Ungir Gnúpverjar stofna Félag um atvinnuuppbyggingu við Þjórsá

"Virkjun mun skila litlu til sveitarinnar" segir hópur áhugafólks sem býr á fyrirhuguðum virkjunarsvæðum Þjórsár. Stjórn félagsins er skipuð ungu fólki sem kýs að búa áfram í átthögum sínum og vill að náttúruauðlindir svæðisins sé verndað og nýtt með framtíðarhagsmuni heimafólks í huga.

Virkjun mun skila litlu til sveitarinnar  ( mbl,26.04. 2016

• Ungir Gnúpverjar stofna félag

Þjórsárdalur Horft yfir áhrifasvæði væntanlegrar Hvammsvirkjunar.

[ Smelltu til að sjá stærri mynd ] 

„Við eigum að nýta auðlindir sveitarinnar fyrir fólkið í sveitinni. Atvinnulífið þarf að vera fjölbreyttara svo ungt fólk eigi raunhæfan möguleika á að geta snúið aftur heim,“ segir Anna Björk Hjaltadóttir, formaður Félags um atvinnuuppbyggingu við Þjórsá. Stofnað var til þessa félags á dögunum af ungu fólki úr Skeiða- og Gnúpverjahreppi sem er annt um hag heimasveitar sinnar. Sem kunnugt er stendur til að reisa þrjár aflstöðvar í neðri hluta Þjórsár og yrði Hvammsvirkjun þar efst. Undirbúningur að framkvæmdum þar er kominn nokkuð áleiðis, en er í biðstöðu nú á meðan verið er að endurmeta umhverfisáhrif þau sem orkuverið kann að hafa á útivist og ferðaþjónustu.

 Auðlind sé nýtt

„Við höfum litið á úrskurð Skipulagsstofnunar um endurskoðun umhverfismats sem hvatningu til að skoða möguleika í sveitinni okkar. Auka þarf verðmætasköpun og skapa atvinnutækifæri fyrir ungt fólk. Það er sóun að frumvinna auðlindir með því að virkja þegar við getum fullunnið þær sjálf. Mannfjöldaþróun í sveitinni er neikvæð. Fjöldi fólks á barneignaraldri er nokkuð undir því sem telst heilbrigð samsetning samfélags,“ segir Anna Björk sem er frá bænum Fossnesi, nærri mynni Þjórsárdals. Hún er viðskiptafræðingur að mennt og býr og starfar í Reykjavík. Svo er eins farið um marga aðra í félaginu. Er stjórn félagsins skipuð ungu fólki sem fýsir að búa í átthögum sínum.

 Sprotar og búskapur

„Okkur langar til að hitta fólk sem er á sama stað. Erum til þess að hlusta á hvað þessi hópur þarf og langar að láta draumana um sveitina sína rætast,“ segir Anna Björk. „Í Skeiða-og Gnúpverjahreppi vantar fjölbreytni í atvinnu svo þar verði til fjölbreytt samfélag. Með félaginu viljum við skapa vettvang fyrir fólk með góðar hugmyndir um til dæmis ferðaþjónustu, búskap, sprotafyrirtæki eða annað. Virkjun getur skilað sveitinni einhverju meðan á framkvæmdum stendur, en litlu þegar til lengri tíma er litið.“

 

Tekið er undir hvert orð hjá Önnu Björk og ungum íbúum Gnúpverja - og Skeiðahrepps óskað góðs gengis í baráttunni.

Bretar æfir út í hótanir Obama

Hótanir Bandaríkjaforseta í garð Breta eru einstakar í samskiptum þjóða á friðartímum. Þær eru bein afskipti af innanríkismálum Breta.

Obama bæði grátbiður og hótar í senn viðskiptaþvingunum   og einangrun á alþjóðavettvangi ef Bretar hafna áframhaldandi aðild að Evrópusambandinu 24. úní næstkomandi.

( Obama: Brexit would hurt Britain's trade with USUS leader urges voters not to back exit from EU in referendum, saying UK would find itself "at the back of the queue".)

Hótanir og afskipti Bandaríkjaforseta geta haft öfug áhrif við það sem hann ætlar. Bretar eru stolt þjóð og þó vinátta hafi verið með þessum tveimur stórveldum er breskum almenningi nú misboðið. Hlutur þeirra sem vilja fara úr ESB stækkar.

