Aðgát skal höfð

Sammála Þórólfi sóttvarnarlækni  um að þessi nýja bylgja veirusmita tengd ákveðnum hverfum og stofnunum í Reykjavík kallar á snöggar og sértækar aðgerðir.

Við búðarborðið 

  Ég bý í háskólahverfinu og stend mig oft að óvarkárni.  Litlu háskólabúðirnar í kring eru þröngar og því miklvægt sóttvarnaraðgerðir séu góðar og samræmdar hjá starfsfólki. Sumt er með grímu, sumt er með hanska, stundum fara berir puttarnir af símanum á vörurnar og kassann  til skiftis. Ég fer í Vesturbæjarlaugina og reyni að velja stund utan álagstíma en hugsa það sama og stend mig að óvarkárni

Þetta á reyndar við fleiri búðir og afgreiðslukassa  og líka í stórum búðum.

Mín tilfinning er sú að verslunarstjórar þurfi stöðugt að fara yfir smitvarnir í búðum, samræmdar og skýrar reglur hjá starfsfólki. En það getur alveg eins og ég sjálfur gleymt sér í óvarkárni.

Berhent á Hlaupahjólum

  Mikill fjöldi hlaupahjóla er stillt upp mjög þétt víða um bæinn. Þetta á ekki hvað síst við hér í Háskólahverfinu. 

Varla verður þverfótað á gangstéttum fyrir fólki á þessum hjólum.

   Svo góður fararskjóti sem þau eru. þá geta þau líka verið mjög virkir smitberar um allan bæ.  

Berhent á hjólinu er því skilað til næsta leigjenda sem líka þeytist um berhentur og svo koll af kolli.   Mér finnst kæmi til greina að banna þessi hjól í ákveðnum hverfum og við stofnanir ar sem veiran grasserar.

"Við erum jú öll almannavarnir"

 

 

19 ný innanlandssmit: mesti fjöldi frá 9. apríl

Ný veirubylgja skollin á ?

Sóttvarnaryfirvöld  stóðu sig vel fyrr á árinu  en virðast nú hafa slakað of mikið á vörnum síðustu daga hér innanlands. Skilaboðin og markmiðin hafa oft verið  óljós og stöðugt verið að rokka til með sóttvarnar reglur sem gerir þau marklausari en ella:

"Þrettán greindust með kórónuveiruna innanlands í gær. Aðeins einn þeirra var í sóttkví við greiningu. Ekki hafa fleiri greinst með veiruna á einum sólarhring síðan í byrjun ágúst. Tveir greindust með virk smit eftir seinni landamæraskimun. Einn er nú á sjúkrahúsi vegna veirunnar"

Markmiðið að halda veirunni úti

Tekin var upp tvöföld skimun á öllum sem koma til landsins sem var gott og hefði átt að gera fyrr.

Markmiðið var að útrýma veirunni innan lands og halda landinu veiru fríu. Og standa af sé holskefluna erlendis uns bóluefni eða aðrar varnir virka. Þessu  mætti fylgja eftir innan lands og setja sér þar skýrari markmið t.d. um ekkert nýsmit í 15 daga áður en ný tilslökun væri gefin

Við eigum að nýta kosti þess að vera eyþjóð.

 Ótímabærar væntingar um afléttingar á þessum eða hinum  varúðareglum gerir það að  verkum að stokkið er á þær strax og þó þær séu ekki komnar til framkvæmda.
  Fólk hælir sér jafnvel af í erlendum fjölmiðlum að hafa komist upp með að brjóta sóttvarnarreglur á Íslandi.

Mikið í húfi fyrir samfélagið að halda veirunni úti 

Sóttvarnarlæknir hefur þó tekið mun skýrar til orða upp á síðkastið: -að markmiðið sé að halda veirunni úti -. Enda á samfélagið allt sitt undir að það takist.  Forsætisráðherra og heilbrigðisráðherra  hafa einnig  tekið skýrt fram að  heilbrigði og heilsa þjóðarinnar sé í algjörum forgangi hvað sóttvarnir varðar.

