"Virkjun, álver og hvað svo"? Góð grein Hildar Evlalíu Unnarsdóttur

„Eftir að framkvæmdum við Kárahnjúkavirkjun er lokið og álverið á Reyðarfirði hefur verið gangsett, hefur sjálfstæð atvinnusköpun og fjölgun í byggðarlaginu minnkað til muna. Ef þú vilt ekki vinna í álveri þá er litla aðra vinnu að fá“.

Þannig kemst Hildur Evlalía Unnarsdóttir,  ungur háskólanemi að orði í ágætri grein í Morgunblaðinu í dag.

 Greinin ber yfirskriftina: „ Virkjun, álver og hvað svo?“

Greinin birtist einnig í „Glugganum“ sem fer inn á vel flest heimili á Suðurlandi.Og Hildur sendi íbúum Suðurlands hvatningu:

„Því segi ég við ykkur, kæru Sunnlendingar, ígrundið vel orsakir og afleiðingar stóriðju á svæðinu. Til eru fleiri atvinnuskapandi möguleikar. Gott dæmi er uppvöxtur menningar og háskólamála á Akureyri. Mín skoðun er sú að fleiri byggðarkjarnar ættu að taka þá uppbyggingu til fyrirmyndar og taka mið af henni í stað þess að einblína alltaf á sömu hugmyndina, að virkja og byggja álver“.

Um sjálfa sig segir Hildur Evlalía:„ Greinarhöfundur er ein af mörgum ungmennum sem hafa flutt búferlum af Austurlandinu góða beint á Suðvesturhornið til að halda áfram námi eftir framhaldsskóla og er nú búsett á Stokkseyri“.

Ég hvet til þess að sem flest lesi þessa ágætu grein Hildar Evlalíu: http://www.sudurglugginn.is/Efni.asp?Skoda=Article&ID=3480