Hérna var ég skorin upp

Hann Páll Kolka langafi virðist hafa skorið upp aðra hverja manneskju hér á Blönduósi, sagði dóttir mín Katrín Kolka þegar hún kom heim eftir fyrsta daginn í vinnu á Héraðshæli Húnvetninga á Blönduósi fyrir nokkrum árum.

Starfsþjálfunin þar var hluti af hjúkrunarnámi Katrínar. „Það þyrptist að mér allt eldra fólkið til að sýna mér stolt örin þar sem Páll skar,“ sagði Katrín með aðdáun.

Páll V. G. Kolka var héraðslæknir Húnvetninga frá 1934 til 1959 en hafði áður verið héraðslæknir í Vestmannaeyjum. Hann var einn sá fyrsti sem fór í sérnám erlendis í skurðlækningum . Sú þekking nýttist honum vel, bæði sem héraðs - og sjúkrahússlæknir í áratugi

Já, vissulega eru breyttir tímar og tækni og krafan um sérþekkingu er önnur en þá. Hins vegar breytast ekki væntingarnar um félagslegt öryggi, trúnað og traust, hlýju og nærgætni heilbrigðisþjónustunnar.

Þeir tímar koma að vísu ekki aftur þar sem læknirinn bjó  sjálfur í sjúkrahúsinu og eiginkonan bauð sjúklingunum inn til sín í kaffi meðan þeir biðu. Sjúklingarnir fundu að þeir voru í öruggum höndum og tekið yrði heildstætt á því sem hrjáði þá. Þörfin fyrir öryggið og það að finna að allt sé gert til að sjúklingnum líði sem best og hann leiddur í gegnum það sem þarf er þó áfram fyrir hendi. Ekkert er verra sjúklingi en finna til óöryggis og fálms eða vera skilinn eftir eftir á miðjum gangi og vita ekki hvert á að fara næst.

Það hafa ekki allar heilbrigðisstofnanir stóra „mömmu“ eins og frú Guðbjörg Kolka var Páli eigimanni sínum í þjónustunni við Húnvetninga. Eitt er víst að sjúklingur vissi oft ekki hvort hafði borið meiri árangur, kaffið og hughreystingarorð frú Guðbjargar Kolka eða færar læknishendur Páls. En saman veittu þau sjúklingnum bæði öryggi og þá meinabót sem mögulegt var að veita.

 Ósjaldan dvaldi fólk um tíma á heimili þerra hjóna og fékk aðhlynningu og í hjónarúminu fæddi kona barn er þröngt var á spítalanum.

Oft var komið með litla stúlku eða lítinn dreng til lengri eða skemmri dvalar á heimili þeirra, ef ástæður voru erfiðar heimafyrir.

Læknirinn gerði sér grein fyrir að þau gátu verið mörg meinin þótt aðeins eitt væri sýnilegt í það skiptið. Engu að síður er það þessi heildstæða yfirsýn, nærgætni og læknisfræðileg færni sem sjúklingar eru að leita eftir þegar hjálpar er leitað. Spor sjúklings til læknis,  í rannsókn eða á sjúkrahús eru oft þung og hlaðin óvissu um hvað tekur við.

Páll Kolka læknir signdi sig og fór með bæn áður en ráðist var í stóraðgerð. Ekki veitti af öllum styrk og krafti og honum farnaðist afar vel í læknisverkum sínum: „Sjáðu hérna var það, sem Páll Kolka héraðslæknir Húnvetninga skar mig.“

Páll Kolka hannaði  og stýrði byggingu Héraðshælisins á Blönduósi, stolti Húnvetninga. Nú stendur hún nánast ónotuð en  fullbúin skurðstofan á Heilbrigðisstofnuninni á Blönduósi .

Mér kemur þetta í hug eftir umræðuna um heilbrigðismálin síðustu daga og vikur, stöðu þeirra og skipulag. Áfram hriktir alvarlega í grunnstoðum heilbrigðisþjónustunnar og innviðum hennar. Áratuga uppbygging og þróun þessar þjónustu hefur í ýmsu  molnað og holast um of að innan á síðastliðnum tuttugu árum. Þar bera stjórnvöld höfuðábyrgð. Hinsvegar hafa tækniframfarirnar orðið miklar og möguleikarnir til lækningar orðnir fleiri. Þeim möguleikum þarf að finna sem bestan farveg okkur öllum til velfarnaðar.

Ég held þó að löggjafinn hafi gert alvarleg mistök við samþykkt laganna frá 2003 um heilbrigðisþjónustu þar sem hugtakinu þjónustu var skipt út fyrir heilbrigðisrekstur. Þótt rekstrarhugtakið í heilbrigðisþjónustu sé mikilvægt missir það  inntak sitt ef metnaðurinn, þjónustuhugtakið og auðmýktin er ekki í fyrirrúmi. Nærþjónustan, heilsugæslulæknirinn,  „gamli héraðslæknirinn“  sem þekkti sjúklinginn og hemilishagi hans, gegnir áfram lykilhlutverki í að halda utan um einstaklinginn í heilbrigðisþjónustu landsmanna

Sem betur fer er áfram við lýði sama kærleikshugsjón heilbrigðisþjónustunnar og ríkti á stofu og í eldhúsi læknishjónanna á Blönduósi, Páls og Guðbjargar Kolka þótt í öðru formi sé.

En þá hugsjón  þarf að rækta og hlúa að. Í því felst ákall svo margra í dag.  Þar í liggur forgangsröðunin fyrir hugsjónirnar sem leggja grunninn að farsælli heilbrigðisþjónustu landsmanna.

( Skrifað á afmælisdegi Katrínar Kolka hjúkrunarfræðings)

  

 

Formaður samninganefndar við ESB gerður að ráðuneytisstjóra!

Utanríkisráðherra verðlaunar leiðtoga ESB umsóknarinnar hér á landi

Formaður utanríkismálanefndar Alþingis allt síðasta kjörtímabil,  Árni Þór Sigurðsson, sem leiddi beiðnina um inngöngu í Evrópusambandið var aðlaður fyrir framgönguna og gerður að sendiherra.