Herða þarf róðurinn og skýra markmiðið

Í stað þess að reikna stöðugt út hvað sóttvarnaraðgerðir kosti samfélagið ætti frekar að snúa því við: hvað kostar samfélagið að hleypa veirunni á fulla skrið í landinu. Við ráðum ekki útbreiðslu veikinnar í öðrum löndum og þurfum ekki að lenda í sama díki og þau 

Eitthvert meðal hóf og ásættanlegan fjölda  sýkinga  og dauðsfalla pr dag hefur enginn skilgreint.

 Við erum eyþjóð og og eigum að hafa markmið að útrýma veirunni á Íslandi og standa af okkur holskefluna.

Tvöföld skimun á landamærum bráðnauðsynleg

Veiru frítt  Ísland er stærsta baráttumál þjóðarinnar. Við erum eyþjóð og getum það. En til þess þarf að hafa trú og vilja og grípa til nauðsynlegar aðgerða.

Kári stendur sig

"Ég held að það skipti svo­litlu máli að átta sig á því sem vinnst, ekki bara því sem tap­ast með þessu kerfi. Það sem vinnst er m.a. það að við get­um haldið uppi skóla­starfi á eðli­leg­an hátt, það er ekk­ert mik­il­væg­ara fyr­ir sam­fé­lagið en að hlúa vel að börn­um og ung­menn­um í skól­um. Kerfið býður upp á þann mögu­leika að stunda menn­ing­ar­starf­semi á eðli­leg­an hátt. Kerfið býður upp á þann mögu­leika að sótt­varn­ir séu ekki að vega að ann­arri at­vinnu­starf­semi í land­inu.“

Hvers vegna þurfa fjölmiðlar að segja ósatt um fjölda smita sem uppgötvast við seinni skimun?

"Þá seg­ir Kári að ef litið er til framtíðar þá séu það lang­tíma­hags­mun­ir ferðaþjón­ust­unn­ar að „við get­um barið okk­ur á brjóst og sagt að við séum þjóð sem hlú­ir vel að sínu fólki, hingað geti fólk komið vegna þess að hér séum við ör­ugg“".

Gáleysistal lögspekinga

Einstaka lögspekingar hafa minnst á stjórnarskrár brot og skaðabótakröfur í þessari sjálfsvörn þjóðarinnar gegn veirunni.

Hvað mega þeir þá segja sem smitast, þau sem geta ekki haldið uppi eðlilegri starfsemi þegar við eigum möguleika að halda þessum vágesti úti. 

Hafa þau þá ekki skaðabótarétt á ríkið fyrir að það standa sig ekki í sóttvörnum og beiti ekki öllum tiltækum ráðum til að verja þegnana og samfélagið

Er það ekki alvarlegt mál og stjórnarskrárbrot þegar tryggingarfélög lýsa því nú yfir að þau treysti sér nú ekki til að afgreiða líftryggingar fólks með eðlilegum hætti meðan veirufárið gengur yfir.

Verða kannski farþegar að kaupa tryggingar vegna skaðabótakrafna ef þeir bera smit inn í landið.

Vonandi stöðvast þessi umræða lögspekinganna  sem nú tala um stjórnarskrárbrot og skaðabótakröfur  áður en til þess kemur. 

"Ræfildómur að halda ekki landinu hreinu" sagði próf. Margrét Guðnadóttir ein öflugasti veirufræðingur landsins á síðari timum þegar hún vilda verja íslenskt búfé og þjóðina fyrir hættulegum veirusjúkdómum. 

Ekkert smit greindist innan lands í gær og er það fagnaðarefni. Vonandi verða fleiri slikir dagar á næstunni. En þá má ekki slaka á né láta undan þrýstingi tímabundinna einkahagsmuna og gefa eftir í landamæra vörnum

Þær mega ekki klikka. 

