Sigur Þjóðveldisflokksins- Til hamingju Færeyingar

 

 

Þjóðveldisflokkurinn, systurflokkur Vinstri grænna er nú stærsti stjórnmálaflokkurinn í Færeyjum  með 23,3 % fylgi  og hefur 8 þingmenn. Hinir stjórnarandstöðuflokkarnir Sjálfstýrisflokkurinn og Miðflokkurinn bættu einnig við sig fylgi.

Ríkisstjórnarflokkarnir töpuðu fylgi þvert á spár.

 

Sjálfstæði og umhverfismál

Þjóðveldisflokkurinn undir forystu Högna Hoydal leggur mikla áherslu á umhverfismál, verndun lífríkisins, og sjálfbæra nýtingu auðlindanna.  Flokkurinn berst fyrir sjálfstæði Færeyja.

Skoðanakönnun sýndi að Högni nýtur mikils stuðnings kjósenda sem næsti lögmaður Færeyja.

 Vinstri græn með formann sinn  Steingrím J. Sigfússon í broddi fylkingar hafa dyggilega stutt við Færeyska sjálfstæðisbaráttu. Högni Hoydal hefur tvívegis verið gestur á landsfundum Vinstrihreyfingarinnar græns framboðs. 

Sjálfstæðisbaráttan og umhverfismálin fá nú aukinn byr í seglin.