Það er athyglisvert fyrir okkur Íslendinga að sjá hversu harkalega er gengið fram gegn fullveldisákvörðunum ríkja innan ESB.

Við skiljum kannski betur nú hversvegna ríkisstjórnin og íslenski utanríkisráðherrann guggnaði á því afturkalla formlega og ótvírætt umsóknina sem Ísland sendi um inngöngu í Evrópusambandið.

Hverju var Íslandi hótað?

Hverju ætli að Evrópusambandið hafi hótað íslenska utanríkisráðherranum svo hann þorði ekki að fylgja eftir kosningaloforði flokksins og ríkisstjórnarinnar um afturköllun ESB-umsóknarinnar?

Utanríkisráðherra gafst upp á að fá Alþingi til að afgreiða málið og afturkalla umsóknina, en sendi í stað þess loðið bréf til Brüssel sem báðir aðilar túlka sér í hag.

En stjórnarandstaðan öll og komandi ríkisstjórn telur sig óbundna af slíkum bréfaskiptum ráðherrans.

Báknið burt ! Var eitt sinn slagorð

Nýtt bákn- Auðlindasjóður verður stofnaður af kratískri fyrirmynd ef hugmyndir  formanns Sjálfstæðisflokksins ná fram að ganga. Í þann sjóð eiga að renna tekjur af auðlindum Íslendinga eins og arður eða gjöld á orkuauðlindir, veitustofnanir eins og Landsvirkjun og Orkuveitu Reykjavíkur. Væntanlega landafnot, veiðigjöld og tekjur af þjóðgörðum og náttúrupassa fyrir aðgang ferðamanna að öðrum  náttúruauðlindum  og fegurð landsins.

Auðlindasjóður Bjarna að komast á koppinn 

Það er sérkennilegt að heyra þessi orð frá formanni flokks sem hefur haft þá stefnu og slagorð- Báknið burt.

Að sjálfsögðu er hægt að koma að mörgum feitum bitlingum í nýjum sjóð sem fær að valsa um á eign forsendum.

Er ekki nóg að hafa lífeyrissjóðina sem bákn í ríkini?.

Við höfum ríkissjóð og þangað eiga tekjur, arður og skattur af auðlindum fyrirtækjum og einstaklingum að renna . Og greiðslur úr honnum og ráðstöfum er ákvörðuð á lýðræðislegana hátt af Alþingi.

Undanfari stórfelldar einkavæðingar

Hugmyndir um sérstakan auðlindasjóð er undanfari og undirbúningur að stórfelldri einkavæðingu auðlinda og þjónustustofnana sem að hafa milligöngu um nýtingu þeirra.  Þessi áform lágu fyrir hjá ríkisstjórn Sjálfstæðisflokks og Samfylkingar 2007 - 2009 og voru hluti af því rugli sem þessir flokkar stóðu að í aðdraganda hrunsins.

Við flest í Vg á þeim tíma lögðumst gegn þessum einkavæðingar áformum og hugmyndin um auðlindasjóð var sett út af borðinu enda ríkissjóður okkar auðlindasjóður.

Það er sérstakt ef sjálfstæðismenn ganga nú á undan í að þenja úr báknið með nýjum sjálfalasjóði. Okkur nægir ríkissjóður og bankasýslan

 Auðlindasjóður Bjarna að komast á koppinn

 

Alþjóðagjaldeyrissjóðurinn hótar Bretum

Alþjóðagjaldeyrissjóðurinn hótar Bretum öllu illu ef þeir yfirgefa Evrópusambandið.

Þar má segja að "skrattinn hitti ömmu sína" því  sjóðurinn og ESB  studdi Breta  í að setja hryðjuverkalög á Íslendinga og loka fyrir fjáramálasamskipi Íslands við umheiminn nema farið færi að öllum kröfum hans . Aðeins Færeyingar neituðu að hlýða fyrirskipunum IMF, - meira að segja Norðmenn lágu hunfdflatir fyrir kröfum sjóðsins á hendur Íslendingum.  

Afskipti Alþjóðagjaldeyrissjóðsins eru frekleg afskipti af innanríkismálum Breta en þurfa ekki að koma á óvart.