 Formaður samninganefndarinnar, Stefán Haukur Jóhannesson sem Össur Skarphéðinsson  réði  til að leiða aðlögunarsamningana  inn  í ESB   hefur verið skipaður ráðuneytisstjóri í utanríkisráðuneytinu, og það án auglýsingar. Stefán Haukur skipaður ráðuneytisstjóri í utanríkisráðuneytinu

 Ísland er áfram virkt umsóknarríki að ESB. Kosningaloforðin um afturköllun umsóknarinnar eru hins vegar vandlega geymd niðri í skúffu  en áherslur ríkisstjórnarinnar í ESB málinu tala sínu máli með  nýlegum mannaráðningum?

Það líður að landsfundum ríkisstjórnarflokkanna og þá verða  afrekin rakin í einu stærsta kosningamálinu, afturköllun umsóknarinnar.

 

Utanríkisráðherra Dana hótar Færeyingum

Lítið leggst nú fyrir utanríkisráðherra Dana þegar hann hefur í hótunum við Færeyinga vegna viðskipta þeirra við Rússa að kröfu ESB

Færeyingar standa utan Evrópusambandsins og þurfa ekki að hlíta viðskiptaþvingunum ESB gagnvart Rússum eða banninu við sölu á matvælum til Rússlands.

Samkvæmt frétt Berlingske Tidende var danski ráðherrann, Martin Lidegård  lítt hrifinn af ferð lögmanns Færeyja til Moskvu á dögunum að semja um aukna sölu á fiskafurðum til Rússlands.

Færeyski lögmaðurinn Kaj Leo Johannesen var hinsvegar hvergi banginn og sagðist sjálfur hafa átt frumkvæðið að ferðinni.

 

Skemmst er að minnast harðra viðskiptaþvingana ESB á Færeyjar og banni við innflutningi fiskafurða til ESB landa.

Var aumingjaháttur dönsku ríkisstjórnarinnar þá sá að þeir  urðu að banna færeyskum fiskiskipum að koma í danskar hafnir að kröfu ESB

Yfir  90% af útflutningstekjum Færeyinga koma frá fiski.

Vegna deilna um veiðar á síld og makríl í Færeyskri lögsögu setti ESB víðtækt viðskiptabann á Færeyinga.

En slík aðgerð var eins og hrein hryðjuverkalög á eitt minsta ríki Evrópu og algjört brot á alþjóðalögum.

Að sjálfssögðu urðu Færeyingar að leita annað eftir auknum markaði og þar á meðal til Rússlands.

Danski utanríkisráðherrann var þá ekki fær um að verja hagsmuni Færeyinga gagnvart yfirgangi ESB sem höfðu sem betur fer sjálfstæði og svigrúm til að bjarga sér á eigin spýtur.

Að fá að ráða sér sjálfur 

Samskonar efnahagsþvingunum hafði ESB hótað Íslendingum því þeir töldu sig eiga allan makrílinn við Íslandsstrendur.

 

 

Íslendingar mega eins og Færeyingar þakka fyrir að standa utan ESB og ráða sínum viðskiptamálum sjálfir.

• Utanríkis­ráðherra Dana varar lögmann Færeyja við að notfæra sér tækifæri vegna innflutningsbanns Rússa

 

Batnandi þingflokkur VG ?

Þingflokkur Vinstri grænna flytur ágæta tillögu að halda þjóðaratkvæðagreiðslu um aðild eða úrsögn Íslands úr NATO. Það er í sjálfu sér gott mál og við höfum ekkert þar inni að gera og allsekki á tímum aukinnar hervæðingar NATO í Evrópu. (.þjóðaratkvæðagreiðsla um aðild Íslands að Norður-Atlantshafsbandalaginu)

Umsókn og aðild Íslands að hernaðarbandalaginu NATO var þröngvað upp á þjóðina á sínum tíma án þess að hún væri spurð. Evrópusambandið stefnir að því að koma sér upp eigin Evrópuher  og verða jafnframt  hernaðarbandalag.

 

Afturköllun umsóknar að ESB ?

 Í samræmi við breytta stefnu  mun þingflokkur VG  örugglega verða  samkvæmur sjálfum sér og flytja tillögu um tafarlausa afturköllun umsóknarinnar að ESB ásamt afsökunarbeiðni fyrir að hafa stutt inngöngubeiðnina sumarið 2009.

Jafnframt fylgi það með að ný umsókn að ESB verði ekki send nema að undangenginni þjóðaratkvæðagreiðslu sem staðfesti vilja til inngöngu í sambandið.

 

Að vera samkvæm sjálfum sér

Á þingi 2009 hafnaði meirihluti þingflokks VG því að haldin yrði þjóðaratkvæðagreiðsla um vilja til inngöngu í ESB áður en beiðnin væri send Evrópusambandinu. Sömu þingmenn VG  studdu síðan inngöngubeiðnina að ESB  á Alþingi  þvert á stefnu  flokksins og kosningaloforð.

Það samræmist varla að vilja segja sig úr NATO annarsvegar en styðja beiðni  um inngöngu í ESB hinsvegar.

Batnandi mönnum er best að lifa!

Sigurður Blöndal skógræktarstjóri- Minning

 

 

 

 

 

 

 

Þau dafna blessuð trén, sem daga’ og nætur

Um djúpar rætur, um djúpar rætur –

Þau dafna blessuð trén, sem daga’ og nætur

:|: um djúpar rætur teyga jarðar mjöð :|:

og kenna sér aldrei meins en eru kennd og glöð.

Ég held að mörgum verði sem mér ofarlega í huga „þjóðsöngur“ skógarfólks þegar við minnumst skógarhöfðingjans og mannvinarins Sigurðar Blöndal. Hve oft höfum við ekki glaðst á góðri stundu í hópi skógræktarfólks þar sem gleðimaðurinn Sigurður Blöndal leiðir fjöldasöng - Skógarmanna skál - við texta Þorsteins Valdimarssonar?

Baráttumaður

Sigurður Blöndal nam skógrækt í Noregi og lauk háskólaprófi frá Landbúnaðaðarháskólanum að Ási. Sigurður bast sterkum  böndum við norskt skógræktarfólk og norskt samfélag. Gagnkvæmar heimsóknir skógræktarfólks milli landanna nutu sérstaks stuðnings og hvatningar Sigurðar. Ég minnist þess frá skólaárum mínum í Noregi að Sigurður Blöndal naut þar mikillar virðingar. En það var ekki aðeins hið öfluga skógræktarstarf Norðmanna sem heillaði Sigurð, heldur og ekki síður hin sjálfstæða norska þjóð. Maðal annars tók hann virkan þátt í baráttunni gegn inngöngu Noregs í Efnahagsbandalagið á árunum 1970 - 72, sem lauk með þjóðaratkvæðagreiðslu 25. sept. 1972, þar sem Norðmenn höfnuðu aðild.

