Dyrum ESB yrði lokað greiddi Ísland ekki Icesave reikningana refjalaust.

 

Aðild Íslendinga  að ESB yrði útilokuð  um ófyrirsjáanlega langan tíma ef ríkisstjórnin neitaði ábyrgð á  Icesave reikningunum, en myndi í stað þess  höfða mál fyrir  breskum eða evrópskum dómstólum um lögmæti þeirra krafna.  

Þetta kom skýrt fram í  máli  Willems Buiter prófessors í stjórnmálafræði við London School of Economics á málstofu í Háskóla Íslands í morgunn.  

Bretar höfnuðu kröfu  um  sáttadóm í Icesave málinu  eins og kunnugt er og sömuleiðis Evrópusambandið sem þar með í raun lýsti  yfir stuðningu við hryðjuverkalög Breta á Íslendinga. 

 Það voru ESB ríkin sem settu fram þá kröfu gagnvart Alþjóðagjaldeyrissjóðnum að lán til Íslendinga yrði skilyrt því að ríkisstjórnin  samþykkti refjalaust ábyrgð á Icesave reikningunum.   

Spurt var hvort þessi framkoma Evrópuríkjanna væri sanngjörn og réttmæt? - . Hvers vegna máttu Íslendingar ekki leita réttar síns.?.  

Svarið hjá prófessornum  var  einfalt:  valdið var allt öðru megin og hér voru það hið gamla heimsveldi og nýlenduríki  Evrópusambandsins sem sýndu litla Íslandi vald sitt.  Við Íslendingar áttum val um að falla einir  á vigvellinum eins „litlar hetjur“ eða vera áfram með  á  leikborði stórþjóðanna á þeirra forsendum.

Sjálfsstæður réttur  þjóða í alþjóðasamfélaginu eða hagur og réttur  íslensks almenningur virðist ekki skipta neinu máli  í þessu sambandi. - Afl hins sterka ræður.

Lúðvík Jósepsson  og   Willem Buiter

Mér var nú hugsað til baráttu íslensku þjóðarinnar  fyrir  útfærslu landhelginnar, fiskveiðilögsögunnar og þorskstríðanna við Breta á sínum tíma.  Lúðvík Jósepsson þáverandi sjávarútvegssráðherra vissi að aflið fólst í málstaðnum og rétt smáþjóðar til að verja auðlindir sínar, sjálfstæði  og sækja rétt sinn á alþjóðavettvangi.

Og fyrir einarða framgöngu íslensku þjóðarinnar og forystumanna hennar  vannst fullur sigur þó við breska heimsveldið væri við að eiga.

Þá var nú „ öldin önnur“. Linkindin gagnvart Nató  háði reyndar sumum íslenskum stjórnmálamönnum þá eins og nú.

Hitt er alveg deginum ljósara  að við  hefðum ekki komist langt með landhelgismálið  búandi við   undirlægjuhátt ríkisstjórnar Samfylkingar og Sjálfstæðisflokks. Þar sem flestu má fórna til að móðga ekki Evrópusambandið.

Nú er enginn Lúðvík Jósepsson í ríkisstjórn Íslands, því miður

Það veit prófessor Willem Buiter og aðrir samlandar hans í breskri pólitík.

En kosningar eru vonandi ekki langt undan  með nýrri átakaglaðri skipshöfn sem ekki mun láta Breta né önnur nýlenduveldi Evrópu kúga íslenska þjóð til afarkosta eins og sú ríkisstjórn sem nú situr  er að gera þessa dagana.