Vonandi að þessi afskipti IMF herði  enn á sjálfstæðisvitund Breta og hvetji þá til að draga sig út úr ESB.

IMF: EU exit could cause severe damage

• 4 hours ago

 

• From the sectionBusiness

Image copyrightGetty Images

The UK's exit from the European Union could cause "severe regional and global damage", the International Monetary Fund has warned in its latest outlook.

A so-called "Brexit" would disrupt established trading relationships and cause "major challenges" for both the UK and the rest of Europe, it said.

The IMF said the referendum had already created uncertainty for investors and a vote to exit would only heighten this.

Að kalla eftir trausti og aðgerðum

Einn af háværustu talsmönnum fyrir inngöngu Íslands í Evrópusambandið er aðal ræðumaður á útifundum dag eftir dag til að mótmæla stjórnvöldum. Það hýtur að vekja ákveðna tortryggni. 

Eitt af hrópyrðunum á útifundunum síðustu daga var ákall um hjálp frá Evrópusambandinu,- út með íslensku krónuna og inn með evru.

Langflest hafa þó örugglega verið komin til að láta í ljós andúð sína og fordæma spillingu og leynd sem sótt er í skattaskjól erlendis.

Allir flokkar á alþingi eiga að sameinast um að afhjúpa og banna þessa leynd og setja lög sem gera fjármálaheiminn gagnsæjan og persónulegt eignarhald og tengsl séu opinber og lúti íslenskum skattalögum. 

Því miður bar ríkisstjórn sem ég sat í ekki gæfu til að taka í alvöru á lagasetningu um gagnsæi og upplýsingagjöf, enda er hagsmunavarsla þessara aðila ekki síst á alþjóðavísu mjög sterk.

Það bjargaði Íslandi eftir hrunið og gerir enn að við höldum okkar fullveldi, íslensku krónunni og stöndum utan Evrópusambandsins.

Fullveldið gefur okkur líka færi á að treysta hratt með lögum og reglugerðum gagnsæi og heiðarleika í fjármála viðskiptum og bankarekstri.

Hér verða allir að taka höndum saman og standa með kröfum almennings í landinu hvað þetta varðar og þó fyrr hefði verið.

 

 

Vinir Jökulsánna í Skagafirði og Skjálfandafljóts gleðjast

Jökulsárnar í Skagafirði og Skjálfandafljót fara í verndarflokk samkvæmt tillögum verkefnisstjórnar um orkunýtingu og vernd.

Ein­hug­ur ríkti um niður­stöðuna  segir í skýrslu nefndarinnar.

 Þetta er sérstakt fagnaðarefni fyrir okkur sem höfum barist fyrir friðun þessara vatnasvæða gegn virkjunum. Samtök heimafólks stóðu vaktina og lögðu hart að sér í baráttunni fyrir verndun Jökulsánna.

Tillögur verkefnisstjórnarinnar nú um að þessi miklu og fallegu vatnasvæði fari í verndarflokk og einhugur sé um það í hópnum  eru því vinum Jökulsánna í Skagafirði og Skjálfandafljóts mikið fagnaðarefni.

Að styrkja beina lýðræðið

 Tillögur stjórnarskrárnefndar um þjóðaratkvæðagreiðslur að frumkvæði kjósenda styrkja tvímælalaust beina lýðræðið.

Verði tillögurnar að lögum og komist í stjórnarskrá eiga kjósendur tvenna möguleika til þess að kalla eftir þjóðaratkvæðagreiðslu.

Annarsvegar með aðkomu forseta Íslands að óbreyttum málskotsrétti samkv. 26. grein stjórnarskrárinnar eins og við höfum kynnst  og hinsvegar með beinni áskorun og undirskrift 15% kjósenda.

