Jón Bjarnason

Fimmtudagur, 12. október 2023

Smábátasjómenn taka slaginn

Brá mér á Aðalfund Landssambands Smábátaeigenda í dag.

"Aflaverðmæti á strandveiðum í ár 6,6 milljarðar"

Er minnisstæð baráttan og slagurinn við að koma á Strandveiðum vorið 2009.

Enn sitja ráðherrar í ríkisstjórn og allnokkrir þingmenn sem börðuðst hart gegn strandveiðunum og beittu öllum þingklækjum til þess að hindra að lögin færu í gegn þá um vorið

Þá eins og nú vildu margir að ákvæði um strandveiðar biðu eftir "heildarendurskoðun laganna" og niðurstöðu stórrar "sáttanefndar" " Guðbjartsnefndin"

að sjálfsögðu náði nefndin engri "sátt" eftir nær tveggja ára fundahöld.

Ef ég sem ráðherra þá hefði látið undan þeirri hörðu kröfu bæði stjórnarandstæðinga og stjórnarliða í byrjun þings 2009 að bíða eftir "sáttinni" væru engar strandveiðar í dag.

Svo tæpt stóð það.

Það var hressandi að hitta nokkra gamla félaga á LS þinginu sem tóku slaginn á þeim tíma og gera enn.

Mér var hugsað til genginna höfðingja eins og Guðmundar Halldórssonar í Bolungarvík sem kom línuívilnunni í gegnum landsfund Sjálfstæðisflokksins með stuðning kvennanna á Landsfundinum og fylgdi síðan eftir við ráðherrann.

Mér varð hugsað til baráttumannsins og reynsluboltans Guðjóns Arnar Kristjánssonar sem ég fékk til aðstoðar í ráðuneytinu.

Guðjón þekkti nánast hvern lófastóran blett á landgrunninu.

Slíka menn eins og þá tvo var gott að hafa sér við hlið og njóta stuðningsins.

Það skiftir máli að hafa góða og einlæga ráðgjafa og stuðningsfólk.