Fylgishrun Sjálfstæðisflokksins!

Ekki þarf að undra þótt fylgi Sjálfstæðisflokksins  hrynji  nú þegar þjóðin stendur frammi fyrir stærstu hagstjórnarmistökum Lýðveldistímans.  500 milljarða lántökuheimild ríkissjóðs segir allt sem segja þarf í þeim efnum.  Ytri skilyrði þjóðarbúsins síðustu  ár  hafa verið með því besta um áratugi  samt hefur viðskiptahallinn  aldrei verið meiri.  500 milljarðarnir ættu að fara í velferðarkerfið og til kjarajöfnunar. En að líkum  fara þeir í ábyrgðir fyrir viðskiptahallanum,  í fóður fyrir fjármálageirann og  fjárfestingasjóðina. Sjálfsstæðisflokkurinn vill jú  rétta hag „máttarstólpanna“ sinna sem  hafa makað krókinn á vinajötu ríkisstjórnarflokkanna, en þykir nú að sér þrengt.  Það rignir á einkaþoturnar!   

Hinsvegar  verður það  almenningur í landinu sem fær reikninginn að venju . Stóriðjustefnan,  lækkun skatta á hátekjufólki  og einkavæðing undanfarinna ára  ætlar að verða þjóðinni dýr.

Stærstu hagstjórnarmistök Íslandssögunnar

Skoðanakannanir sýna að efnahagsstjórn Sjálfstæðisflokksins fær algjöra falleinkunn.       Í Seðlabankanum situr Davíð  Oddsson  bankastjóri sem ásamt  Geir Haarde, forsætisráðherra  bera saman  ábyrgð  á hagstjórnarmistökunum  á undaförnum árum.   Er að furða þótt þjóðin vantreysti Sjálfsstæðisflokknum í efnahagsmálum?

Sjálfsstæðisflokkurinn vill einkavæða heilbrigðiskerfið

Hin ástæðan fyrir fylgishruni Sjálfstæðisflokksins eru áformin um einkavæðingu heilbrigðiskerfisins. Enda lýsti Geir Haarde  því yfir á Valhallarfundi að  með Samfylkingunni  væri hægt að ganga mun  lengra og hraðar í einkvæðingunni,   en áður var hægt með Framsókn.

Almenningur vill hinsvegar hafa öfluga, opinbera heilbrigðisþjónustu og óttast stefnu Sjálfsstæðisflokksins.

Þetta kemur enn sterkar í ljós þegar efnahagástandið er ótryggt og þrengir að kjörum almennings.