„ Hvert fóru peningarnir“, Geir ??

Ekki fóru þeir til gamla fólksins eða öryrkjanna , ekki fóru þeir til starfsfólksins á elliheimilinum, til hjúkrunarfólksins, kennaranna og  starfsfólks leikskólanna.  Ekki mátti hækka launin við það fólk í góðærinu vegna þensluáhrifa  og þegar kreppir að er ekki heldur hægt að hækka laun ummönnunarstéttanna !!!!

Voru það þó stærstu loforð ríkistjórnarflokkanna fyrir kosningar, ekki síst Samfylkingarinnar.

Hinsvegar er hægt að setja einkvæðingu heilbrigðiskerfisins á fullt og halda uppboð á störfum hjúkrunarfólks.

Hvað með þá sem löbbuðu út með milljarða starfsloka samningana eða skömmtuðu sér "ofurlaun" á undanförnum árum meðan ekki var hægt að hækka kaup hjúkrunarfólks?. 

 „Rán um hábjartan dag“. Það er jú þjóðin sem borgar þegar upp er staðið. 

 Hvernig væri að skikka þá sem ruddu græðginni braut  til að skila þjóðinni þeim peningum aftur?

„Seljið þið fyrirtækin ykkar í útlöndum og komið með peningana aftur inn í landið“ segir varaformaður Samfylkingarinnar.  Frumleg viðleitni það.

Hvar eru peningarnir sem hafa verið teknir út úr íslensku samfélagi á undaförnum árum og gert Ísland að einu skuldugasta ríki  heims í stærstu hagstjórnarmistökum Íslandssögunnar?

„Það er dónaskapur að spyrja svona spurninga“. Almenningur á bara að þegja, sýna biðlund og  herða sultarólina meðan verið er að bjarga „burðarásunum“, einkavinunum sem eiga nú svo bágt!.

Ríkistjórnin býðst til að veðsetja áfram eigur  þjóðarinnar,  slá  lán fyrir „einkavinina“  og  gefa svo   efnahagslífinu  morfínssprautu með einu  stykki álveri.  Vað það ekki það sem bankastjóri Landsbankans  og Eimskipa var að biðja um í hádegisfréttum í dag?

"Er ekki komið nóg af álverum" sagði Björk. Ég tek undir með henni.