Þegar ljónið slapp úr dýragarðinum

Fyrir mörgum árum heyrði ég Gylfa Þ. Gíslason ráðherra og þáverandi formann Alþýðuflokksins segja söguna af ljóninu sem slapp laust úr dýrgarði og fannst hvergi.

Í stórri byggingu sem hýsti skrifstofur margra prófessora, framkvæmdastjóra, jafnvel hóteleigendur og forystumenn flutningsfyrirtækja og banka. 

Í 14 daga hvarf einn yfirmaður eða millistjórnandi á hverri nóttu en enginn tók eftir því

Allt í einu einn morgunnin varð uppi fótur og fit. 

Ruslaföturnar höfðu ekki verið tæmdar, gólfin ekki skúruð, klósettin ekki þrifin.

Hvað hafði skeð!. Boðað var til neyðarfundar, hvað var að?

Þá uppgötvaðist að ljónið hafði óvart étið eina skúringakonuna (ræstitækninn) þessa nóttina 

Mér var hugsað til þessara sögu þegar ég horfi nú á forystu Eflingar halda fram rétti þess fólks sem kaus hana til forystu og berjast fyrir kjörum sínum og virðingu

Á móti henni gætu staðið  fulltrúar allra þeirra sem ljónið át án þess að nokkur tæki eftir því.

Vissulega erum við öll jafn mikilvæg eða ættum að vera

Mér finnst ég hafi fyrst heyrt þessa sögu um ljónið frá Gylfa Þ. Gíslasyni eða eitthvað í þessum dúr.

Biðst afsökunar ef ekki er rétt með farið. En útlagningin er mín.

Nú var ég ekki alltaf sammála Gylfa Þ. Gíslasyni en fannst sagan góð.

Ég vildi  gjarnan sjá sterka pólitíska forystu á Alþingi sem tekur baráttu láglaunafólks, elli og örorkullifeyrisþega  sér á brjóst. 

- Pólitíska forystu sem stendur með láglaunafólki og berst fyrir rauverulegri  jöfnun lifskjara alls samfélagsins  í stað þess með froðusnakki að heimta  fyrir hina ríku svo þeir geti kynnt græðgis ofninn sinn og orðið enn ríkari.

 

 

 

 

 

 

Stöðugleiki hinna ríku - Skefjalausar verðhækkanir

Framkvæmdastjóri S A og formaður samninganefndar atvinnurekenda þarf heldur betur að taka til í eigin ranni samanber meðf greinargerð hagfræðings BHM.

Misskipting tekjuauka þjóðfélagsins hefur sjaldnast verið meiri

Hinn bratti frmkvæmdastjóri SA hlýtur að kalla saman sitt lið og heimta skýringar á skefjalausum verðhækkunum og óhóflegri gróðasöfnun margra umbjóðenda hans á kostnað almennings.

 

" Þjóðhagsráð" á Spjallfundi ?

Kannski ætti hinn sjálfumglaði ríkissáttasemjari og ég tala nú ekki um hið merka "þjóðhagsráð" að láta ofurhagnað og órökstuddar gríðarlegar hækkanir verðlags til sín taka.

Norska ríkisstjórnin er nú að kalla þessa gróðafursta á teppið

Það þýðir lítið að hrópa niðrandi til Eflingar og halda að það bæti erfiða stöðu umönnunar og heilbrigðisgeirans sem nú sendir út neyðarkall.

Hagnaður og eigin arður fyrirtækja síðustu tvö ár hefur sjaldan eða aldrei verið meiri.

Húsaleiga hækkar og hækkar eins og enginn sé morgundagurinn. Leigufélögum er orðvant til þess að lýsa gróðanum sínum enda aldrei spurð hversvegna.

Ábygglega ekki á hinum merku spjallfundum "þjóðhagsráðs"

Þjónustgjöld, tryggingar, raforka osfrv í línulegri hækkun.

Allt kyndir þetta verðbólguna.

 

Hinir ríku verða ríkari

Nú þegar kemur í ljós hverrnig tekjuauki þjóðarbúsins hefur skipst á þegna landsins síðustu tvö ár

Hinir ríku verða hlutfallslega ríkara og hlutur hinna dregst saman.

Er þetta sá "stöðugleiki" sem verið er að kalla eftir?

Manneklan á sjúkrahúsum, öldrunar og hjúkrunarheimilum , leikskólum, já öllum ummönnunarstofnum segja bara eitt.

Launin eru hlutfallslega alltof lág.

 

Framkvæmdastjóri SA ætti að taka sitt lið á beinið

Framkvæmdastjóri SA og hans lið á annað verk fyrir höndum .

Í stað þess að hamast og reyna að niðurlægja forystu Eflingar sem berst fyrir bættum kjörum síns fólks og þjónustu okkar og sinnir leikskólabörnum jafnt ríkra sem fátækra.,

--Ekki til þess að skara eld að eigin köku eins og margir félagar framkvæmdastjórans

Framkvæmdastjóri SA og hans lið ætti að líta í hinn samfélagslega barm umbjóðenda sinna og gróðann sem þeir nú kynna

Markmið Eflingar er að áðurnefndar umönnunarstofnanir séu fullmannaðar vellaunuðu starfsfólki og til þess þarf að bæta hlutfallsleg kjör þeirra sem þar vinna.

 

Og fyrir því berst Efling sem og önnur samtök launafólks í landinu

"Samkvæmt áætlun BHM jókst samanlagður rekstrarhagnaður fyrirtækja um 60% á árunum 2018-2022 á sama tíma og verðlag hækkaði um 20%. Rekstrarhagnaður fyrirtækja árin 2021 og 2022 er sá mesti á öldinni, hvort sem litið er til hagnaðar á föstu verðlagi eða í hlutfalli við landsframleiðslu. Vísbendingar eru um að aukinn hagnað megi að hluta skýra með hækkandi álagningu á verðbólgutímum. Hætt er við að launahækkanir verði notaðar sem tylliástæða fyrir verðhækkanir á næstunni,“ skrifar Vilhjálmur Hilmarsson hagfræðingur BHM á vef samtakana.