Handtekinn af norskri herlögreglu

Ég hitti fyrir nokkrum árum skógarvörð í Norður Noregi sem  sagði mér frá því að Sigurður Blöndal hefði komið þar og tekið þátt í baráttufundum fyrir sjálfstæði Noregs. Þeir hefðu farið að skoða skóga norska ríkisins í nágrenninu. Þá birtist skyndilega norsk herlögregla sem handtók Sigurð og færði til yfirheyrslu. Þeir höfðu þá farið inn á skógræktarsvæði sem norski herinn hafði sérstakan aðgang að. Taldi þessi norðurnorski skógarvörður ekki vafa á því að  stjórnvöld hefðu fylgst vandlega með hverju skrefi Sigurðar Blöndal í Noregi. Hann hefði þótt aflmikill  í baráttunni gegn inngöngu Noregs í Efnahagsbandalagið sem kallaði á sérstakt eftirlit. Það fundu allir þegar Sigurður beitti sér, sama hver vettvangurinn var.

Á Hólum í Hjaltadal

Í skólastjóratíð minni á Hólum í Hjaltadal kom Sigurður Blöndal skógræktarstjóri í heimsókn yfirleitt tvisvar á ári, vor og haust. Var hann þá með fyrirlestra og kennslu við skólann jafnramt því  að líta eftir skógræktarstarfinu í héraðinu og hvetja fólk til dáða. Skógrækt ríkisins rak sérstaka skógræktarstöð í Varmahlíð á þessum árum en einnig var skógræktin á Hólum  samstarfsverkefni Hólaskóla og Skógræktarfélags Skagfirðinga. Gisti Sigurður þá gjarnan heima hjá okkur Ingibjörgu nokkra sólarhringa meðan á heimsókninni stóð. Voru það góðar stundir. Á haustin kom hann gjarnan heim að Hólum í nóvember til að merkja tré sem skyldu höggvast og selja sem jólatré. Gátu þau skipt hundruðum trén sem voru höggvin hvert haust og rann andvirðið til skógræktarstarfsins í héraðinu.

Heggur sá er hlífa skal

Skáldið og kennarinn Rósberg G. Snædal bjó þá á Hólum og kenndi við Grunnskólann allt til er hann lést. Rósberg og Sigurður voru miklir mátar og var oft glatt á hjalla í matsalnum þegar þeir félagar hittust. Sigurður heimtaði vísu af Rósberg í hvert skipti er hann kom og vildi gjarna hafa þær kersknar með broddi. Þurfti ekki mjög að hvetja Rósberg í þeim efnum. Þessar tvær læt ég fylgja en þær voru báðar ortar að hausti er Sigurður kom að fella trén sem höfðu náð jólatrjáastærð. Hlíðin við Hóla þar sem var höggvið heitir Raftahlíð. Fannst Rósberg lítið til um framgöngu skógræktarstjóra að höggva litlu trén sem höfðu baslast við að vaxa í óblíðri veðráttu Norðurlands og taldi það rýra Hóla:

Austan veri í erg og gríð.

eggjar ferleg tólin.

Rætur sker í Raftahlíð,

rúinerar stólinn.

Og næsta haust var vísa Rósbergs litlu mýkri:

Hann er plága í Hjaltadal

Hérna brá hann ljánum

Heggur sá er hlífa skal

Hóla- smáu -trjánum.

Að sjálfsögðu var samtímis unnið þar nauðsynlegt grisjunarstarf.

Leiðtogi sem hvatti og leiddi

Sigurður Blöndal var stórglæsilegur maður og höfðinglegur í öllu fasi. Hann var leiðtogi sem hlustað var á og fylgt. Hann hafði einstakt lag á að hrífa fólk með sér. Með augum barnsins, náttúrufræðingsins og mannvinarins sá hann oft og hlúði að mörgu því sem aðrir gengu hjá. Nú hafa þeir hist, kunningjarnir Rósberg G. Snædal rithöfundur og vísnaskáld og lífskúnstnerinn, húmoristinn og leiðtoginn Sigurður Blöndal skógræktarstjóri. Þeir skiptast örugglega á léttum kersknisvísum.

Menningin vex í lundi nýrra skóga

Sigurður Blöndal var fæddur og uppalinn á tímum grósku í félagshyggju og framfaraþrá sem leiddi þjóðina til sjálfstæðs lýðveldis. Menn eins og Sigurður Blöndal endurvöktu reisn íslensku þjóðarinnar og sýndu í verki hverju hægt er að ná með skýrri framtíðarsýn. Litlu trén sem plantað var á síðari hluta síðustu aldar eru orðin að þéttum skógi og skógrækt er orðin framtíðaratvinnugrein í viðarframleiðslu. Sigurður Blöndal er einn af merkustu leiðtogum þjóðarinnar á síðustu öld og hefur reist sér minnisvarða sem mun vitna um starfsorku, þekkingu hans og leiðtogahæfileika um ókomin ár og aldir. Draumsýn í Aldamótaljóði Hannesar Hafstein rætist í verkum Sigurðar Blöndal:

Sú kemur tíð, er sárin foldar gróa,
sveitirnar fyllast, akrar hylja móa,
brauð veitir sonum móðurmoldin frjóa,
menningin vex í lundi nýrra skóga.

Við Ingibjörg þökkum Sigurði samferðina, vináttu og góðar stundir á liðnum árum og áratugum. Guðrúnu og fjölskyldunni allri sendum við samúðarkveðjur. Blessuð sé minning höfðingjans Sigurðar Blöndal skógræktarstjóra. Guð gefi landi voru marga slíka.

Jón Bjarnason

Ótrúlega aum framkoma við Færeyinga

Íslendinga neita færeysku fiskiskipi um þjónustu í íslenskri höfn vegna meintra deilna um makríl.

