Spillingin skekur forystu Sjálfstæðisflokksins.

Flestum var ljóst að þegar Davíð Oddsson hyrfi á braut sem formaður Sjálfstæðisflokksins myndi fljótlega leita upp á yfirborðið hroði sem hefur kraumað undir lengi. Þetta sést nú hvað berlegast hjá forystu Sjálfstæðisflokksins í Reykjavík. 

Ef einn fer þá fjúka fleiri

Spillingarvefurinn hefur vafið svo um sig að verði einn látinn fjúka þá fylgja fleiri á eftir eins og í spilaborg. Eftir átökin milli Björns Bjarnasonar og Ingu Jónu Þórðardóttur  um forystu í borginni var ljóst að Vilhjálmur var aðeins biðleikur.  Hér takast því á meginarmar Sjálfstæðisflokksins sem nú telja að styttist í uppgjör. Skrif Morgunblaðsins undanfarið benda eindregið í þá átt. 

Geta ekki sett Vilhjálm af

Með því að setja Vilhjálm Þ. af og hleypa nýjum forystu manni að væri gripið inn í atburðrás í goggunarröðun forystumanna Sjálfstæðisflokksins sem hvorugur armurinn getur sætt sig við. Mörgum finnst Geir hafa gert afdrifarík mistök í haust þegar hann  sendi borgarfulltrúana heim og skipaði þeim að standa að baki Vilhjálmi.

En átti Geir annarra kosta völ vegna veikrar stöðu sinnar í flokknum?

Sjálfstæðisflokkurinn ekki stjórntækur!

Það er spurning hvenær Geir Haarde vaknar til lífsins og viðurkennir þá staðreynd að Sjálfstæðisflokkurinn í  Reykjavík er ekki stjórntækur.