Veiru frítt Ísland er markmiðið

 

Þrír smitaðir: Seinni skimun „bráðnauðsynleg“

" Hver dagur er dýr "

Á annað þúsund manns þarf að vera í sóttkví um lengri tíma og frá vinnu og hundruð í einangrun, skólum og sjúkrastofnunum lokað. Já svo sannarlega er hver dagur dýr með veiruna í landinu

"Hver dagur er dýr" sagði fjármálaráðherra áðan í útvarpsviðtali þar sem kvartað var undan ferðatakmörkun og sóttvörnum á landamærum landsins og kostnaðnum sem því fylgir:

 Bjarni um ferðatakmarkanir: „Hver dagur er dýr“. 

Hin "rússneska rúlletta" á landamærunum 

En getur samt verið að sú eftirgjöf, "hin rússneska rúlletta" sem tekin var upp á landamærum í sumar varðandi sóttvarnir kosti þjóðina nú meir samfélagslega en hinn fjárhagslegi ávinningur sem sumir töldu sig fá fram og kalla nú eftir.

Fjármálaráðherra hefur nú skipað starfshóp sem : " Mun greina efnahagsleg áhrif valkosta í sóttvarnarmálum":

 Að meta heilsu, líf og velferð fólks til fjár

Hver dagur er dýr fyrir leikskólastarfsmann sem ekki getur unnið eftir almennum sóttvarnareglum og er í stöðugri smitskotlínu. - Þorir ekki að umgangast annað fólk utan vinnutíma af ótta við að smitast eða bera smit. 

Hver dagur er dýr hjá kennaranum sem verður að forðast að anda í átt að börnunum sem hann er að kenna og heldur sig í sóttkví að vinnudegi loknum. Og skólum lokað skyndilega

Hver dagur er dýr þegar börn lifa og hrærast í daglegu lífi sínu eins og við stríðsástand af ótta við smit eða bera smit. Þau þora varla að segja "Hæ" í fjarlægð við afa og ömmu

Hver dagur er dýr  hjá eldra fólki sem  er lokað inni  og fær ekki að hitta ástvini sína eða njóta félagslífs.

Hver dagur er dýr þegar fólk veigrar sér við að fara á heilsugæslustöð eða í sjúkraþjálfun af ótta við smit

Hver dagur er dýr þegar aðal bráðavakt landsins er teppt vegna móttöku á Covid sjúku fólki

Hver dagur er dýr fyrir fólk sem beðið hefur vikum og mánuðum saman eftir nauðsynlegum læknisaðgerðum og lyfjameðferð

Hver dagur er dýr fyrir fólk með undirliggjandi sjúkdóma eða fötlun, verður að loka sig inni og setur sína nánustu í stöðugan ótta og vanda

Hver dagur er dýr ef "Covíð" kemur upp á vinnustað í matvælaframleiðslu eða í grunnstörfum velferðarþjónustu og verður að loka starfsstöðvum  um tíma

Hver dagur er dýr ef ef stöðva verður starfsemi í sláturhúsum nú á haustdögum ef veira kemur upp.

Hver dagur er þjóðinni dýr ef halda verður sammfélaginu í gíslingu í stað þess að beita nauðsynlegum sóttvörnum á landamærum 

 Forsætisráðherra og heilbrigðisráðherra tala skýrt 

Ég fagna þeirri ákvörðun sem tekin var í byrjum ágúst um hertar sóttvarnir á landamærum.  Hefði það verið gert viku fyrr værum við nú sjálfssagt í betri málum innan lands. Mikilvægt er að láta ekki undan sérhagsmuna þrýstingi með heilbrigði þjóðarinnar  þótt mörgum finnist þeir með réttu eiga erfitt. 