Samkvæmt mati BHM verður samanlagður rekstrarhagnaður fyrirtækja fyrir afskriftir (EBIDTA) tæplega 900 milljarðar króna á árinu 2022 samanborið við 840 milljarða króna á metárinu 2021. Rekstrarhagnaður á árunum 2021 og 2022 eru þær hæstu á öldinni, hvort sem litið er til hagnaðar á föstu verðlagi eða í hlutfalli við landsframleiðslu. Gangi spá bandalagsins fyrir árið 2022 eftir nemur hagnaðaraukningin tæplega 60% á tímabili lífskjarasamningsins 2018-2022. Á sama tíma hækkaði verðlag um 20% og launavísitalan hækkaði um 30%, eða um helming á við hagnaðaraukningu fyrirtækja.

Heimild: Hagstofan og eigin útreikningar. Tölur fyrir árin 2002-2021 eru rauntölur skv. rekstrarreikningum fyrirtækja í viðskiptahagkerfinu. Áætlun á rekstrarhagnaði fyrir árið 2022 byggir á rauntölum um veltu, vinnumagn, launa- og verðlagsþróun á fyrstu þremur ársfjórðungum ársins 2022. Fyrningar, annar rekstrarkostnaður og vöru-og hráefniskaup eru áætluð í hlutfalli við veltu með hliðsjón af hlutfallstölum fyrri ára. Óvissan í matinu felst að mestu í áhrifum verðbólgu á kostnaðarliði utan launakostnaðar og endurspeglast í mun á milli lág- og háspár.

Fordæmalaust góðæri í verslun

Hagnaður eftir fjármagnsliði, afskriftir og tekjuskatt tvöfaldaðist í heild- og smásöluverslun á árunum 2018-2021. Var hann rúmlega 80 milljarðar króna alls á árinu 2021 samanborið við rúmlega 40 milljarða árið 2018. Nam hagnaðurinn 2,6% af landsframleiðslu samanborið við 1,3% af landsframleiðslu á árinu 2018. Vísbendingar eru um að hagnaðurinn hafi aukist enn frekar á árinu 2022.

Vísitala hagnaðar skýst fram úr launavísitölunni

Rekstrarhagnaður fyrirtækja á hverja vinnustund (vísitala hagnaðar) jókst um 44% á einkamarkaði á árunum 2018-2021. Á sama tíma hækkaði vísitala heildarlauna, sem sýnir greidd laun á vinnustund um 19%. Áhugavert er hversu mikill munur er á hagnaðarvísitölunni og launavísitölunni í heild- og smásöluverslun og fjármála-og vátryggingastarfsemi. Vísitala heildarlauna í fjármála- og vátryggingastarfsemi hækkaði m.a. aðeins um 9% meðan vísitala hagnaðar hækkaði um 45%. Mikill ójöfnuður hefur skapast milli launafólks og fyrirtækjaeigenda í mörgum þeim atvinnugreinum sem krefjast sérfræðiþekkingar á Íslandi.

Þessi mikli munur milli hagnaðaraukningar og launahækkana hefur gert að verkum að hlutdeild fyrirtækjaeigenda í verðmætasköpun hagkerfisins jókst töluvert á tímabilinu 2018-2021. Enn á eftir að gefa út framleiðsluuppgjör fyrir árið 2022 en líklegt er að hlutur fyrirtækjaeigenda hafi aukist enn frekar á árinu 2022.

Fyrirtækin auka álagningu sína á verðbólgutímum

Hlutfall rekstrarhagnaðar af tekjum fyrirtækja gefur hugmynd um álagningu þeirra á heildarkostnað. Mældist það 17% á einkamarkaði á árinu 2021 sem er það hæsta á öldinni. Áhugavert er að hagnaðarhlutfallið hefur aldrei hækkað eins skarpt á milli ára eins og milli áranna 2020 og 2021. Er þetta í samræmi við þróunina í öðrum löndum og gefur til kynna að fyrirtæki landsins hafi aukið meðalálagningu á heildarkostnað milli ára og velt kostnaðarhækkunum út í verðlag. Samkvæmt mati BHM hélst hlutfallið áfram hátt á árinu 2022 á sama tíma og verðbólga jókst í hagkerfinu. Ákall markaðarins um jafna eða aukna arðsemi á næstu misserum, skert verðvitund og fákeppni gætu gert að verkum að verðbólgan á næstu misserum verði hagnaðardrifin í enn meiri mæli en nú er.

Er verslunin að græða óhóflega á kostnað neytenda?

Áhugavert er hversu mikið hagnaðarhlutfallið (EBIDTA/tekjur) hefur hækkað í verslun á kjarasamningstímabilinu. Bendir þetta til að meðalálagning sé að aukast. Er þetta bersýnilegt í eldsneytissölu en hlutur olíufélaganna í hverjum seldum bensínlítra nær tvöfaldaðist frá júní 2022 til desember 2022. Olíufélögin hafa því ekki skilað lækkun heimsmarkaðsverðs til neytenda.

Launahækkanir aðeins fjórðungsástæða til verðhækkana?

Mikið hefur verið fjallað um áhrif launakostnaðar á verðmyndun á Íslandi. Ef rýnt er í rekstrarreikninga fyrirtækja sést þó að launakostnaður er aðeins um fjórðungur kostnaðar fyrirtækja að meðaltali. Bilið er þó nokkuð breitt eða frá 9% af kostnaði í framleiðslu málma upp í 78% af kostnaði í atvinnumiðlun. Á mynd að neðan eru sýnd nokkur dæmi. Áhugavert er að launakostnaður er aðeins um 15% af kostnaði í smásöluverslun, að meðaltali. Hætt er þó við að launahækkanir verði notaðar sem tylliástæða fyrir verðhækkanir á næstunni.

Vilhjálmur Hilmarsson hagfræðingur skrifaði þessa grein á vef BHM."