Fær­ey­ing­ar fá ekki olíu í Reykja­vík      Færeysku skipi með bilaða vél neitað um þjónustu á Íslandi

Mér finnst þetta óheyrileg framkoma gagnvart vinaþjóðinni  Færeyingum þótt heimilt sé að beita slíkum aðgerðum gegn skipum frá öðrum löndum, þegar veitt er úr fiskistofnum sem ósamið er um. Ég sem ráðherra leyfði Færeyingum að landa hér makríl á sínum tíma.

Samningarnir um makríl hafa strandað á frekju og furðulegri afstöðu ESB til makrílveiða og rétti strandríkja í þeim efnum. ESB hefur beitt Færeyinga rakalausum og miskunnarlausum þvingunaraðgerðum og háværar hótanir hafðar uppi gagnvart  Íslendingum. Þær hafa hvorki verið afturkallaðar né beðist afsökunar á. Nýjustu mælingar  á  magni og útbreiðslu makríls sýna að hann hefur sótt fram á nýjum beitilöndum langt norður og vestur í höf allt  í kringum suðurodda Grænlands. Magnið í íslenskri lögsögu er meir en nokkru sinni og sama í hafinu í kringum Grænland. 

Forsendur ESB og Norðmanna um að þeir ættu allan makríl, hvar sem hann veiddist eru löngu brostnar og voru aldrei fyrir hendi. Sem betur fer gengu Íslendingar ekki í gildru ESB  sl. vetur um að semja um einungis ca. 12% hlutdeild.

Færeyingum var nauðugur einn kostur að semja vegna viðskiptabanns ESB á útflutning þeirra sem fyrir Færeyinga voru hrein hryðjuverk

Af einhverri óskiljanlegri linkind og þrælsótta þorðu Íslendingar ekki að beita sér með Færeyingum í viðskiptastríðinu við ESB. Ég hefði lagt til i þeirri stöðu að Íslendingar Færeyingar og Grænlendingar gerðu samkomulag innbyrðis vegna makrílsins.

Stuðningur Færeyinga þegar aðrir brugðust 

Færeyingar voru þeir fyrstu sem veittu okkur stuðning þegar allar bankalínur voru lokaðar í upphafi hrunsins, þvert á aðgerðir annarra Norðurlanda og ESB ríkja.

Færeyingar björguðu Íslendingum frá smánarsamningum í makríl 

 Að meina skipum frá þessu vinaríki okkar, Færeyjum um þjónustu þó svo ósamið sé um makrílinn er mjög litilmannlegt og okkur til mikils vansa.

Færeyingar hafa eðlilega óskað eftir greinargerð frá íslensku ríkisstjórninni og telja að um brot á "Hövíkursamningi" landanna sé að ræða.

Landstýrið biðið um frágreiðing frá íslendsku stjørnuni

Kannski eigum við ekki hvað síst Færeyingum það að þakka að ekki var gengið inn í þá smánarlegu samninga sem Íslendingum stóð til boða sl. vetur. 

 Þeir samningar sem lá við að gengið yrði að, hefðu kostað okkur varanlegt tjón í framtíðarhlutdeild í makríl og milljarða króna í atvinnu og framleiðslutekjum.

P.S. kl. 21.15

Þessi framkoma gagnvart Færeyingum er bæði ómakleg og óréttmæt og okkur til minnkunar og gott að heyra að íslensk stjórnvöld skulu hafa fallið frá þeim.  

 

Morgunleikfimin verður áfram á sínum stað í Ríkisútvarpinu

Morgunleikfimin verður áfram á sínum stað á Rás 1. Þetta kom fram í yfirlýsingu frá Ríkisútvarpinu í dag.

Í pistli mínum fyrr í dag var vitnað í orð Halldóru Björnsdóttur í Morgunleikfiminni í morgun að þetta yrði síðasti þáttur hennar. Útvarpsstjórinn og þjóðarsálin

Sem betur fer hafði verið fallið frá áformum um breytingar á þættinum eða fella hann niður  eftir að upptakan fór fram en láðst að gæta þess í útsendingunni.

http://www.vb.is/frettir/108751/

Útvarpsstjóri fullvissaði  mig um í símtali að Morgunleikfimin yrði óbreytt áfram  á sínum stað og hann gerði sér fullkomlega grein fyrir mikilvægi hennar í dagskránni.

Gott er til að vita og með góðri Morgunbæn, Orði kvöldsins og Morgunleikfimi Halldóru Björnsdóttur  óska útvarpsstjóra farsældar í starfi 

Útvarpsstjórinn og þjóðarsálin

Morgunleikfimin á Rás 1 skal felld niður frá og með morgundeginum. Þetta tilkynnti Halldóra Björnsdóttir í lok þáttarins í morgun ,en hún hefur verið  umsjónarmaður morgunleikfimi síðan 1987 og sannur heimilisvinur fjölda fólks.  Morgunleikfimin  þykir víst of fyrirferðamikil í dagskránni hjá nýja útvarpsstjóranum. Morgunleikfimin er þó ekki aðeins mikilvæg fyrir þá sem nutu hennar og tóku þátt,  heldur  ekki síður hvatning og góð áminning fyrir hreyfingu og hollu líferni.  Þekki ég fjölda fólks einkum eldra fólks, sjúklinga og heima sitjandi, fólks  á elli- og hjúkrunarheimilum  sem nýtur hennar sérstaklega. Morgunleikfimi  Ríkisútvarpsins  með Halldóru Björnsdóttur hefur fylgt þjóðinni síðan 1987.

Sjálfssagt kemur einhver umræðuþáttur í staðinn um gildi hreyfingar þar sem hver hlær upp í annan og hefur óendanlega mikið vit á málinu.

Jafnhliða þessu er ráðist að morgunbæn útvarpsins og orði kvöldsins sem var okkur mörgum notaleg, holl og góð.  

Þessar fáu mínútur þóttu taka of mikinn tíma í dagskrá en frá hverju veit ég ekki.

Útvarpsstjóri án sambands við þjóðina

Útvarpsstjóri hefur vitnað til einhverrar hlustendakönnunar sem hann hefur þó að ég best veit ekki birt. Vafalaust hefur sú könnun, ef hún hefur verið gerð tekin í gegnum netið eins og margar aðrar slíkar.  Margt eldra fólk og reyndar fjöldi annarra tekur ekki þátt í slíku eða á ekki kost á því, enda það ekki málið.

