" Brúðguminn "

Það fór vel saman við pólitíska atburði síðustu daga að sjá bíómyndina Brúðgumann  og sýningu Þjóðleikhússins á Ivanov, eftir Anton Tsjekhof. Ástsýki, blekkingar og sjálfsvorkun í bland við daglegar heimilserjur og grámusku hversdagslífsins, allt var þetta til staðar, tilreitt á listilegan og hrífandi hátt.   

Sviðsmyndin í Þjóðleikhúsinu er nýstárleg og fellur vel að inntaki leiksins.

 Bíómyndin, Brúðguminn, sem byggir á sama efni Tsjekhofs, er tekin upp í Flatey á Breiðafirði .

Náttúran og umgjörðin í Flatey er engu lík og sýningin í senn einlæg og heillandi. Baltasar Kormákur og félagar skila frábæru verki í báðum sýningunum. Gaman er að sjá þessa stórgóðu listamenn okkar fást við sama efnið við gjörólikar aðstæður. 

 Ég hvet sem flesta til að njóta þessarar leikveislu.