Enn hert að Palestínumönnum

Ísland hefur viðurkennt  fullveldi Palestínu.  Jafnframt höfum við stutt ályktun Sameinuðuþjóðanna um að landtökur Ísraelsmanna á Palestínsku landi séu ólöglegar. Nú er komin ný ríkisstjórn í Israel sem ætlar að herða enn  meir að Palestínumönnum 

Ísland situr hjá um rétt Palestínu hjá Sameinuðuþjóðunum

 "Degi eftir að ný ríkisstjórn tók við völdum í Ísrael samþykkti allsherjarþing Sþ að fela Alþjóðadómstólnum í Haag að meta lögmæti hernáms Ísraelsríkis á Vesturbakkanum. Síðan þá hefur stjórnin gripið til refsiaðgerða og nú síðast fánabanns.Arnar Þór Ingólfsson 10. janúar 2023 ( Kjarninn 10. jan)

 

Palestínski fáninn á lofti í mótmælum í Reykjavík. Ísraelskri lögreglu hefur nú verið fyrirskipað að rífa fánann niður á almannafæri.

  BÁRA HULD BECK.

Ita­mar Ben-G­vir, þjóðar­ör­ygg­is­ráð­herra í nýrri rík­is­stjórn Ísra­els, hefur ákveðið að banna notkun palest­ínska fán­ans á almanna­færi og fela lög­reglu að fylgja því banni eft­ir. Þessi ákvörðun ráð­herr­ans, harð­línu­manns yst á hægri kant­inum í ísra­elskum stjórn­mál­um, var kynnt í fyrra­dag.

Þetta fána­bann bæt­ist við fleiri aðgerðir nýrrar rík­is­stjórnar Ísra­els sem beinst hafa gegn Palest­ínu­mönnum núna í upp­hafi árs­ins, en aðgerð­irnar eru and­svar við því að full­trúum Palest­ínu­ríkis tókst að fá sam­þykkta þings­á­­lykt­un­­ar­til­lögu á alls­herj­ar­þingi Sam­ein­uðu þjóð­anna í des­em­ber, sem fól meðal ann­­ars í sér að Alþjóða­­dóm­­stóll­inn í Haag verður feng­inn til að veita ráð­­gef­andi álit á lög­­­mæti her­­náms Ísra­els­­ríkis á land­­svæðum Palest­ín­u­­manna.

Nið­ur­staðan lá fyrir á alls­herj­ar­þing­inu 30. des­em­ber, og var nokkuð afger­andi, en 87 ríki sam­þykktu mál­ið, 26 greiddu atkvæði gegn því, 53 sátu hjá (Ísland þeirra á meðal) og 27 ríki tóku ekki þátt í atkvæða­greiðsl­unni. Í fyrri atkvæða­greiðslu á vett­vangi fjórðu nefndar alls­herj­ar­þings­ins Sam­ein­uðu þjóð­anna í nóv­em­ber­mán­uði var til­lagan sam­þykkt með 98 atkvæðum gegn 17 mót­at­kvæð­um, en 52 ríki sátu hjá.

Net­anjahú hefur boðað að jafn­virði 5,6 millj­arða íslenskra króna af skatt­tekjum sem renna áttu til palest­ínsku heima­stjórn­ar­inn­ar, en Ísra­els­ríki inn­heimtir, yrðu teknar og nýttar til þess að greiða miska­bætur til fjöl­skyldna ísra­el­skra borg­ara sem fallið hefðu í árásum Palest­ínu­manna.

Frek­ari áform eru svo uppi um að halda eftir skatt­tekjum sem inn­heimtar eru fyrir hönd palest­ínsku heima­stjórn­ar­inn­ar, auk þess sem ákveðið hefur verið að allar bygg­ing­ar­fram­kvæmdir Palest­ínu­manna á svoköll­uðu svæði C á hernumdum Vest­ur­bakk­anum verði settar á ís.

Á sama tíma hyggst ný rík­is­stjórn, sem hefur verið lýst sem mestu harð­línu­stjórn Ísra­els­ríkis í sög­unni, beita sér fyrir áfram­hald­andi aukn­ingu land­nema­byggða á Vest­ur­bakk­an­um, en nú þegar búa hund­ruð þús­unda Ísra­els­manna í slíkum byggðum í trássi við alþjóða­lög.

Nú hefur þjóðar­ör­ygg­is­ráð­herr­ann svo boð­að, sem fyrr seg­ir, að lög­regla skuli gera palest­ínska fána upp­tæka ef þeir sjást á almanna­færi. Það hefur ekki verið almenn stefna yfir­valda í Ísr­ael allt frá árinu 1993, er stjórn­völd í Ísr­ael hættu að álíta Frels­is­hreyf­ingu Palest­ínu­manna (PLO) sem hryðju­verka­sam­tök í kjöl­far þess að sam­komu­lag um Ósló-­yf­ir­lýs­ing­una var und­ir­rit­að.

En nú hefur lög­regl­unni bein­línis verið falið að fjar­lægja fán­ann ef til hans sést á almanna­færi, og það á þeim grund­velli að palest­ínski fán­inn sé mynd­merki hryðju­verka­sam­taka, sam­kvæmt yfir­lýs­ingu þjóðar­ör­ygg­is­ráð­herr­ans Ben-G­v­ir."

Ísland á að standa með rétti Palestínu

Ég heimsótti Palestínu fyrir nokkrum árum og það var mjög sár lífsreynsla að sjá hvernig heil þjóð er kúguð og hernumin í sínu eigin  landi.

 

Uppgjör Samfylkingar við fortíðina

 

Samfylkingin mun ekki selja ESB sem töfralausn undir forystu Kristrúnar.

 

Ræða Kristrúnar var einskonar uppgjör við forystu Samfylkingarinnar undir formennsku Jóhönnu Sigurðardóttur 2009- 2013 

 

"Kristrún Frostadóttir, formaður Samfylkingarinnar – jafn­að­ar­flokks Íslands, segir flokkinn ætla að breyta pólitíkinni og stunda skýra og heiðarlega pólitík.

  

Sam­fylk­ingin mun ekki setja aðild að Evr­ópu­sam­band­inu fram sem for­gangs­mál nema að und­an­gengnu víð­tæku sam­tali og upp­færðri rann­sókn á kostum og göllum aðild­ar. For­gangs­mál flokks­ins er að end­ur­reisa vel­ferð­ar­kerfið og sam­eina fólk með jafn­að­ar­taug.