Sérstaklega vegið að öldruðum, sjúkum og þeim sem eru meir bundin heimavið

Að vitna til slíkra kannanna sér til stuðnings eru ósköp vesældarleg rök.  Mér finnst útvarpsstjóri

með þessum aðgerðum sínum vega beint að eldra fólki , sjúkum og þeim sem eru meir en aðrir bundnir við heimili sín, mörgum dyggustu áheyrendum Ríkisútvarpsins.

Ég skora á  einstaklinga og öll samtök um heilbrigði og hollustu og gildi hreyfingar að mótmæla þessum aðgerðum útvarpsstjóra.  Samtök aldraðra ættu að láta málið til sín taka.

Að fella niður áratuga fast útvarpsefni sem á sér gróinn sess meðal þjóðarinnar án raka  er ekki lengur fyndið né  nýtískulegt heldur miklu frekar undirstrikar hroka og  firringu stjórnenda útvarps þjóðarinnar.

Sjáðu nú að þér útvarpstjóri góður

Ég skora á útvarpsstjóra á endurskoða áform sín og halda  Morgunleikfiminni, Orði kvöldsins og Morgunbæninni áfram á dagskrá  Ríkisútvarpsins.

Morgunleikfimin, allir með - Mbl 

 

Morgunleikfimin verði áfram! - Sibs 

Þúsundir nýrra starfa í fiski árin 2009- 2012

 Tæplega tvö þúsund ný störf hafa skapast hér á landi við veiðar og vinnslu sjávarafurða frá hruni.

 

 Hún var mjög ánægjuleg fyrir mig greinin í Fréttablaðinu í gær, fimmtudag, en þar er skýrt frá því að  störfum í sjávarútvegi fjölgaði úr 7.200 árið 2008 í 9.100 í árslok 2012:  Skapar þúsundir verðmætra starfa

 

Stjórnun makrílveiðanna skipti sköpum 

Makrílveiðarnar, krafan um fullvinnslu til manneldis og stjórnun veiðanna sem ég beitti mér fyrir sem ráðherra eiga þarna stærstan þátt. Betri aflabrögð eiga líka sinn þátt en bæði strandveiðar og almenn krafa um fullvinnslu alls afla eiga þar líka sinn hlut í fjölgun starfa í sjávarútvegi.

Þá setti ég einnig harðar reglur sem takmörkuðu útflutning á óunnum gámafsiski, en sú aðgerð  skilaði einnig störfum til fiskvinnslunnar hér á landi. 

Fleiri aðgerðir má nefna sem voru mjög umdeildar í minni ráðherratíð en hafa skilað sér í fjölgun starfa og aukinni verðmætasköpun. 

Ég hef áður bent á stjórnun makrílveiðanna og kröfuna um manneldisvinnslu á makríl sem ég kom á.

 

Þeim fáu sem enn gagnrýna aðgerðir mínar sem ráðherra í stjórnun makrílveiðanna væri sæmra að þakka mér fyrir þau verk.

 

Í greininni er bent á að" Fiskvinnslufólki fjölgaði um 1.200 á tímabilinu. Tæplega tvö þúsund ný störf hafa skapast hér á landi við veiðar og vinnslu sjávarafurða frá hruni".

Skýrslan er unnin af hagfræðinemanum Ásgeiri Friðrik Heimissyni  í  samstarfi við Útvegsmannafélag Austurlands

 

Vestfirðingar mótmæla lokun og sameiningu heilbrigðisstofnana

 Að hafa einungis eina Heilbrigðisstofnun á Vestfjörðum frá Patreksfirði til Bolungarvíkur er harðlega mótmælt í ályktun sem stjórn Fjórðungssambands Vestfirðinga samþykkti á þriðjudag. Í ályktuninni segir að ákvörðun Kristjáns Þórs Júlíussonar heilbrigðisráðherra um sameiningu stofnananna sé tekin einhliða og þrátt fyrir kröftug mótmæli sveitarfélaga á Vestfjörðum. Vegurinn milli Pareksfjarðar og Ísafjarðar er lokaður stærstan hluta ársins.

Fjórtðungssambandið vekur athygli á lagafyrirmælum og vinnubrögðum sem ráðherra ber að fylgja eins og fyrirfram samráð og samvinnu við viðkomandi sveitarfélög, sem hann hafi ekki gert.

Ákvörðun ráðherra trúlega lögleysa 

Þá er með öllu óásættanlegt og samrýmist ekki anda laganna að skipan heilbrigðismála í landshlutum sé unnin og framkvæmd þvert á vilja heimamanna.  

Málsgreinin í lögunum  sem reglugerðin leitar stoðar í  hljóðar svo:

Ráðherra getur, að höfðu samráði við hlutaðeigandi sveitarfélög og Samband íslenskra sveitarfélaga, ákveðið að sameina heilbrigðisstofnanir innan heilbrigðisumdæmis með reglugerð.

Fram hefur komið að hið lögbundna samráð og undirbúningsvinna með sveitarfélögunum hefur ekki átt sér stað. Þvert á móti berast afdráttarlaus mótmæli hlutaðeigandi sveitarfélaga og landshlutasamtaka . Fjórðungssambandið mótmælir sameiningunni harðlega

 Hvar eru nú þingmenn Framsóknar

Margir spyrja nú hvar þingmennirnir séu sem börðu sér á brjóst fyrir kosningar um að standa vörð um heilbrigðisstofnanirnar á landsbyggðinni, ekki hvað síst á Vestfjörðum og Norðurlandi .

Gott er fyrir sveitarstjórnarmenn og aðra íbúa þeirra landsvæða sem nú mega sjá fram á lokun heilbrigðisstofnana og stjórnun þjónustunnar færða frá fólkinu að ryfja upp þingsályktun framsóknarmanna frá því skömmu fyrir síðust kosninga:

  

" Tillaga til þingsályktunar

um beina þátttöku sveitarfélaga og starfsmanna heilbrigðisstofnana
í skipulagningu og stjórnun heilbrigðisþjónustu í heimabyggð.

Flm.: Ásmundur Einar Daðason, Gunnar Bragi Sveinsson, Eygló Harðardóttir,
Birkir Jón Jónsson, Sigurður Ingi Jóhannsson, Guðfríður Lilja Grétarsdóttir.

