Reykjavíkurflugvöllur - Nýr meirihluti - Hvað svo

 Verður nýr meirihluti myndaður um grenitréin, steinkumbaldana í Öskjuhlið og Græna gímaldið í Mjóddinni.

Grenitrjáafarsinn í Öskjuhlíðinni er klár móðgun við landsbyggðina og reyndar landsmenn alla,.

Biðji landsmenn afsökunar

Að mínu mati ætti borgarstjórn Reykjavíkur öll með tölu og fyrrum borgarstjórar að biðjast afsökunar á framferði sínu gagnvart Reykjavíkurflugvelli á síðustu árum og áratugum.

Samgönguráðherrar sem hafa stutt við þessa hatursferð gegn flugvellinum með girðingum og lóðaframsali ættu  einnig að biðjast afsökunnar

Landspitalinn - Flugvöllurinn

Sú ákvörðun að byggja þjóðarsjúkrahúsið  á þeim stað sem nú er var einmitt tekin með tilliti til nálægðar við flugvöllinn. 

Olíutankarnir í Örfirisey - byggingasvæði fyrir 15 þús manns?

Það er nóg annað byggingaland til - bara með góðri tengingu við Kjalarnesið t.d. með Sundabraut.

Tala nú ekki um olíutankana í Örfirisey sem ættu löngu að vera farnir í stað þess að keyra eldsneyti í gegnum  götur Reykjavíkur endilangar

Skipulags slys eða hrein meinfýsni

Makalaust að enn skuli þrefað um nokkur grenitré í Öskjuhlíðinni sem plantað var í grandaleysi fyrir áratugum síðan í þeirri von að þau myndu aldrei vaxa borgarbúum yfir höfuð né heldur  stofna flugöryggi í hættu.

 Stóru nýju blokkunum í Öskjuhlíðinni virðist einmitt hafa verið valinn staður þar til þess að hrekja flugvöllinn burt

Hugarfarið sem birtist hjá einum varborgarfulltrúanum um

" helvítis flugvöllin" spáir ekki góðu frá nýjum meirihluta borgarstjórnar.

Stundum þarf að tala skýrt

Ég minnist þess að erfitt reyndist að fá  ályktað með flugvellinum á landsfundum Vg hér áður því það væru svo miklir hagsmunir í húfi að selja lóðir.

Vorum við samt mörg býsna harðdræg félagar af landsbyggðinni

Mannslíf eða samgöngur við landsbyggðina virtust þar aukatriði

Flugvallarvinir- landsmenn allir  

Það verður vonandi að nýr meirihluti í Reykjavíkurborg láti af hatri á Flugvellinum  og styðji við að endurheimta flugöryggið og þjónustustigið fyrir landsmenn alla

 

Ein flugbraut eftir á Reykjavíkurflugvelli