Mér kom á óvart að virtur lagaprófessorar eins og Björg Thorarensen láti hafa eftir sér að núverandi 26. grein í stjórnarskrá grafi undan nýrri grein sem veitir kjósendum aukinn og beinan rétt til að kalla eftir þjóðaratkvæðgreiðslum.( Mbl.is greinir svo frá fundi í Lögbergi H.Í. í dag) : Leið forsetans greiðari

Mörgum er enn í nöp við forsetann

"Björg seg­ir það því vera sína skoðun að þeir kjós­end­ur sem hafi heita skoðun á ein­hverju máli haldi því áfram að leita til for­set­ans. „Þessi staða mun að mínu vita grafa und­an virkni þessa nýja ákvæðis.“ Ómögu­legt sé líka að spá fyr­ir um viðbrögð for­seta. „Það má kannski reyna að reikna út hvað Ólaf­ur Ragn­ar Gríms­son myndi gera en það er bara ekki nóg“, seg­ir Björg og bend­ir á að enn meiri óvissa skap­ist með nýj­um for­seta".  Mbl. 16.3. Leið forsetans greiðari

Og er það bara ekki allt í lagi að auka rétt kjósenda til beinnar aðkomu að málum

 ESB sinnar æmta yfir stjórnarskrártillögunum

Það er annars makalaust hve hörðustu ESB sinnunum er mikið í mun að afnema málskotsrétt forsetans í stjórnarskrá og fá þar inn ákvæði um fullveldisframsal.

"Stjórn­ar­skrár­nefnd fær fall­ein­kunn frá Skúla Magnús­syni, fyrr­ver­andi nefnd­ar­manni og formanni dómarafélags Íslands, vegna þess að henni mistókst að leggja fram til­lögu um framsal rík­is­valds í þágu alþjóðasamn­inga. Seg­ist hann von­ast til að end­urupp­töku­próf verði til að nefnd­in geti hysjað upp um sig bux­urn­ar" 

http://www.mbl.is/frettir/innlent/2016/02/24/falleinkunn_stjornarskrarnefndar/

Ég var nú líka hissa á því á sínum tíma þegar lögfróðir einstaklingar og sómakærir eins og Björg Thorarensen létu hafa sig í að sitja í og verða varaformaður í samninganefndinni um inngöngu Íslands í Evrópusambandið. En sú vinna þeirra fól einmitt í sér skuldbindingar og undirskrift um víðtækt framsal á fullveldi þjóðarinnar, nokkuð sem gekk í berhögg við grundvallaratriði stjórnarskrárinnar. Sem betur fer eru ákvæði um framsal fullveldis ekki inni í núveranndi tillögum stjórnarskrárnefndar.

 

Nýr Landspítali á nýjum stað

Það er fullkomlega óboðlegt að ætla sjúklingum að lifa og búa við jarðsprengingar, byggingarkrana, þjöppur og steypubíla næstu árin á sjálfum aðalspítala þjóðarinnar. Ég hef setið þar hjá sjúklingi á Landspítalanum og við minniháttar sprengingar. Fullheilbrigður maður myndi varla þola það að liggja bundinn við rúmið við slíkar stór sprengingar hvað þá sjúklingur.

Það liggur fyrir að nánast ekkert af núverandi húsnæði Landspítalans getur nýst varanlega áfram nema vera endurbætt verulega eða frá grunni.

Það er sjúklingi sem berst fyrir lífi sínu  og heyrir sírenuvælið, loftvarnarmerkið á undan sprengingunni lítil huggun að þetta verði nú allt annað og betra eftir 8 til 10 ár.

Þær fréttir og sú staðreynd að verið sé að skera niður starfsemi á sjúkrahúsunum á landsbyggðinni er mjög mótsagnakennd í allri þessari umræðu.  Hvernig er með nýja hátæknisjúkrahúsið í Reykjanesbæ, hvernig er það nýtt?.

Þjóðinni virðist ofviða að reka núverandi heilbrigðis og sjúkrahúsþjónustu sómasamlega vegna fjárskorts og "hagræðingaraðgerða" eins og t.d. lokun St. Jósefspítala í Hafnarfirði eða með lokunum, sameiningum og skerðingum á starfsemi heilbrigðisstofnana á landsbyggðinni

Við þurfum svo sannarlega nýjan Landspítala en hann á að byggjast á öðrum stað, við Vífilsstaði eða í Keldnalandi t.d. Það bætir lítið úr skák að setja  núverandi starfsemi Landspítalans í algert uppnám næstu árin, á stað sem er alltof þröngur stakkur skorinn hvað land og rými varðar.

Arður af bönkum og tekjur góðærisins gera það kleyft að byggja nýjan spítala hratt og vel. Jafnframt verði haldið við núverandi sjúkrahúsbyggingum og landsbyggðarsjúkrahúsin nýtt betur og þjónustan þar efld í stað þess að draga hana þar saman.