    Alþingi ályktar að fela velferðarráðherra að undirbúa og leggja fyrir næsta þing frumvarp til laga sem tryggi beina þátttöku fulltrúa sveitarfélaga og starfsmanna heilbrigðisstofnana í skipulagningu og stjórnun heilbrigðisþjónustu á þjónustusvæði viðkomandi heilbrigðisstofnunar. Markmiðið með frumvarpinu verði að auka íbúa- og atvinnulýðræði og að sjónarmið og óskir heimamanna og starfsmanna heilbrigðisstofnana ráði meiru en nú er þegar heilbrigðisþjónusta er skipulögð og þjónustu forgangsraðað.

Greinargerð.

    Tillaga þessi var áður lögð fram á 138. löggjafarþingi (617. mál), 139. löggjafarþingi (41. mál) og 140. löggjafarþingi (120. mál).
    Í tillögunni felst að Alþingi feli velferðarráðherra að undirbúa og leggja fram á næsta þingi lagafrumvarp þess efnis að fulltrúar sveitarstjórna og starfsmenn heilbrigðisstofnana komi með beinum hætti að skipulagningu þjónustu hjá viðkomandi heilbrigðisstofnun með skipan stjórnar sem hefði það hlutverk að hafa eftirlit með rekstri heilbrigðisstofnana og vera ráðgefandi varðandi skipulag og þjónustu stofnunarinnar.
    Samkvæmt lögum um heilbrigðisþjónustu, nr. 40/2007, er landinu skipt í heilbrigðisumdæmi þar sem starfa skal heilbrigðisstofnun eða heilbrigðisstofnanir. Ráðherra markar stefnu um heilbrigðisþjónustu á grundvelli laganna en forstjórar heilbrigðisstofnana eru skipaðir af ráðherra til fimm ára í senn og bera ábyrgð á þeirri þjónustu sem stofnunin veitir og að rekstrarafkoma og rekstrarútgjöld stofnunar séu í samræmi við fjárlög, sbr. 9. gr. laganna. Í lögunum er hvergi að finna ákvæði sem veitir fulltrúum sveitarfélaga í viðkomandi heilbrigðisumdæmi eða almennum starfsmönnum heilbrigðisstofnana aðkomu að skipulagningu heilbrigðisþjónustunnar. Lög nr. 40/2007 felldu úr gildi lög nr. 97/1990, um heilbrigðisþjónustu, með síðari breytingum. Töluverðar breytingar höfðu verið gerðar á þeim lögum, til að mynda þegar samþykktar voru breytingar sem fólu í sér að stjórnir heilbrigðisstofnana voru lagðar niður, sbr. breytingalög nr. 78/2003. Fyrir þessar breytingar skipaði ráðherra fimm manna stjórnir heilsugæslustöðva, svæðissjúkrahúsa, deildasjúkrahúsa og almennra sjúkrahúsa en þrír fulltrúar voru tilnefndir af hlutaðeigandi sveitarstjórn, einn af starfsmönnum viðkomandi stofnunar og einn án tilnefningar. Umræddar breytingar voru rökstuddar með tilliti til áður samþykktra breytinga á lögum um réttindi og skyldur starfsmanna ríkisins, nr. 70/ 1996, er kváðu á um aukið starfssvið og ábyrgð forstöðumanna ríkisstofnana. Framangreindar breytingar mættu nokkurri andstöðu enda mikilvægt að viðhalda stjórnum heilbrigðisstofnana, einkum úti á landi, og að sveitarfélögin og starfsmenn geti áfram átt aðild að þeim. Ekki er hægt að halda því fram að embættisleg ábyrgð forstöðumanns verði óljós á meðan stjórnir stofnananna eru fyrst og fremst ráðgefandi og þær hafi ekki ákvörðunarvald. Samkvæmt lögum um fjárreiður ríkisins, nr. 88/1997, bera þær og forstöðumenn stofnana þó ábyrgð á því að fjárhagsráðstafanir séu í samræmi við heimildir. Jafnframt bera stjórnir og forstöðumenn ábyrgð á því að ársreikningar séu gerðir í samræmi við lög þessi og staðið sé við skilaskyldu á þeim til Fjársýslu ríkisins, sbr. 49. gr. laganna.
    Með því að í stjórnum heilbrigðisstofnana sitji fulltrúar sveitarfélaga og starfsmanna stofnananna mun bæði íbúalýðræði og atvinnulýðræði aukast. Með auknum tengslum við þau sveitarfélög sem heilbrigðisstofnun þjónustar tækist betur að samhæfa starfsemi heilbrigðisstofnunarinnar og áherslur í störfum sveitarfélaganna, svo sem í átaks- og kynningarverkefnum, til að mynda í skólum. Það hefur gefist vel að starfsfólk eigi aðild að stjórnum enda getur reynsla þess og nálægð við íbúa verið mikilvæg þegar kemur að skipulagningu heilbrigðisþjónustu. Að auka íbúa- og atvinnulýðræði með þessum hætti er mikilvægt skref til að styrkja stöðu heilsugæslunnar og auka nærþjónustu innan heilbrigðiskerfisins en eitt af áherslumálum hjá sveitarstjórnum og heilbrigðisstofnunum um allt land hefur verið að standa vörð um heilsugæsluna. Komi heimamenn og starfsmenn að skipulagningu þjónustunnar mun þörfum sjúklinga á viðkomandi svæði frekar vera mætt. Það festir betur í sessi að almenn heilbrigðisþjónusta sé veitt í heimabyggð og að heilsugæslan sé að jafnaði fyrsti viðkomustaður sjúklinga, sbr. 2. mgr. 3. gr. laga um heilbrigðisþjónustu, nr. 40/2007. "

 Þessi tillaga er mjög fallega orðuð enda verið flutt áður á þinginu.

Hvað segja nú ráðherrar og þingmenn Framsóknar 

 Vinnubrögð heilbrigðisráðherra nú við að leggja niður og sameina heilbrigðisstofnanir á stórum landsvæðum án samráðs og  gegn vilja heimamanna getur varla verið í samræmi við vilja þinmanna Framsóknarflokksins. Framsóknarflokkurinn á samt fjóra þingmenn í Norðvesturkjördæmi, þar af einn ráðherra, auk  aðstoðarmanns forsætisráðherra í hópnum. Þegar ég var ráðherra og þingmaður kjördæmisins stóðum við saman flestir þingmennirnir með fólkinu og hrintum út af borðinu áformum um sameiningu heilbrigðistofnana á svæðinu gegn vilja heimamanna. Hvað verður nú gert?  