Þetta er meðal þess sem fram kom í stefnu­ræðu Kristrúnar Frosta­dótt­ur, nýkjör­ins for­manns Sam­fylk­ing­ar­innar, á lands­fundi flokks­ins sem fram fer um helg­ina.

Löðrungar Jóhönnustjórnina  -  lofar sjálf heiðarleika

Hér löðrungar Kristrún, nýr formaður Samfylkingarinnar forvera sína og ESB sinnana í ríkisstjórn Jóhönnu Sigurðardóttur sem sótti um inngöngu í ESB með aðild VG, þvert á stefnu og kosningaloforð þess flokks:

"Allt leysist með inngöngu í ESB" voru kjörorð formanna Samfylkingar og VG í rikisstjórn Jóhönnu 2009.

Hvenær ætli að VG hafi þrek til þess að taka sama uppgjör innan sinna raða, játa mistökin og fara aftur í kjarnann sem hreyfingin var stofnuð um. 

"Ofurá­hersla á kjarna­mál jafn­að­ar­manna"

Breyt­ing­arnar, sem Kristrún tal­aði fyrir snú­ast um að fara aftur í kjarn­ann með því að leggja ofurá­herslu á kjarna­mál jafn­að­ar­manna, það er hús­næð­is­mál, heil­brigð­is­mál, sam­göng­ur, góða atvinnu og kjör fólks.

Sam­fylk­ingin mun ekki reyna að selja fólki Evr­ópu­sam­bandið sem töfra­lausn undir for­ystu Kristrún­ar.

„Enda er það ekki töfra­lausn.

En það er löngu kom­inn tími til, að hennar mati, að upp­færa og end­ur­nýja umræð­una um kosti og galla aðildar að Evr­ópu­sam­band­inu,

"það gangi ekki að þylja upp tveggja ára­tuga gömul rök sem byggja á kynn­ingu sem flokk­ur­inn stóð fyrir skömmu eftir alda­mót".

„Og þess vegna segi ég það hér: Sam­fylk­ingin mun ekki setja fulla aðild að Evr­ópu­sam­band­inu fram sem for­gangs­mál nema að und­an­gengnu víð­tæku sam­tali og upp­færðri yfir­ferð og rann­sókn á kostum og göllum aðild­ar.“

“Það sama á við um stjórn­ar­skrána".

Kristrún sagði kröf­una um allt eða ekki neitt í stjórn­ar­skrár­málum ekki hafa skilað árangri.

Breyta þurfi um nálgun og við­ur­kenna að breyt­ingar á stjórn­ar­skrá munu kalla á mála­miðl­anir og breitt sam­starf flokka á þingi.

„Nú hefur málið verið algjör­lega stopp í tíu ár.

Hvernig getum við kom­ist eitt­hvað áfram? Við étum ekki fíl­inn í einum bita — það ætti að vera orðið ljóst að það er ekki raun­hæft.“

Lofar heiðarleika í stjórnmálum

ESB umsóknin og  "nýja" stjórnarskráin - hvorutveggja rekið áfram af miklum óheiðarleika 2008- 2013 voru hrein skemmdar verk og svik sem vonandi verða ekki endurtekin. 

"Við lofum skýrri stefnu og heiðarleika" voru orð nýs formanns Samfylkingarinnar og til hamingju með þá yfirlýsingu og nýjan formann, Kristrúnu Frostadóttur  

 

Gæfa Íslands utan ESB

Það eru engar varanlegar undanþágur til í orðabók ESB 

Nú eru liðin þrettán ár síðan alþingi Íslendinga samþykkti illu heilli  að sækja um aðild að Evrópusambandinu vorið 2009.

Umsóknin var samþykkt naumlega og sumir þingmenn sem álpuðust til þess að greiða henni atkvæði þá eftir miklar hótanir  sögðust vera því mótfallin og það stríddi gegn samvisku þeirra. 

Sú hin sama "samviska" var samt lögð til hliðar við atkvæðagreiðsluna. 

Umsókn Íslands var algjörlega á forsendum Evrópusambandsins  enda ekki annað í boði af ESB hálfu.

Stjórnarskrárbrot 2009 ?

ESB umsóknin og afgreiðsla þingsins vorið 2009 var að margra dómi stjórnarskrár brot. Því umsóknin var fyrirvaralaus og skuldbindandi og með henni framselt vald og fullveldi sem alþingi hafði ekki heimild til. 

Þeir stjórnmálamenn sem börðust fyrir inngöngu í ESB vorið 2009  sviku margir kjósendur sína, stefnur og kosningaloforð.

Því var. m.a.  haldið fram að hægt væri að semja um tiltekna  bita í "samningum" og fá varanlegar undanþágur í einstaka málaflokkum.

Þingmenn áttu svo sem að vita betur. Slíkt er ekki í boði  alls ekki heimilt í grunnsáttmála ESB. 

Öll slík ákvæði voru felld út úr orðabókinni þegar ESB hóf stækkununarferilinn til Austur- Evrópu. 

 Fullkomnum blekkingum var  haldið að þjóðinni:

Að við gætum valið úr og kosið um einstaka þætti. eða eins og stækkunarstjóri ESB sagði:

  „there are no permanent derogations from the EU archive, sjá https://m.youtube.com/watch?v=0O4fkcYwpu8. 

Neitaði sem ráðherra að framselja fiskimiðin til Brussel

Viðræður um aðlögun íslensks regluverks og stjórnsýslu að Evrópusambandinu sigldu í strand haustið 2011 þegar ég sem sjávarútvegsráðgherra NEITAÐI  að samþykkja afsal á forrræði fiskimiðanna til ESB.

Né heldur samþykkti ég að leggja íslenskan landbúnað undir stjórn og forræði framkvæmdastjórnarinnar í Brüssel.  

ESB neitaði þá að opna á viðræður á kaflann um sjávarútveg  fyrr en Íslendingar hefðu samþykkt að forræði fiskimiðanna færi óskorað  til Brussel eins og umsóknin kvað á um. 

 Ég sagði þeim í Brüssel að það yrði aldrei gert meðan ég væri ráðherra málaflokksins.  "Til hvers voruð þið þá að sækja um" spurði kommissararnir hjá ESB. Og þeim var vorkunn  

"Slíkur fyrirvari væri ekki í umsókninni". Ég sem sjávarútvegsráðherra stóð fast á rétti Íslendinga og ESB umsóknin stöðvaðist og fór í uppnám síðla árs 2011. 

