Verða að hindra smit gegnum landamæri

Ísland er eyland og allir möguleikar til að stöðva  coviðveiruna á landamærum.  Nokkuð vel hefur tekist  að framfylgja hertum reglum hér innanlands.

Ef tekst að halda landmærum lokuðum fyrir veirunni og sama árangri í baráttunni hér innanlands gætum við jafnvel haldið  nánast veirulaus jól.

Áttu ekki að vera komin ný tæki til landsins sem gátu greint veiru hjá um eða yfir 10 þúsund manns á dag. Hvers vegna ekki að ganga bara á röðina og gera almennan skurk í einangrun smitaðra? 

Landamærin veiki hlekkurinn 

Hinsvegar berast fréttir af því að sóttvörnum sé ekki framfylgt að fullu  á landamærum. 

  Fólk stærir sig af því að vera án andlitsgrímu í flugvélum, neita sýnatökum og sóttkví og  bjóða öllum byrginn.   Viðkomandi virðist komast upp með þetta átölulaust.

Þetta grefur undan trúverðugleika sóttvarna

Við hin keppumst við að fara sem minnst út úr húsi, hitta sem fæsta vitum af nánum ættingja sem liggur fárveikur. 

Eitt óvænt snertismit getur lagt okkur að velli. 

Okkur er því misboðið með aðgerðaleysi lögreglunnar og sóttvarnaeftirlits .  

Skýra og herða þarf reglur á landamærum

Í mín eyru hefur verið kvartað yfir óskýrum reglum á landamærum hvað smitvarnir varðar. 

  Er tekið veirusýni af börnum og þeim gert skylt að fara í sóttkví milli testa?. 

Sumir halda að hægt sé að láta börnin beint í leikskóla, skóla eða út að leika með öðrum, nýkomnum erlendis frá þótt foreldrar séu í sóttkví. 

Þá er bent á að svokölluð "vinnusóttkví" sé mjög teygjanlegt hugtak og þurfi að skýra og beita eftirfylgni

Það eru enn nokkrir mánuðir í bólusetningu. Góður árangur virðist vera að nást hér innanlands, þótt staðan sé mjög brothæt.

"Þríeykið" er að standa sig vel  "þó svo góðmennskan sé þeirra vandamál" eins og Kári Stefánsson sagði

Þjóðin, einstaklingar  hafa lagt mikið á sig í baráttunni við að halda veirunni í skefjum.

Mistökin sem urðu á landmærunum í sumar eru dýrkeypt,  þegar landamærin voru nánast galopnuð fyrir smiti erlendis frá.

Almenningur er að standa sig frábærlega í sóttvörnum. Sömuleiðis smitrakningateymið og "þríeykið" .

 Stjórnvöld eru veiki hlekkurinn.

Veiki hlekkurinn eru stjórnvöld sjálf. Þar hefur verið eitthvert kjarkleysi í að fylgja eftir stífustu reglum  á landamærunum  sem sóttvarnlkæknir hefur lagt til.

Þannig  hafa  ný smit borist inn í landið.

Brýnt er að  eftirfylgni við farþega sem koma til landsins í sóttkvína sé öruggt og skilvirkt

Viljum veirulaus jól

Mun strangari sóttvarnarreglur gilda nú í löndunum í kring en hjá okkur.  Þetta er hundfúll tími. En við erum að ná árangri og eygjum veirulaus jól. Stöndum saman.