Meira morfín- fleiri álver- !

 

Geir H Haarde sagði svo aumkunarlega í fréttum að ráðast þyrfti í fleiri stórvirkjanir og  sérstaklega ný vinnuaflsfrek stóriðjuver -  fleiri álver. 

Sjálfur Stalín hefði ekki orðað það betur á tímum ríkisverksmiðjuvæðingar Rússlands. 

 Forsætisráðherra situr fastur í „ morfín hagstjórninni, sem Andri Snær lýsti svo vel í Draumalandinu.  Sjálfstæðisflokkurinn  ber ábyrgð á mestu hagsstjórnarmistökum lýðveldisins.

Fjármálafyritækin, ríkisstjórnin, eignarhaldsfélög og verktakar sem makað hafa krókinn í ofþenslu undanfarinna ára heimta "morfín".

Bankastjóri Landsbankans og Eimskipa sem nú er sakaður um að fá frá fyrstu hendi áform ríkisstjórnar og Seðlabanka og fénýta bankanum, hrópar á fleiri álver.

Bankarnir geta  ekki enn borið af sé ásakanir um að þeir spili á gengi krónunnar sér til fjárhagslegs ávinnings.

Er ekki annars kominn tími til að fram fari allsherjar opinber rannssókn á starfsemi banka, stórra sparisjóða og annarra fjármálafyrirtækja?  

Þessir aðilar bera með hátterni sínu ábyrgð  umfram aðra á græðgisvæðingunni og auknu kjaramisrétti í landinu.

 Það rignir á einkaþoturnar

Glitnir, sem stofnaði sérstakt félag til að komast yfir orkuauðlindir landsmanna grætur í koddann og hrópar á fleiri álver: Það verður að  virkja meir, fórna fleiri náttúruperlum, byggja fleiri álver  til þess að  hægt sé að halda uppi ofurlaununum. Það rignir á þoturnar  á flugvellinum! 

Yfir 80% af framleiddu rafmagni landsmanna fer nú þegar til þungaiðnaðar, reyndar á spottprís. Þar er ólíkt að farið en hjá olíuríkjunum.

Álæðið og offjárfestingar, sem fylgdu í kjölfar þess leiddu til gríðarlegs viðskiptahalla, himinhárra vaxta, verðbólgu og meira kjaramisréttis innan þjóðarinnar en nokkur dæmi eru um. „Sjúkt efnahagskerfi heimtar pensillín“ var sagt í sjónvarpsþætti nýlega.

Og auðvitað vilja „mafíosar“ deila út meira morfíni.

   Veruleikafirring

 Þegar stóriðjuflokkarnir samþykktu Kárahnjúkavirkjun og byggingu Reyðaráls átti um 70% vinnuaflsins að vera innlent. Reyndin varð hinsvegar sú að innan við 30% var íslenskt yfir 70% var tímabundið erlent vinnufólk.

Veruleikafirring forsætisráðherra á sér engin takamörk og er aðal hagstjórnarvandi þjóðarinnar.