Kvenfélagasamband Suður- Þingeyinga ályktar

   

Kvenfélagasamband Suður-Þingeyinga er samband 12 kvenfélaga með nærri 400 félagskonum.

Á aðalfundi sambandsins 2008 var eftirfarandi ályktun samþykkt samhljóða:

 “Aðalfundur Kvenfélagssambands Suður-Þingeyinga haldinn í Ýdölum dagana 18. og 19. apríl 2008, lýsir yfir þungum áhyggjum af fyrirhuguðum innflutnngi á hráu kjöti, samkvæmt frumvarpi um breytingar á matvælalöggjöfinni, mál 524, sem liggur fyrir Alþingi en með því er verið að innleiða matvælalöggjöf Evrópusambandsins. 

Aðalfundurinn telur að slíkur innflutningur muni ekki aðeins skaða innlenda landbúnaðarframleiðsu og veikja varnir gegn smitsjúkdómum í búfé heldur svipta komandi kynslóðir þeim lífsgæðum sem felast í því að eiga greiðan aðgang að þeirri gæða vöru, hreinleika og heilbrigði sem íslenskar landbúðarvörur sannarlega eru. Þá kemur þessi breyting til með að hafa ófyrirsjáanleg áhrif á matvælaiðnaðinn í landinu þar sem hætt er við að fjöldi starfa í greininni gæti lagst niður.

Einnig hefur fundurinn áhyggjur af, að fyrirhugaður innflutningur leiði til skammtíma verðlækkana, en langtíma áhrif geti orðið verðhækkanir og minni vörugæði. 

Afleiðingar þess geti orðið að þeir sem minna hafa milli handanna verði að sætta sig við minni gæði á matvöru sem aftur geti leitt til lakara heilsufars. 

Því skorar aðalfundurinn á alþingismenn að koma í veg fyrir fyrrgreindan innflutning.”                                                           

 Með kveðju,                                         f.h. stjórnar    Kv.S.Þ.                                              Mjöll Matthíasdóttir ritari