Aðlögunarviðræðurnar runnu endanlega út í sandinn á árunum 2012 – 2013 þegar utanríkisráðherra Samfylkingarinnar gafst upp og lýsti því yfir " að formlegt og ótímabundið hlé yrði gert á aðlögunarviðræðunum". 

Ísland var síðan tekið af lista yfir umsóknarríki um aðild að ESB á árinu 2015. 

ESB umsóknin 2009 - ein stærstu pólitísku svik síðari áratuga

Formenn ríkisstjórnarflokka Samfylkingar og Vinstri grænna á þeim tíma  sem svikust að þjóðinni og blekktu  með fyrirvaralausri umsókn um inngöngu í ESB, hrökkluðust bæði frá formennsku í sínum flokkum árið 2013 við lítinn orðstí.

  Flokkarnir sem stóðu að ESB-umsókninni 2009 misstu trúverðugleika sem þeir hafa ekki náð að vinna upp.

Samfylkingin veltir fyrir sér að skipta um nafn til þess að breiða yfir hrakfarirnar frá ESB umsóknartímanum 2009 - 2013, allar götur til dagsins í dag.

 Ný ESB  vegferð  á sömu fölsku forsendum.

Fram er komin tillaga til þingsályktunar á alþingi um þjóðaratkvæðagreiðslu um framhald viðræðna við Evrópusambandið á grundvelli umsóknarinnar frá 2009.

ESB flokkarnir virðast lítið hafa lært 

Það er sorglegt að formenn stjórnmálaflokka á alþingi séu enn svo illa að sér um skilyrði og gang umsóknar og aðildarviðræðan við ESB eins og þingsályktunartillaga þeirra vitnar um. 

Það liggur allt fyrir í inngönguskilyrðum ESB. Um  varanaleg frávik eða undanþágur  frá þeim skilyrðum verður ekki samið. 

Að bjóða þjóðinni upp á nýjan  Blekkingarleik um að þar sé hægt að velja úr og hafna öðru er í rauninni vítavert af ábyrgum aðilum

Eina spurningin sem hægt er að spyrja þjóðina um er :

"Vilt þú að Ísland gangi í Evrópusambandið eða ekki" ?

Bárum gæfu til að stöðva ESB umsóknina 

Vonandi að flutningsmenn þessarar nýju þingsályktunartillögu að ESB aðild kynni sér betur og lesi grunnsáttmála ESB og þau ófrávíkjanlegu skilyrði sem Evrópusambandið setur.

Ísland á ekkert erindi inn í ESB og engin ástæða til  þess að iðka þar "bjölluat".

"Þorskurinn lepur strauma"

    Breytinga er ekki að vænta um stjórn fiskveiða eða  aðgerða gegn samþjöppun í sjávarútvegi, eða

fiskeldi  næstu þrjú árin samkv. frétt á Vísi 24.ágúst sl: 

"Matvælaráðuneytið gerir ráð fyrir að það taki þrjú ár að koma með fullbúin frumvörp til Alþingis um breytingar á stjórn fiskveiða og um fiskeldi". 

Síðan kemur kosningaár !.

Öll þau gögn sem til þarf eru nú þegar fyrir hendi í ráðuneytinu það ég best veit.

Pólitískt mál 

Breytingar á lögum um stjórn fiskveiða, umgjörð  veiða og vinnslu, gjaldheimta og annað er varða meðferð og nýtingu sjávarauðlindarinnar er pólitískt mál. 

Það þýðir að það þarf líka pólitiskan vilja, stefnu og þor til þess að breyta þeirri löggjöf.

Fiskveiðilöggjöfin er skýr

 1. gr.
 Nytjastofnar á Íslandsmiðum eru sameign íslensku þjóðarinnar.

Markmið laga þessara er að stuðla að verndun og hagkvæmri nýtingu þeirra og tryggja með því trausta atvinnu og byggð í landinu.

Úthlutun veiðiheimilda samkvæmt lögum þessum myndar ekki eignarrétt eða óafturkallanlegt forræði einstakra aðila yfir veiðiheimildum".

 Sátt um að gera ekki neitt ? 

"Matvælaráðuneytið gerir ráð fyrir að það taki þrjú ár að koma með fullbúin frumvörp til Alþingis um breytingar á stjórn fiskveiða og um fiskeldi. 

Matvælaráðherra skipaði fjóra starfshópa sl. vor meðal annars til að skoða með hvaða hætti mætti endurskoða fiskveiðilöggjöfina.

Það var gert því fullreynt þótti að hægt væri að ná einhverri sátt um breytingar á löggjöfinni". ( visir 24. 08)

Þekkt leikrit

Ég minnist þess sem sjávarútvegsráðherra 2009- 2013 að sama var uppi á teningnum. 

Eftir stórsigur Vinstri Grænna vorið 2009 með nærri 22 % atkvæða vildi ég fylgja eftir stefnu flokksins í sjávarútvegsmálum.

Sigur VG þá fólst í að hrinda í framkvæmd loforðum um grundvallar breytingar m.a. á stjórn fiskveiða

  Nákvæmlega sama gerðist þá og eins og nú:

Formenn ríkisstjórnarflokkanna Vg og Samfylkingar  höfðu vorið 2009 skrifað upp á samkomulag við LÍÚ nú SFS um  að engar breytingar yrðu gerðar á fiskveiðistjórn næstu árin.

Átti það að gilda meðan "stöðugleikasamningur " væri í gildi og svo kölluð "Guðbjartsnefnd"  væri að störfum.( Ö.J. Rauði þráðurinn)

Þessi stöðugleika samningur var aldrei samþykktur í ríkisstjórn,

Enda vorum við kosin til þess að breyta en ekki að tryggja að allt færi í sama spillingarfarið á ný.

Ég sem sjávarútvegsráðherra skrifaði ekki uppá þau loforð við LÍÚ

"Guðbjartsnefndin" var mjög fjölmenn og átti að "ná sáttum" um stjórn fiskveiða.