Hér áður fyrr þótti dyggð að standa við orð sín. 

he

Tillaga til þingsályktunar

um beina þátttöku sveitarfélaga og starfsmanna heilbrigðisstofnana
í skipulagningu og stjórnun heilbrigðisþjónustu í heimabyggð.

Flm.: Ásmundur Einar Daðason, Gunnar Bragi Sveinsson, Eygló Harðardóttir,
Birkir Jón Jónsson, Sigurður Ingi Jóhannsson, Guðfríður Lilja Grétarsdóttir.

    Alþingi ályktar að fela velferðarráðherra að undirbúa og leggja fyrir næsta þing frumvarp til laga sem tryggi beina þátttöku fulltrúa sveitarfélaga og starfsmanna heilbrigðisstofnana í skipulagningu og stjórnun heilbrigðisþjónustu á þjónustusvæði viðkomandi heilbrigðisstofnunar. Markmiðið með frumvarpinu verði að auka íbúa- og atvinnulýðræði og að sjónarmið og óskir heimamanna og starfsmanna heilbrigðisstofnana ráði meiru en nú er þegar heilbrigðisþjónusta er skipulögð og þjónustu forgangsraðað.

Greinargerð.

    Tillaga þessi var áður lögð fram á 138. löggjafarþingi (617. mál), 139. löggjafarþingi (41. mál) og 140. löggjafarþingi (120. mál).
    Í tillögunni felst að Alþingi feli velferðarráðherra að undirbúa og leggja fram á næsta þingi lagafrumvarp þess efnis að fulltrúar sveitarstjórna og starfsmenn heilbrigðisstofnana komi með beinum hætti að skipulagningu þjónustu hjá viðkomandi heilbrigðisstofnun með skipan stjórnar sem hefði það hlutverk að hafa eftirlit með rekstri heilbrigðisstofnana og vera ráðgefandi varðandi skipulag og þjónustu stofnunarinnar.
    Samkvæmt lögum um heilbrigðisþjónustu, nr. 40/2007, er landinu skipt í heilbrigðisumdæmi þar sem starfa skal heilbrigðisstofnun eða heilbrigðisstofnanir. Ráðherra markar stefnu um heilbrigðisþjónustu á grundvelli laganna en forstjórar heilbrigðisstofnana eru skipaðir af ráðherra til fimm ára í senn og bera ábyrgð á þeirri þjónustu sem stofnunin veitir og að rekstrarafkoma og rekstrarútgjöld stofnunar séu í samræmi við fjárlög, sbr. 9. gr. laganna. Í lögunum er hvergi að finna ákvæði sem veitir fulltrúum sveitarfélaga í viðkomandi heilbrigðisumdæmi eða almennum starfsmönnum heilbrigðisstofnana aðkomu að skipulagningu heilbrigðisþjónustunnar. Lög nr. 40/2007 felldu úr gildi lög nr. 97/1990, um heilbrigðisþjónustu, með síðari breytingum. Töluverðar breytingar höfðu verið gerðar á þeim lögum, til að mynda þegar samþykktar voru breytingar sem fólu í sér að stjórnir heilbrigðisstofnana voru lagðar niður, sbr. breytingalög nr. 78/2003. Fyrir þessar breytingar skipaði ráðherra fimm manna stjórnir heilsugæslustöðva, svæðissjúkrahúsa, deildasjúkrahúsa og almennra sjúkrahúsa en þrír fulltrúar voru tilnefndir af hlutaðeigandi sveitarstjórn, einn af starfsmönnum viðkomandi stofnunar og einn án tilnefningar. Umræddar breytingar voru rökstuddar með tilliti til áður samþykktra breytinga á lögum um réttindi og skyldur starfsmanna ríkisins, nr. 70/ 1996, er kváðu á um aukið starfssvið og ábyrgð forstöðumanna ríkisstofnana. Framangreindar breytingar mættu nokkurri andstöðu enda mikilvægt að viðhalda stjórnum heilbrigðisstofnana, einkum úti á landi, og að sveitarfélögin og starfsmenn geti áfram átt aðild að þeim. Ekki er hægt að halda því fram að embættisleg ábyrgð forstöðumanns verði óljós á meðan stjórnir stofnananna eru fyrst og fremst ráðgefandi og þær hafi ekki ákvörðunarvald. Samkvæmt lögum um fjárreiður ríkisins, nr. 88/1997, bera þær og forstöðumenn stofnana þó ábyrgð á því að fjárhagsráðstafanir séu í samræmi við heimildir. Jafnframt bera stjórnir og forstöðumenn ábyrgð á því að ársreikningar séu gerðir í samræmi við lög þessi og staðið sé við skilaskyldu á þeim til Fjársýslu ríkisins, sbr. 49. gr. laganna.
    Með því að í stjórnum heilbrigðisstofnana sitji fulltrúar sveitarfélaga og starfsmanna stofnananna mun bæði íbúalýðræði og atvinnulýðræði aukast. Með auknum tengslum við þau sveitarfélög sem heilbrigðisstofnun þjónustar tækist betur að samhæfa starfsemi heilbrigðisstofnunarinnar og áherslur í störfum sveitarfélaganna, svo sem í átaks- og kynningarverkefnum, til að mynda í skólum. Það hefur gefist vel að starfsfólk eigi aðild að stjórnum enda getur reynsla þess og nálægð við íbúa verið mikilvæg þegar kemur að skipulagningu heilbrigðisþjónustu. Að auka íbúa- og atvinnulýðræði með þessum hætti er mikilvægt skref til að styrkja stöðu heilsugæslunnar og auka nærþjónustu innan heilbrigðiskerfisins en eitt af áherslumálum hjá sveitarstjórnum og heilbrigðisstofnunum um allt land hefur verið að standa vörð um heilsugæsluna. Komi heimamenn og starfsmenn að skipulagningu þjónustunnar mun þörfum sjúklinga á viðkomandi svæði frekar vera mætt. Það festir betur í sessi að almenn heilbrigðisþjónusta sé veitt í heimabyggð og að heilsugæslan sé að jafnaði fyrsti viðkomustaður sjúklinga, sbr. 2. mgr. 3. gr. laga um heilbrigðisþjónustu, nr. 40/2007.