Ég tek undir með Guðrúnu Bryndísi Karlsdóttur heilbrigðis- og skiplagsverkfræðings sem segir í viðtali. (Sama fólkið sem fer yfir sömu skýrslurnar)

Ástandið sem er núna á Hringbrautarlóðinni, það ætti að vera síðasta upphrópunarmerki til þeirra sem taka þessar ákvarðanir um að hætta við og fara að gera þetta af skynsemi annars staðar. Bæði er aðkoman að lóðinni skelfileg. Bílastæðin eru færri og komin einhvers staðar þar sem fólk veit ekki hvar þau eru og síðan eru sjúklingar með heyrnartól út af látunum í þessum byggingaframkvæmdum.

Framkvæmdirnar séu rétt að byrja. ( Sama fólkið sem fer yfir sömu skýrslurnar) eyjan

Það er ekki byrjað að sprengja og þegar spreningunum er lokið verða þarna háværar vinnuvélar í töluverðan tíma og þetta er bara lítið sýnishorn af því sem koma skal fyrir framan barnaspítalann og þvert í gegnum allar lóðir, þvert á milli bygginga, til þess að koma tengigöngunum fyrir."

Það er ekki kræsileg sýn ef þjappa á nánast allri sjúkrahúsþjónustu landsmanna næstu árin   á einn stað undir  sírenuvæli eins og  á stríðstímum, hávaða byggingakrana og hristings vegna jarðsprenginga .  Eigum við ekki heldur bara að banna fólki að verða veikt þennan tíma.

Frakkar vilja kjósa um úrsögn úr ESB

Frakkar og Hollendingar vilja kjósa um úrsögn úr ESB.   Mikilvægt  er að Ísland afturkalli  formlega og ótvírætt unmsóknina að Evrópusambandinu

  "Meiri­hluti Frakka vill þjóðar­at­kvæði um veru Frakk­lands í Evr­ópu­sam­band­inu eða 53% sam­kvæmt niður­stöðum nýrr­ar skoðana­könn­un­ar sem gerð var af Ed­in­borg­ar­há­skóla. Fleiri voru einnig hlynnt­ir slíku þjóðar­at­kvæði en and­víg­ir í Svíþjóð, Þýskalandi og á Spáni."  Mbl.is 14.03.

Fleiri þjóðir ESB vilja þjóðar­at­kvæði

Fyrir hverja eru " Samtök atvinnulífsins"

 Þau börðust fyrir inngöngu Íslands í Evrópusambandið og upptöku Evru og gera enn. Samtök atvinnulífsins tóku þátt í og  studdu bankabóluna og útrásina sem setti allt fjármálakerfi Íslands á hliðina 2008.

Aldrei hafa þau gert upp hlut sinn í þeim ósköpum eða beðist afsökunar. 

Samtök atvinnulífsins studdu Icesavesamningana af miklu afli.  Samtök atvinnulífsins lögðust gegn því að Evrópusambandsumsóknin væri stöðvuð og dregin til baka.

Umboðslausar ályktanir SA ?

Samtök atvinnulífsins og stjórn þess er reyndar ótrúlegur félagskapur. Sú spurning vaknar hvar þau fái umboð til stórpólitískra ályktana eða til leggjast gegn einstaka atvinnugreinum eins og landbúnaði og matvælavinnslu í landinu.

Meðmæli þegar SA er móti

Nú leggjast samtök atvinnulífsins af öllu afli með fundarhöldum, yfirlýsingum og þungum áróðri gegn nýgerðum búvörusamningi.

Samtök atvinnulífsins leggjast gegn hagsmunum neytenda  um holla og góða matvöru, gegn hagsmunum matvælavinnslunnar í landinu og þeim fjölda starfa sem þar eru, gegn öryggi og hagsmunum bænda sem í landbúnaðinum starfa.

SA er á móti sam­þykkt bú­vöru­samninganna.

Það gætu verið meðmæli með búvörusamningunum ef Samtök atvinnulífisns leggst gegn þeim.  Af framantöldu er ljóst hverra hagsmuna þessi samtök ganga, enda fylgja þeim fast stórinnflytjendur, stjórnendur lífeyrissjóða sem eiga innflutninginn og smásöluna í matvöru í landinu.