"Miklir menn erum vér Hrólfur minn"

Utanríkisráðherra Íslands var fljótur til og einn með þeim fyrstu í heiminum til þess að frysta greiðslur til flóttamanna hjálpar Sameinuðu þjóðanna í Palestínu.

- Aumt er og sorglegt -

Hryllilegt ef sannur er grunur um þátttöku einstaklinga í þeirra röðum í voðaverkum á Gaza og Israel.

Yfirmenn hjá Sameinuðu þjóðunum hafa lýst því yfir að þessar ásakanir verði rannsakaðar ofan í kjölinn, sem verður vonandi gert ásamt viðeigandi ráðstöfunum .   

Grimmdarverk einna réttlæta ekki grimmdarverk annarra 

Hér er um að ræða gífurlega neyð tug þúsunda ef ekki hundruðþúsunda  saklausra almennra borgara í Palestínu.

Það er varla mannúðlegt eða hreystilegt að það fyrsta sem gripið sé til er að stöðva framlög til neyðarsamtaka og neyðarhjálpar almennra borgara í Palestinu.

Saklaust fólk fellur þúsundum saman á degi hverjum af hungri, vosbúð og sprengiárásum.

Hafin er rannsókn  á vegum Alþjóðadómstólsins hvort verið sé að fremja þjóðarmorð á Gaza og kallað eftir tafarlausu vopnahléi.

 

Krafan um vopnahlé og frið

Væri ekki réttara að íslensk stjórnvöld leggi allt á vogarskálarnar til þess að koma á vopnhléi og friði, frekar en að stökkva strax til með þessum hætti að stöðva neyðarhjálp  sem  ráðherra gerir jafnvel að ósönnuðu máli um voðaverk einstaklinga innan þessara hjálparsamtaka 

 Væri ekki ágætt að draga andann og fylgja dæmi t.d. Norðmanna sem við höfum oft átt samleið með.

 

Erlent | mbl | 28.1.2024 | 8:04

Norðmenn frysta ekki greiðslur til UNRWA

Reykjarský yfir suðurhluta Gasasvæðisins eftir loftárásir Ísraela. AFP

 Setja bókamerki

Stjórn­völd í Nor­egi hyggj­ast ekki frysta fjár­fram­lög til Palestínuflótta­manna­hjálp­ar Sam­einuðu þjóðanna, UN­RWA, í kjöl­far ásak­ana um að starfs­menn stofn­un­ar­inn­ar hafi með ein­hverj­um hætti átt aðild að árás Ham­as-hryðju­verka­sam­tak­anna á Ísra­el 7. októ­ber.

Íslensk stjórn­völd hafa ákveðið að frysta frek­ari greiðslur til UN­RWA þar til haft hef­ur verið sam­ráð við önn­ur nor­ræn ríki um næstu skref.

Frétt af mbl.is

Frysta greiðslur til UN­RWA

Norska sendi­ráðið í Palestínu greindi frá því í gær að ásak­an­irn­ar væru slá­andi og fagnaði til­von­andi rann­sókn­ar á mál­inu. Hins veg­ar væru þær ekki til­efni til að frysta greiðslur.

„Við þurf­um að greina á milli þess sem ein­stak­ling­ar kunna að hafa gert og hvað UN­RWA stend­ur fyr­ir,“ seg­ir í yf­ir­lýs­ingu á sam­fé­lags­miðlin­um X.

Frysta greiðslur til UNRWA