 

 

Tillaga til þingsályktunar

um beina þátttöku sveitarfélaga og starfsmanna heilbrigðisstofnana
í skipulagningu og stjórnun heilbrigðisþjónustu í heimabyggð.

Flm.: Ásmundur Einar Daðason, Gunnar Bragi Sveinsson, Eygló Harðardóttir,
Birkir Jón Jónsson, Sigurður Ingi Jóhannsson, Guðfríður Lilja Grétarsdóttir.

    Alþingi ályktar að fela velferðarráðherra að undirbúa og leggja fyrir næsta þing frumvarp til laga sem tryggi beina þátttöku fulltrúa sveitarfélaga og starfsmanna heilbrigðisstofnana í skipulagningu og stjórnun heilbrigðisþjónustu á þjónustusvæði viðkomandi heilbrigðisstofnunar. Markmiðið með frumvarpinu verði að auka íbúa- og atvinnulýðræði og að sjónarmið og óskir heimamanna og starfsmanna heilbrigðisstofnana ráði meiru en nú er þegar heilbrigðisþjónusta er skipulögð og þjónustu forgangsraðað.

Greinargerð.

    Tillaga þessi var áður lögð fram á 138. löggjafarþingi (617. mál), 139. löggjafarþingi (41. mál) og 140. löggjafarþingi (120. mál).
    Í tillögunni felst að Alþingi feli velferðarráðherra að undirbúa og leggja fram á næsta þingi lagafrumvarp þess efnis að fulltrúar sveitarstjórna og starfsmenn heilbrigðisstofnana komi með beinum hætti að skipulagningu þjónustu hjá viðkomandi heilbrigðisstofnun með skipan stjórnar sem hefði það hlutverk að hafa eftirlit með rekstri heilbrigðisstofnana og vera ráðgefandi varðandi skipulag og þjónustu stofnunarinnar.
    Samkvæmt lögum um heilbrigðisþjónustu, nr. 40/2007, er landinu skipt í heilbrigðisumdæmi þar sem starfa skal heilbrigðisstofnun eða heilbrigðisstofnanir. Ráðherra markar stefnu um heilbrigðisþjónustu á grundvelli laganna en forstjórar heilbrigðisstofnana eru skipaðir af ráðherra til fimm ára í senn og bera ábyrgð á þeirri þjónustu sem stofnunin veitir og að rekstrarafkoma og rekstrarútgjöld stofnunar séu í samræmi við fjárlög, sbr. 9. gr. laganna. Í lögunum er hvergi að finna ákvæði sem veitir fulltrúum sveitarfélaga í viðkomandi heilbrigðisumdæmi eða almennum starfsmönnum heilbrigðisstofnana aðkomu að skipulagningu heilbrigðisþjónustunnar. Lög nr. 40/2007 felldu úr gildi lög nr. 97/1990, um heilbrigðisþjónustu, með síðari breytingum. Töluverðar breytingar höfðu verið gerðar á þeim lögum, til að mynda þegar samþykktar voru breytingar sem fólu í sér að stjórnir heilbrigðisstofnana voru lagðar niður, sbr. breytingalög nr. 78/2003. Fyrir þessar breytingar skipaði ráðherra fimm manna stjórnir heilsugæslustöðva, svæðissjúkrahúsa, deildasjúkrahúsa og almennra sjúkrahúsa en þrír fulltrúar voru tilnefndir af hlutaðeigandi sveitarstjórn, einn af starfsmönnum viðkomandi stofnunar og einn án tilnefningar. Umræddar breytingar voru rökstuddar með tilliti til áður samþykktra breytinga á lögum um réttindi og skyldur starfsmanna ríkisins, nr. 70/ 1996, er kváðu á um aukið starfssvið og ábyrgð forstöðumanna ríkisstofnana. Framangreindar breytingar mættu nokkurri andstöðu enda mikilvægt að viðhalda stjórnum heilbrigðisstofnana, einkum úti á landi, og að sveitarfélögin og starfsmenn geti áfram átt aðild að þeim. Ekki er hægt að halda því fram að embættisleg ábyrgð forstöðumanns verði óljós á meðan stjórnir stofnananna eru fyrst og fremst ráðgefandi og þær hafi ekki ákvörðunarvald. Samkvæmt lögum um fjárreiður ríkisins, nr. 88/1997, bera þær og forstöðumenn stofnana þó ábyrgð á því að fjárhagsráðstafanir séu í samræmi við heimildir. Jafnframt bera stjórnir og forstöðumenn ábyrgð á því að ársreikningar séu gerðir í samræmi við lög þessi og staðið sé við skilaskyldu á þeim til Fjársýslu ríkisins, sbr. 49. gr. laganna.
    Með því að í stjórnum heilbrigðisstofnana sitji fulltrúar sveitarfélaga og starfsmanna stofnananna mun bæði íbúalýðræði og atvinnulýðræði aukast. Með auknum tengslum við þau sveitarfélög sem heilbrigðisstofnun þjónustar tækist betur að samhæfa starfsemi heilbrigðisstofnunarinnar og áherslur í störfum sveitarfélaganna, svo sem í átaks- og kynningarverkefnum, til að mynda í skólum. Það hefur gefist vel að starfsfólk eigi aðild að stjórnum enda getur reynsla þess og nálægð við íbúa verið mikilvæg þegar kemur að skipulagningu heilbrigðisþjónustu. Að auka íbúa- og atvinnulýðræði með þessum hætti er mikilvægt skref til að styrkja stöðu heilsugæslunnar og auka nærþjónustu innan heilbrigðiskerfisins en eitt af áherslumálum hjá sveitarstjórnum og heilbrigðisstofnunum um allt land hefur verið að standa vörð um heilsugæsluna. Komi heimamenn og starfsmenn að skipulagningu þjónustunnar mun þörfum sjúklinga á viðkomandi svæði frekar vera mætt. Það festir betur í sessi að almenn heilbrigðisþjónusta sé veitt í heimabyggð og að heilsugæslan sé að jafnaði fyrsti viðkomustaður sjúklinga, sbr. 2. mgr. 3. gr. laga um heilbrigðisþjónustu, nr. 40/2007.

ilbrigðisþj