Tvískinnungur Samfylkingarinnar !

Það var athyglisvert að sjá Björgvin G. Sigurðsson ráðherra Samfylkingarinnar taka fyrstu skóflustungu að nýju álveri í Helguvík í dag.

Samtímis boðar „Græna netið, félag jafnaðarmanna um umhverfið, náttúruna og framtíðina“ til skoðunarferðar um háhitasvæðin á Hellisheiði, Hverahlíð og Ölkelduhálsi. Þessi svæði  eiga ásamt nýjum  virkjunum í Þjórsá að sjá álverinu fyrir orku.

Meðan íbúar við Þjórsá leggja nótt við dag til að verjast yfirgangi stjórnvalda og lögleysu Landsvirkjunar, stendur ráðherrann gleiðfættur og gleiðbrosandi á álverskóflunni við Helguvík.

Kannski minnast einhverjir kjósendur,  sem glöptust til að kjósa Samfylkinguna, hástemmdra yfirlýsinga Björgvins og fleiri núverandi  ráðherra þess flokks um stöðvun virkjanaáforma í Þjórsá og verndun háhitasvæðanna á Reykjanesi.

Gömlu farísearnir hefðu ekki slegið ráðherrum Samfylkingarinnar við.