Ljóst er að smit bárust til landsins framhjá smitvörnum á landmærum eða með einstaklingum sem sem af einhverjum ástæðum var hleypt inn í landið framhjá smitvörnum

Forgangsraða heilbrigði þjóðarinnar

 

Það er misskilningur að halda því fram að við eigum að læra að lifa með "Covið" veirunni inni í íslensku samfélagi þó svo hún grasseri í öðrum löndum heims. Við eigum að lifa með því markmiði að halda landinu smit fríu. - Við sættum okkur ekki við að lifa með heimilisofbeldi þótt við vitum að að því verður seint útrýmt í heiminum.

Þjóðin setur traust sitt á forsætisráðherra og heilbrigðisráðherra sem hafa marglýst því yfir  að heilsa, öryggi og velferð íslensks samfélags njóti algjörs forgangs í sóttvörnum á landamærum Íslands.

Að þar verði ekki farið í neina "rússneska rúllettu"  um heilsu og velferð þjóðarinnar.

Við erum eyþjóð og eigum að njóta þeirrar sérstöðu meðan faraldurinn gengur yfir. Um það markmið og þá baráttu getur þjóðin sameinast

Starfsfólk leikskóla í skotlínu Covid

Mikil nánd er í öllu starfi á leikskólum bæði meðal starfsfólks og barna.

Á leikskólum gengur varla að allir gangi stöðugt  með andlitsgrímur og gúmmíhanska eða vinni eftir eins eða tveggja metra reglu.

Taka þarf lítil börn í fangið, þurrka tár og leika í miklu návígi og þröngu rými.

Óvíða er jafnmörgum einstaklingum safnað saman á litlum gólffleti eins og á leikskólun

Þótt börn séu talin smita síður en fullorðnir, smitast  þau og smita.

Hópur foreldra þarf að skila börnum og sækja, oft í mikilli nánd við starfsfólk, önnur börn og foreldra

Mér finnst starfsfólk leikskóla mætti fá meiri athygli í umræðunni um smitvarnir og sýkingarhættu í starfi

Starfsfólk á leíkskólum hlýtur að njóta sérstakrar verndar, eftirlits, stuðnings og leiðsagnar í starfi m.a. með reglubundnum sýnatökum ?

Að skima alla unga sem aldna á landmærum 

Nú hefur sýnt sig að börn og unglingar geta smitast og borið smit þótt það sé talið síður en meðal fullorðinna. 

Það hlýtur samt að vera einboðið að öll börn og unglingar séu skimuð á landamærum alveg eins og fullorðnir til þess að auka öryggið og draga úr áhættu.

Tillögur sérfræðingaum aukið öryggi innan lands kalla á stóraukið smiteftirlit á landamærum. 

Tvöföld skimun og sóttkví á öllum sem koma til landsins óháð aldri veitir mesta öryggi.

Eftir hverju er beðið

 

 

 

 

 

Klíkuskapur eða leyndarhyggja ?

Einkaflugvelar streyma til landsins með ríka einstaklinga. Ekki fæst uppgefið á hverskonar undanþágum þeir koma eða hvort þeir fara í hefðbundna skimun og sóttkví. Heimildir til undanþága frá sóttvörnum eru ekki sýnilegar eða skilgreindar í reglugerð. 

Enginn ábyrgur?

"Beiðnir um undanþágur frá ferðatakmörkunum stjórnvalda eru yfirfarnar af sérstökum starfshópi sem í sitja fulltrúar utanríkisráðuneytisins, atvinnuvega- og nýsköpunarráðuneytisins og Íslandsstofu" Mbl. 15.07 Beðið hefur verið um upplýsingar um hverjir eru í undanþágunefnd en svör ekki fengist.  

Banda­ríkja­menn geta komið hingað til lands með leyfi ut­an­rík­is­ráðuneyt­is­ins, að sögn Þórólfs Guðna­son­ar sótt­varna­lækn­is. Landið er enn skil­greint sem áhættu­svæði og er far­ald­ur kór­ónu­veiru á upp­leið í ákveðnum ríkj­um. Banda­ríkja­mönn­um er al­mennt ekki leyft að koma til lands­ins.