Auðvitað náði hún engum sáttum enda er þetta pólitískt mál.

Nefndin hinsvegar tafði helstu breytingar sem ætlunin var að ráðast í eins og  flokkarnir höfðu lofað fyrir kosningar.

Sama virðist uppi á teningnum nú.

Sjávarútvegsráðherra hefur nú skipað fjölmenna nefnd með undirhópum sem á að ná "sátt" um fiskveiðistjórnunarkerfið.

Nefndin virðist gefa sér 3 ár

Formenn ríkisstjórnarflokkanna hafa örugglega lagt þær línur fyrir ráðherrann. 

Enda margar sömu persónur og leikendur við ríkisstjórnarborðið nú og á þingi 2009 

Með nefndinni í ráðuneytinu  starfar m.a. fyrrverandi framkvæmdastjóri LÍÚ svo allt er nú í öruggum höndum.

"Stöðugleiki" og "samþjöppun"  sem ekki má rugga.

"Stöðugleika" sem felst í því að útgerðin, nýting fiskveiðiauðlindarinnar safnast á æ færri hendur.

  Handhafar "kvótans" sölsa undir sig nýjar lendur í auðlindum landsins. 

Einstaklingar raka saman auð sem aldrei fyrr,  upphæðir sem við venjulegt fólk berum ekkert skynbragð á. 

Í nafni "stöðugleikans" verður sú græðgisvæðing og samþjöppun að fá að halda ótrauð áfram.

Og því er rétta að skipa stóra nefnd.

Fyrsta verk núverandi sjávarútvegsráðherra var einmitt að setja fleiri fisktegundir i "kvótkerfið".

Aðgerð sem gekk þvert á gömlu grunnstefnu VG í fiskveiðistjórn eins og einn þingmaður flokksins benti á og hann gat ekki stutt.

"Þá er ég svo þankalaus"

Um þessa "pólitísku drauma"  dettur mér í hug vísa  Sigurðar Breiðfjörð:

" Þegar ég ráfa og hengi haus 

þið haldið það skáldadrauma

En þá er ég svo þankalaus

sem þorskur er lepur strauma"

 

Kolefnisjöfnun og skógrækt á villigötum

Það er eitthvað meiriháttar galið á ferð hjá íslenskri þjóð,  þegar tveir öflugustu náttúrverndarmenn síðustu áratuga hrópa íslenskri náttúru til varnar.

Í skjóli umræðu um loftslagsvá og kolefnisjöfnun eru unnin stórfelld hervirki á íslenskri náttúru. 

Náttúruvernd er munaðarlaus

í íslenskri stjórnsýslu  segja þessir tveir af öflugustu náttúrverndarmönnum síðustu áratuga í meðfylgjandi grein sem birtist í Kjarnanum

Hernaður Skógræktarinnar gegn náttúru Íslands

„Það hefur enginn gefið Skógræktinni umboð til þess að umbreyta náttúru Íslands með þeim afgerandi hætti sem raun ber vitni,“ skrifa Sveinn Runólfsson og Andrés Arnalds. Í vinnubrögðum sé kolefnisjöfnun megindrifkrafur en ekki umhverfisvernd.

Sveinn Runólfsson og Andrés Arnalds 18. ágúst 2022

 

 Styrkja

 

Með vax­andi umsvifum Skóg­rækt­ar­innar virð­ist hafa losnað um ýmsar hömlur í vinnu­brögðum og stór­virkum tækjum óspart beitt til að brjóta við­kvæmt land til gróð­ur­setn­ing­ar. Hvert óhæfu­verkið á eftir öðru er að koma í ljós. Þessi hern­aður gegn land­inu er að mestu kost­aður af almanna­fé, en einnig fyr­ir­tækjum og ein­stak­lingum innan lands sem utan. Kolefn­is­jöfnun er þar meg­in­drif­kraftur en umhverf­is­vernd ekki í hávegum höfð.

For­kast­an­leg vinnu­brögð

Land­spjöll vegna meintra ólög­legra fram­kvæmda við skóg­rækt í Skorra­dal eru gott dæmi um vinnu­brögð­in. Slóði var lagður inn á við­kvæmt land í 300-370 m hæð án þess að fram­kvæmda­leyfi væri til stað­ar. Mólendi, mýrar og flói síðan rist í sundur til að auð­velda gróð­ur­setn­ingu og auka lifun ung­plantna. Jarð­vinnslan ræsir fram vot­lendið og hætt er við vatns­rofi þar sem landi hall­ar. Planta átti aðal­lega birki en við­kom­andi sveit­ar­fé­lag mót­mælti yfir­gangi Skóg­rækt­ar­inn­ar.

 Erlendir aðilar kost­uðu þessi land­spjöll, en þeim hafði verið talin trú um að trén sem planta átti myndu binda mikið kolefni. Raskið verður hins vegar til þess að kolefni berst út í and­rúms­loftið vegna rotn­unar líf­ræns efnis í gróðri og jarð­vegi, en kolefn­is­bind­ing færi afar hægt af stað. Verk­efnið hefði því skilað litlu til kolefn­is­jöfn­unar næstu árin.

Rang­ár­vellir

Á Rang­ár­völlum hafa merki­leg gróð­ur­lendi verið grædd upp og dafnað á þeim 115 árum sem liðin eru frá því bar­áttan við sand­fok, upp­blástur og eyð­ingu byggða hófst þar. Þarna var komið mólendi, góð berja­lönd og mik­il­vægir varp­staðir mófugla, en fyrir svæð­inu lá að breyt­ast smá saman í kjarr­lendi með birki og víði.

 

Hér eru lögmál gróður- og jarðvegsverndar þverbrotin og fyrstu árin verður losun kolefnis meiri en binding. Mynd: Borgþór Magnússon 

Í sumar réð­ist Skóg­ræktin til atlögu við þá und­ir­stöðu fyrir end­ur­heimt vist­kerfa sem búið var að kosta miklu til að skapa á löngum tíma. Rifin voru svöðu­sár í landið með stór­virkum tækj­um. Við­kvæm jörð er undir og því er hætta á víxl­verkun vatns­rofs og sand­foks og upp­blást­urs.

