Vikulegur mokstur í Árneshrepp

 

Það var mjög ánægjuleg sú ákvörðun Vegagerðarinnar að ryðja veginn  norður í Árneshrepp  vikulega í vetur.                                       

Þessi fámenna en góða byggð hefur mátt búa við  eina mestu einangrun  á landinu í samgöngum vetrarmánuðina. Hafði Vegagerðin áður tilkynnt að veginum yrði ekki haldið opnum  vetrarmánuðina frá áramótum til vors.  Því var að sjálfssögðu mótmælt harðlega.

 En íbúarnir, hreppsnefndin, samgöngunefnd hreppsins sóttu þetta réttlætismál af mikilli einurð og fengu þessa sem okkur finnst  sjálfssögðu þjónustu í gegn.

Vissulega er áætlunarflug á Gjögur  en það leysir ekki ferðalög og flutninga sem fólk vill geta annast á eigin bílum.

Þá er  ljóst að Árneshreppsbúar njóta góðs af reynslu og eldmóði Hrafns Jökulssonar sem er óþreytandi við að vekja athygli á því sem er að gerast í hreppnum og kalla aðra til liðs þegar svo ber undir.

Það er skylda okkar sem þjóðar að halda uppi ákveðinni grunnþjónustu eins og nauðsynlegum  samgöngum  hér innanlands óháð búsetu.

Byggðin  og búsetan í landinu öllu er auðlegð sem við þurfum öll sem þjóð að standa vörð um.

Það er brýnt eða gera enn frekari endurbætur á veginum norður í Árneshrepp en það er góður áfangi að fá staðfestan vikulegan mokstur.

Til hamingju með árangurinn af baráttunni Árneshreppsbúar.

 www.litlihjalli.it.is