Að sögn Stef­áns Smára Kristjáns­son­ar, rekstr­ar­stjóra flugaf­greiðsluaðilans Ace FBO, hafa nokkr­ir komið hingað til lands með einka­flugi frá lönd­um þjóða sem hafa al­mennt ekki leyfi til þess að koma til Íslands. Þeir hafa fengið sér­staka und­anþágu. 

Frétt af mbl.is

Einka­flug­vél­ar streyma til lands­ins

Vís­ir greindi frá því í dag að Ter­rence Alan Crews, heimsþekkt­ur banda­rísk­ur leik­ari sem er bet­ur þekkt­ur sem Terry Crews, hafi komið hingað til lands á dög­un­um. Spurður hvort Banda­ríkja­menn hafi komið hingað í einka­flug­vél­um að und­an­förnu seg­ist Þórólf­ur ekki vita það en ef svo er hafi Banda­ríkja­menn­irn­ir fengið leyfi frá ut­an­rík­is­ráðuneyt­inu. 

Greint hef­ur verið frá því að banda­ríski leik­ar­inn Terry Crews sé hér á landi. Ekki ligg­ur fyr­ir hvort ferðalagið er til­komið vegna efna­hags­legra mik­il­vægra starfa hans, en þó er ljóst að hann hef­ur notið lífs­ins á ferðamanna­stöðum lands­ins. 

Um­sækj­end­ur, sem telja sig eiga brýnt er­indi hingað til lands, þurfa að leggja fram gögn því til staðfest­ing­ar, en ekki fást upp­lýs­ing­ar um það hjá Útlend­inga­stofn­un hvernig lagt er mat á þau gögn né held­ur hvort eft­ir­lit sé haft með því að ein­stak­ling­ar sem koma hingað til lands séu í raun hér í upp­gefn­um til­gangi. Ekki er þó veitt sér­stök heim­ild til slíks eft­ir­lits í reglu­gerð."

Leyndarhyggja óþolandi

"Mbl.is hef­ur óskað eft­ir upp­lýs­ing­um um það hverj­ir sitja í und­anþágu­starfs­hópn­um, en ekki fengið svör enn".

Heiðarleiki og skilvirk upplýsingagjöf til almennings er mikilvæg forsenda samstöðu í baráttunni gegn Covid faraldrinum.

 Stjórnvöld þurfa að gera hreint fyrir sínum dyrum í þessum efnum

Óvíst hvernig mat er lagt á „brýn erindi“

Hvers konar rugl er þetta

Við viljum alls ekki ný veirusmit inn í landið! -

Sóttvarnarlæknir telur jafnvel óþarfa að smitgreina fólk á flugvellinum vegna þess hve fá smit greinast. 

Er það ekki einmitt fagnaðarefni að séu fá smit.  Eitt smit á dögunum smitaði  tvo lögreglumenn og setti aðra 14 í sóttkví. Hver veit hvað meir.

Vanhugsuð yfirlýsing sóttvarnalæknis

   Hvernig ætla menn að velja út lönd og fólk á flugvellinum eða á landamærastöðvum sem er búið að fara í gegnum marga flugvelli á leið hingað og enginn veit hvaðan koma. 

Þá fyrst verður um alvarlega mismunun að ræða. 

 Nánast engar smitrannsóknir eru í gangi meðal landsmanna og enginn veit hvernig staðan er.  Mörg önnur lönd eru með ítarlegar fjöldasýnatökur meðal almennings til að fylgjast með stöðunni og grípa smit.

