Minning- Guðrún Helgadóttir

Guðrún Helgadóttir forseti Alþingis, rithöfundur og fyrrverandi ritari rektors við M.R. er fallin frá.

Þegar ég settist í Menntaskólann í Reykjavík haustið 1961, feiminn sveitastrákur lærði maður fljótt hvert skyldi leita innan skólans
Snaggaraleg ung kona fór léttstíg um alla ganga og hljóp gjarnan upp tröppurnar og stigann í skólanum.

Hún virtist vera allsstaðar.
Gjarnan með blað í annarri hendi og blýant í hinni.
Þetta var nú allt fyrir tíma tölva og farsíma.
Einbeitt á svip en stutt í brosið:

"Þetta er hún Guðrún Helgadóttir, ritari rektors. Hún ræður hér öllu" heyrðist strax pískrað meðal fyrstaárs nema.

Og svo sannarlega lét Guðrún Helgadóttir til sín taka í stjórnun skólans.
Mál M.R. voru þar í góðum höndum með rektor.
Guðrún þekkti strax alla nemendur með nafni og vissi óspurt nánast allt um hagi hvers og eins.

Guðrún Helgadóttir rektorsritari ( 1957 til 1967) var mér svona bein og óbein fyrirmynd þegar ég seinna á árum stýrði virðulegri menntastofnun af öðrum toga en M.R. Það er sem rektor Hólaskóla á Hólum í Hjaltadal:
Það var sú kúnst Guðrúnar að láta umhverfið finnast maður væri alltaf til staðar og gæti lagt til.

Að heiman vissi ég að Guðrún hafði verið gift frænda mínum, Hauk Jóhannssyni frá Goðdal í Bjarnarfirði á Ströndum.
Allir kennarar og rektor voru þéraðir á þessum tíma í M.R.
Ekki minnist ég þess að Guðrún hafi þérað okkur né við hana.
Þegar nálgaðist jólafrí fór mig, sveitamanninn að langa heim í Bjarnarhöfn.
Mjög strangar reglur giltu um mætingar og hélt Guðrún ritari um þær skráningar.
Ég man þegar ég fór upp á skrifstofu til Guðrúnar Helgadóttur ritara snemma í desember.

Bað ég um að fá að fara fyrr heim í jólafrí.- Þetta væri svo óvisst með rútuferðir.
Sem þó var ekki rétt því það gekk áætlunarbíll a.m.k tvisvar í viku.
"Já" sagði Guðrún og sá aumur á mér, "er þetta líka ekki að verða síðasta rúta vestur fyrir jól"
" Jú" sagði ég. "Er svo ekki frekar erfitt með áætlunarbílinn suður eftir áramót" ?. "Jú það getur verið snúið" sagði ég.
"Reyndu samt að vera kominn fyrir miðjan janúar".
Guðrún átti það til að hóa í einstaka nemendur og hvetja þá. " Þú getur nú gert svo miklu betur". Eða hvatt þá með stuttu ávarpi. "Þetta var nú gott hjá þér".

Annars var stjórn skólans í höndum Guðrúnar ritara rektors formföst og góð.
Nemendur M.R. báru mikla virðingu fyrir Guðrúnu Helgadóttur, ritara og þeir áttu líka vísa hlýju, réttsýni og leiðsögn hennar þegar á því þurfti að halda.
En það gustaði af Guðrúnu Helgadóttur hvar sem hún fór.
Seinna kynntist ég Guðrúnu sem alþingismanni, rithöfundi og forseta Alþingis.

Alltaf fylgdi Guðrúnu hin mikla hlýja og hreinskipta reisn.
Því gátu menn alltaf treyst.
Á forseta stól Alþingis jafnt sem að lesa upp úr bókum sínum um Jón Odd og Jón Bjarna
var Guðrún Helgadóttir okkur sú hin sama til hinstu stundar: Hin léttstíga, röggsama rektorsritari sem "öllu réð" og við gamlir nemendur M.R: kynntumst svo vel, bárum virðingu fyrir og mátum

Kærar þakkir Guðrún Helgadóttir

Íslendingar flytja árásarvopn á vígvöllinn- Sorglegt

Þótt Ísland sé í Nató hefur landsmönnum verið sagt að við séum undanþegin herkvaðningum og beinnar þátttöku  í stríðsátökum eða vopnaflutningum á vígvelli. 

Í orði höfum við alltaf lagt áherslu á að leysa ætti hinar erfiðistu deilur með  viðræðum  en ekki með því að skjóta niður og drepa fólk, hvar í liði sem það stendur í stríðsátökum

Friðflytjendur eru ekki burðardýr fyrir morðvopn

  Og hversu fordæmanlegar og  hörmulegar þær aðstæður væru.

Nú berast fregnir af að  Ísland hafi greitt fyrir og annast flutning á hergögnum, skotfærum og byssum  ætluð til manndrápa  á átakasvæðum Ukrainu. 

Íslensk skráðar flugvélar og flugáhafnir hafi annast flutning á hergögnum og skotvopnum til átakasvæða i Ukraínu.

13 flugfarmar samkv. utanríkisráðuneytinu,

Mannúðaraðstoð og móttaka flóttamanna

Innrás Rússa og stríðið í Ukraínu er hörmulegt og Íslendingar reiðubúnir að leggja allt sitt af mörkum til aðstoðar flóttamanna og neyðaraðstoð innan Ukraínu. Og um það erum við 0ll sammála og stöndum þétt saman  í verki . Og reiðubúin að kaupa flutning fyrir nat, lyf og aðrar nauðþurftir annað en vopn.

Hvar eru mörk Íslands

En að flytja manndrápsvopn á vigvöllinn er allt annað mál og gengur gegn því sem þjóðinni hefur verið sagt um aðkomu Íslands að þessu hörmulega stríði.

Hvar ætla stjórnvöld nú að draga mörkin. 

ESB er að setja upp eigin her. " Evrópuher ". Er það næst á dagskrá að Íslendingar manni ESB herinn líka og hér komi herskylda?.

Sorglegt- að flytja drápstól á vígvöllinn

að íslensk stjórnvöld dragist inn í grimmileg stríðsátök og voðaverk með beinum hætti

Ísland er herlaust land og hefur haldið sig utan hernaðarátaka og manndrápa og talið sig boðbera friðar án vopna

Stríðið í Ukraínu og innrás herja Rússalands er hryllilegt .

 

En aukin manndráp munu seint færa þessum þjóðum frið.

Við fordæmum hermdarverkin og viljum leggja allt að mörkum til þess að mæta neyð fólksins sem nú þarf að flýja land og til mannúðaraðstoðar innan Ukraínu.

 

Barátta fyrir friði

Ég hefði hinsvegar heldur vilja sjá forsætis- og utanríkisráðherra Íslands vera í farabroddi viðræðna fyrir friði í Ukraínu  og hitta bæði Rússa og Ukraínumenn. Reyna að koma á friði í stað þess að flytja þangað hergögn og manndrápstól til þess að drepa með fólk

 

 

KJARNINN.IS

Bláfugl hefur flutt hergögn til Póllands á vegum íslenskra stjórnvalda

 

 

Þrettán flugferðir með hergögn