Hvað í ósköp­unum gengur þeim til, sem fram­kvæma þennan hernað gegn land­inu? Til þess að bæta gráu ofan á svart hefur verið plantað þarna stafa­f­uru sem mun í kjöl­farið sá sér víða um nágrennið og leggja undir sig þau gróð­ur­lendi sem fyrir eru. Sér í lagi er ámæl­is­vert að ekki hefur verið óskað eftir fram­kvæmda­leyfi frá hlut­að­eig­andi sveit­ar­fé­lagi eins og skylt er þegar um er að ræða svo umfangs­mikla breyt­ingu á ásýnd lands­ins.

Mun­að­ar­laus nátt­úru­vernd

Það hefur eng­inn gefið Skóg­rækt­inni umboð til þess að umbreyta nátt­úru Íslands með þeim afger­andi hætti sem raun ber vitni. Við skorum á sveit­ar­stjórnir að vera vel á verði gagn­vart slíkum fram­kvæmdum og stöðva þær taf­ar­laust ef ekki hefur verið fylgt lögum og regl­um.

 

Gróðursetja átti birki í þetta votlendi sem er í meira en 300 m hæð. Mynd: Sigurður H. Magnússon

 

Þessi umhverf­isógn stafar meðal ann­ars af veikum lag­ara­mma og hve óljóst það er hver fer með vernd vist­kerfa, lands­lags og líf­fræði­legrar fjöl­breytni utan frið­lýstra svæða, eða á um 80% lands­ins. Við skorum á ráð­herra umhverf­is­mála að bæta þar úr og ráð­herra mat­væla að setja Skóg­rækt­inni eðli­legar skorður í sínum störf­um.

Jafn­framt viljum við hvetja fólk til þess að standa vörð um nátt­úru Íslands og þá sér­stæðu feg­urð sem íslenskt lands­lag býr yfir.

Höf­undar eru Sveinn Run­ólfs­son, fyrr­ver­andi land­græðslu­stjóri og Andrés Arn­alds, fyrr­ver­andi fag­mála­stjóri Land­græðslu rík­is­ins. 

Hrægammasjóðir - Míla - þjóðaröryggið

 Ætti ekki frekar að spyrja  þjóðina hvort hún vilji að að Grunnnet fjarskipta landsmanna sée kastað fyrir  erlenda "hrægammasjóði"

Hrægammar- Aþjóðlegir hrægammasjóðir 

  Keppinautarnir sammála um söluna

Kemur ekki á óvart. En hversvegna er þjóðin ekki spurð. Það er þjóðin sem á allt undir með fjarskiptakerfi landsins

Hversvegna er þjóðin ekki spurð ?

"• Forstjóri Símans telur Ardian vilja semja um lægra kaupverð • Forstjóri Sýnar segir seinagang SKE einsdæmi í Evrópu • Salan góð fyrir samkeppni á markaði • SKE áður mælt með sölu á Mílu

 

("Þriðjudagur, 19. júlí 2022

 

Viðskipti Sím­inn og Ardi­an und­ir­rituðu kaup­samn­ing í októ­ber í fyrra. — Morg­un­blaðið/​Eggert

Logi Sig­urðar­son

log­[e-mail]

Kaup franska fjár­fest­ing­ar­sjóðsins Ardi­an á Mílu af Sím­an­um eru nú í upp­námi eft­ir að Sam­keppnis­eft­ir­litið (SKE) gerði at­huga­semd­ir við kaup­in. Sjóður­inn tel­ur þær til­lög­ur, sem hann hef­ur lagt fyr­ir eft­ir­litið, íþyngj­andi fyr­ir Mílu. Því vilji hann ekki ljúka viðskipt­un­um á grund­velli óbreytts kaup­samn­ings.

 Hrægammar

Orri Hauks­son, for­stjóri Sím­ans, seg­ir í sam­tali við Morg­un­blaðið að hann geri ráð fyr­ir því að sjóður­inn vilji semja um lægra kaup­verð á Mílu. Helsta áhyggju­efni eft­ir­lits­ins sé viðskipta­sam­band Mílu og Sím­ans eft­ir að viðskipt­in gengju í gegn.

Viðskipta­samn­ing­ur liggi fyr­ir

„Okk­ar ábend­ing­ar eru þær að við telj­um að það hafi fjölþætt já­kvæð áhrif að Sím­inn selji Mílu. Sam­keppnis­eft­ir­litið er sjálft búið að mæla með því að Sím­inn og Míla verði ekki leng­ur í sama eign­ar­haldi og það er verið að reyna að koma því í kring. Að sjálf­sögðu þarf að vera viðskipta­samn­ing­ur , en það er miklu laus­beislaðra sam­band en eign­ar­sam­band, sem er staðan í dag,“ seg­ir Orri. Ef kaup­in gangi í gegn komi sterk­ur aðili inn á ís­lensk­an fjar­skipta­markað sem ætli að fjár­festa mikið í bætt­um innviðum. Líf­eyr­is­sjóðirn­ir séu helstu eig­end­ur fjar­skipta­fyr­ir­tækja á Íslandi og því myndi sal­an draga úr eign­ar­haldi þeirra á fjar­skipta­markaði, sem SKE hafi mælt með.

Aðspurður seg­ir Orri það hafa komið sér á óvart hvað SKE hafi séð marga nei­kvæða fleti á þess­ari sölu.

„Míla er ekki selj­an­leg eign ef henni fylgja ekki viðskipti við stærsta kúnn­ann, að minnsta kosti þann sem er með mestu viðskipt­in við fé­lagið í dag. Það get­ur vel verið að aðrir viðskipta­vin­ir Mílu muni stækka um­fram Sím­ann í framtíðinni, sér­stak­lega þegar Míla er far­in úr eign­ar­haldi Sím­ans. Þá hafa keppi­naut­ar Sím­ans meiri áhuga á því að versla við Mílu. Við telj­um klár­lega út frá sam­keppn­is­vinkl­in­um að þá sé þetta mjög já­kvætt skref,“ seg­ir Orri.

Heiðar Guðjóns­son, for­stjóri Sýn­ar, seg­ir eign­ar­hald Sím­ans á Mílu hafa veru­lega slæm áhrif á fjar­skipta­markaðinn, hindri upp­bygg­ingu og bitni á neyt­end­um.