Hættuleg staða í kringum okkur

"Smittetrykket fortsetter å øke i Tyskland

Smittetallet, eller reproduksjonstallet, fortsetter å øke i Tyskland. Fra lørdag til søndag økte tallet fra 1,79 til 2,88"

Liðlega 30 nýsmit eru í Noregi á dag og fjölgar heldur en fækkar. Sömu sögu er að segja í Danmörku. Það eru ekki bara Rússland og Bandaríkin sem eru smitandi lönd

Það væru alvarleg mistök ef farið væri að slá af eftirliti og kröfum gegn veirusmiti á íslenskum landamærum.  

 

 

Skoða að hætta skimun frá vissum löndum

Sóttkví og landamæravarsla vegna Kovid

Tekið er undir hamingjuóskir til þríeykisins, Ölmu, Víðis og þórólfs með fálkaorðuna sem var mjög verðskulduð.
Ný óvissuferð er hafin á Íslandi varðandi kórónufaraldurinn.
Mikilvægt er að stjórnvöld tali skýrt um það hvernig þau sjá framhaldið og hvernig verður bætt úr þeim alvarlegu hnökrum sem hafa komið í ljós.

1. Sóttkvíin sem talin var raunveruleg og fylgt væri eftir reynist með allt öðrum hætti. Hópur einstaklinga meira að segja utan Schengensvæðis kemst inni í landið athugasemdalaust og skráir sig bara einhversstaðar í sóttkví. Af tilviljun vegna búðarhnupls kemst upp að þeir eru veikir og ekki í neinni sóttkví. Hvað þá með alla hina sem áttu að vera í svokallaðri sóttkví?

2. Landamæravarslan: Traust á landamæravörslu og sóttkvíaraðgerðum hefur orðið fyrir hnekki sem stjórnvöld verða að skýra og bæta úr.
Fólk sem tekin eru sýni úr við komuna til landsins og eiga að vera í sóttkví dreifa sér um allt land áður en niðurstaða er komin um veiruna.

Það eru lagðir undir hundruð milljarðar í varnir og aðgerðir vegna kórónuveirunnar hér á landi og þýðir ekki að bera við mannaflsskorti í eftirliti þegar tugir þúsunda manns gengur atvinnulaus á greiðslum frá ríkinu.

3. Fréttaflutningur af veirusýkingum í öðrum löndum eru furðulegar. Gert er mikið úr veirutilfellum í Kína sem eru þó liðlega 1 til 2 hundruð  sem eru alvarleg og þeir virðast taka föstum tökum.

Gert er minna úr  fjölda nýsmita í Danmörku, Noregi og Þýskalandi og fleiri miðevrópuríkjum sem nú er verið að opna á. Bara á einum vinnustað í Þýskalandi eru 700 smit. Alls greindust 1800 nýsmit í Þýskalndi í gær sem er mikil aukning þar.
Þessi fréttaflutningur er ekki heiðarlegur gangvart landsmönnun en það er eins og sé verið að fela það að veikin gengur enn í kringum okkur og umtalsverð nýsmitun í nágrannalönduunum.

4. Skimanir og eftirlit hér innanlands : Flest lönd í kringum okkur beita nú víðtækum skimunum og sýnatökum meðal almennings til að fylgjast með og ná nýsmitum. Hér hafa slíkar skimanir alveg verið lagðar niður. Hvert verður framhald á því hér á landi að fylgjast með stöðunni og grípa nýsmit á byrjunarstigi?

Ljóst er að atburðir síðustu daga hafa hleypt nokkrum óhug í marga sem töldu sig vera að fara um í tiltölulega smitfríu landi.

Stjórnvöld, almannavarnir, landlæknir og sótvarnalæknir þurfa að skýra vel út hvernig verði tekið á þeim alvarlegu veikleikum sem hafa komið upp á landamæraeftirlitinu og eftirfylgni með sóttvörnum í landinum. Við viljum veirulaust Ísland

Kínverjar stöðva innflutning á hráum laxi af ótta við kórónusmit

Matvælaframleiðslan er viðkvæm og skilaboðin skýr  Þótt ekki sé talið að kórónuveiran berist með hráum matvælum  veit það í sjálfu sér enginn. Betra er því að hafa allt á hreinu í þeim efnum. 

