"Það var Þá"

Sorgleg þátttaka Íslands í Íraksstríðinu.  Tuttugu ár eru liðin frá innrás Bandaríkjanna í Írak með beinum stuðningi " hinna viljugu þjóða " þar á meðal Íslands.

Íraksstríðið var byggt á lygum og blekkingum og leiddi aðeins auknar hörmungar yfir íbúa Íraks sem ekki sést fyrir endann á.

Í stað þess að vera friðflytjendur á vettvangi alþjóðasamfélagsins eru íslensk stjórnvöld enn á ný búin að setja á sig stríðshanskana og geysast fram á vígvöllinn í nafni hinna " viljugu þjóða".

    "Alþingi ályktar að fela ríkisstjórninni að koma þeirri afstöðu á framfæri á vettvangi Sameinuðu þjóðanna og annars staðar þar sem við á að leita skuli allra leiða til að afstýra innrás í Írak, þar á meðal að veita vopnaeftirlitsmönnum Sameinuðu þjóðanna nægan tíma til að ljúka störfum sínum. Komi til hernaðaraðgerða gegn Írak á næstu mánuðum skal Ísland tilkynna að ekki verði heimiluð afnot af aðstöðu á íslensku yfirráðasvæði né verði um neins konar þátttöku að ræða af Íslands hálfu í slíkum aðgerðum."

Þetta hefur verið stefna Íslands og íslensku þjóðarinnar sem vopnlaus og friðelskandi þjóð.

.Við endurheimtum okkar sjálfstæði með orðum, rökræðum og samingum en ekki með blóði eða vopnum