglega, ef hægt er að veiruprófa hundruð þúsunda ferðamanna með ásættanlegu öryggi

 Skima alla ferðamenn og hengja á þá "rakningarapp"

 Kári Stefánsson segir að reynslan und­an­farnar vikur sýndi að fram­kvæm­an­legt væri að skima alla ­sem kæmu til lands­ins. Íslensk erfða­grein­ing hafi náð að prófa allt að tvö þús­und manns á dag og hægt ætti að vera að marg­falda þá afkasta­getu.

Skima alla á Íslandi fyrst

Fyrsta skrefið hlýtur samt að vera að tryggja að ekkert smit sé í landinu. Það gagnast ferðamönnum lítið að vera skimaðir á flugvellinum og veikjast svo af Íslendingum.

Þótt fólk hafi verið prófað fyrir einhverjum vikum síðan getur það hafa tekið smit síðan. Kári Stefnánsson getur skimað alla þjóðina á hálfum mánuði.

Það vantar einhverja brú í þessi plön og yfirlýsingar.

Mér finnst þurfa að gæta samræmis í þessum málum. Nú komast bara fáir í skimun hérlendis, hjá heilsugæslustöðvum verður fólk að vera fárveikt með mikil einkenni til þess að komast í sýnatöku. Hjá Íslenskri erfðagreiningu er lokað fyrir og allt sagt upppantað langt fram í tímann.

 Í Wuhan í  Kína á að prófa alla íbúana 11 miljónir á 10 dögum

Yfirvöld í Wuhan í Kína, þar sem krórónuveiran greindist fyrst undir lok síðasta árs, ætla að taka sýni af öllum borgarbúum í ljósi nýrra kórónuveirusmita sem þar hafa greinst að undanförnu. 

"Gert væri ráð fyrir að það tæki um tíu daga að taka sýni úr borgarbúum sem eru ellefu milljóna

Fórnum ekki góðum árangri fyrir hégómagirnd pólitíkusa

Það hlýtur að vera fyrsta mál okkar að útrýma veirunni hér á landi áður en hafið er tilraunastarf með sýkta eða ósýkta ferðamenn.