Ný kóronusmit í Kína hafa verið tengd fiskmarkaði í Peking og athyglin beinst m.a að innfluttum hráum laxi. 

"Stór­ar dag­vöru­versl­an­ir í Pek­ing höfuðborg Kína, þar á meðal Car­refour og Wumart, hafa stöðvað sölu á laxi í kjöl­far þess að upp­götvaðist kór­ónu­veira á skurðbrett­um heild­sala í borg­inni og skapaðist ótti um að smit gæti borist með afurðum sem unn­ar hafa verið á um­rædd­um skurðbrett­um, þrátt fyr­ir að veiru­fræðing­ar hafi sagt að veir­an geti ekki borist í menn úr fiski, að því er fram kem­ur í um­fjöll­un kín­versku frétta­veit­unn­ar Global Times.

Þar seg­ir að blaðamenn Global Times hafi komið við í versl­un­um borg­ar­inn­ar síðastliðinn laug­ar­dag og að þeir hafi hvergi fundið lax til sölu og að á mörg­um stöðum hafði fisk­borðum verið lokað."  Mbl Kór­ónu­veira á skurðbrett­um heild­sala

Það eru því fleiri en ferðmenn í "sóttkví" sem sem skapa ótta að beri veiruna.  Hvað með innflutninginn á "hráa kjötinu" frá ESB löndum sem slagurinn hefur staðið um

Kórónuveira á skurðbrettum heildsala

Blekkingin - Veirufrítt Ísland

Hin stóra auglýsing " Veirufrítt Ísland  er hrunin. Stjórnvöld sem hafa barið sér á brjóst og sett milljarða í kynningarátak um "veirufrítt land" hefðu sjálfssagt mátt fara hægar í sakirnar. 

"Sextán í sóttkví vegna búðarþjófa á Selfossi" rúv

 "Smitin sem greindust í gær gætu leitt til hópsýkinga og bakslags í faraldrinum hér á landi, að sögn Þórólfs Guðnasonar sóttvarnarlæknis". 

Sá mikli fórnarkostnaður og samfélagsátak sem þjóðin tók á sig í vetur og vor getur runnið út í sandinn fyrir hégómaskap og værukærni stjórnvalda og almannavarna á landamærum landsins.

Gamla fólkið og þau sem teljast til áhættuhópa búa sig undir að fara aftur inni í skelina sína.

Fjölskyldufólk sem  vonaðist til að geta ferðast áhyggjulítið um landið, tekið flug eða gist á hótelum hugsar sig tvisvar um.

Hver hlýtur að spyrja sjálfan sig: "er sessunautur minn í flugvélinni eða rútunni eða á hótelinu smitaður af Kovid".  Fáir þora að segja þetta upphátt en mig grunar að fjöldinn  hugsi einmitt það innra með sér.

Það væri nær að herða frekar á reglum og kröfum til þeirra sem koma til landsins og fylgja þeim eftir í stað þess að stæra sig af hinu gagnstæða.  Veiru prufanir hafa bara ákveðið takmarkað öryggi og gilda aðeins þá mínútuna sem sýnið er tekið.

Atburðirnir með smituðu Rúmenana breytir engu þar um  heldur sýna fram á alvöru málsins og hve berskjaldaðir landsmenn eru. 

Það er alveg ljóst að herða þarf á landamæraeftirliti, takmarka komur fólks  og tryggja betur eftirfylgni og eftirliti með þeim sem koma til landsins. Bæta þarf á ný flæði upplýsinga um smit og hvað í gangi er á hverju svæði landsins og höfuðborgarvæðinu þannig að landsmenn geti tekið mið af því í skipulagningu ferðalaga  og daglegs lífs