„Sam­keppnis­eft­ir­litið hef­ur haft orð á því lengi að Sím­inn þurfi að selja Mílu. Ég vona svo sann­ar­lega að það sé hægt að kom­ast að sam­komu­lagi milli Ardi­ans, Sím­ans og Sam­keppnis­eft­ir­lits­ins svo að þessi sala fari fram, það er best fyr­ir Ísland,“ seg­ir Heiðar. Aðspurður seg­ir Heiðar það ekki rök­rétt hjá SKE að halda að viðskipta­sam­band Sím­ans og Mílu verði of sterkt eft­ir söl­una, sér­stak­lega miðað við stöðuna í dag.

Stjórn­kerfið of svifa­seint

Kaup­samn­ing­ur Ardi­ans og Sím­ans var und­ir­ritaður í októ­ber í fyrra og hljóðaði upp á 519 millj­ón­ir evra, rúma 78 millj­arða króna á þáver­andi gengi. SKE hóf að skoða söl­una í fe­brú­ar og skilaði and­mæla­skjali nú í júlí.

Heiðar seg­ir það eins­dæmi í Evr­ópu hve lang­an tíma það taki fyr­ir eft­ir­lits­stofn­an­ir að vinna jafn mik­il­væg mál og hér sé um að ræða.

„Íslenska stjórn­kerfið tek­ur sér allt of lang­an tíma. Það virðist ekki átta sig á því að Ísland er í sam­keppni um fjár­magn við önn­ur lönd. Þegar við erum með viðskipti sem sann­ar­lega gagn­ast land­inu og al­menn­ingi mjög mikið, finnst mér ekki sann­gjarnt að taka sér svona lang­an tíma,“ seg­ir Heiðar og tek­ur dæmi af því að þegar Sýn seldi „stál og steypu“ til banda­rísks fjár­fest­inga­sjóðs í fyrra hafi all­ir frest­ir verið gjör­nýtt­ir. Ferlið hafi tekið þre­falt lengri tíma en geng­ur og ger­ist í öðrum Evr­ópu­lönd­um.

Tjá­ir sig ekki um ein­stök mál

Lilja Al­freðsdótt­ir viðskiptaráðherra seg­ir í skrif­legu svari ekki viðeig­andi að tjá sig um ein­stök mál á borði SKE. Hún sé þó hlynnt er­lendri fjár­fest­ingu hér­lend­is, bæði í þjón­ustu- og fram­leiðslu. Þó þurfi að fara var­lega í er­lenda fjár­fest­ingu í innviðum og auðlind­um með til­liti til ör­ygg­is- og varn­ar­sjón­ar­miða.")

Ríkið taki - Mílu - í öryggisskini

Alþjóðlegi "franski" fjárfestingasjóðurinn telur sig ekki græða nóg á kaupum sínum á grunnneti Símans, Mílu.

Sjóðurinn vill fá nýjan og hagstæðari samning og getað braskað meir með öryggisnet þjóðarinnar. 

Stríðið í Úkraínu viðskiptaþvingar og hótanir um matvæla- og orkustríð ætti að kenna okkur að hugsa fyrst um eigin öryggi. 

Viljum við lenda í svipuðu og Þjóðverjar með skyndilokun gas og olíuleiðslna frá Rússlandi

Stjórnvöld vilja setja upp mannaða herstöð en fórna grunnneti fjarskipta 

  Íslensk stjórnvöld ræða í alvöru um að setja að nýju upp á Íslandi  herstöð með setuliði í "öryggiskini", án samþykkis þjóðarinnar.

Hervæðing kallar á ófrið og skotmörk.

Hins vegar virðast stjórnvöld áfram reiðubúin að láta grunnnet fjarskipta landsins í hendur erlendra brasksjóða -  Öryggiskerfi sem tengir samskipti okkar  saman sem þjóð. 

EES heimtar að við einkavæðum og seljum  Farice fjarskiptastrengina við útlönd  

Þjóðnýtum Mílu -grunnet fjarskipta - í öryggisskini

Er ekki  kominn tími á að íslensk stjórnvöld  rísi upp en liggi ekki marflöt fyrir erlendum auðhringum og "hermöngurum" sem sölsa nú undir sig hverja grunnstoð íslensk samfélags eftir aðra?. 

Hvenær verður Samherji seldur í heilulagi með fiskveiðiheimildum og öllu  eða  í bútum til eða erlendra fjárfestingasjóða og "Tortólu"  landa?

Ardian sættir sig ekki við kaupsamninginn

Dómur sögunnar. Grein Atla Gíslasonar  fyrrverandi alþingismann og formann sjávarútvegsnefndar Alþingis 2009- 2011 er góð upprifjun fyrir umræðuna í dag:

"Miskunnsami Samherjinn"

Atli Gíslason

Eftir Atla Gíslason 18. september 2012 :

"Það er ámælisvert að atvinnuvegaráðherra sé hvað eftir annað staðinn að því að fara rangt með."

"Nýlega keypti Samherji útgerðarfyrirtækið Berg-Hugin í Vestmannaeyjum og sölsaði þar með undir sig um 5.000 tonn í aflaheimildum. Í kjölfarið spratt upp umræða um svonefnd krosseignatengsl Samherja og Síldarvinnslunnar í Neskaupstað en samanlögð aflaheimild fyrirtækjanna í síld og loðnu er mun meiri en lög heimila.

Krosseignatengslin eru fyrir hendi.

Í viðtali í sjónvarpi 5. september sl. segir Steingrímur J. Sigfússon, atvinnuvegaráðherra „...brýnt að lögum um fiskveiðistjórn verði breytt til að koma í veg fyrir að aflaheimildir safnist á hendur tengdra félaga og þann ágalla á lögum lengi hafa legið fyrir. Til hafi staðið að taka á þeim samhliða heildarendurskoðun á lögum um stjórn fiskveiða.“ Og bætir við: „Brýnt að lögin verði skýrð og skerpt svo þau virki sem skyldi.“

Hér gæti maður sagt „góður Steingrímur“ ef forsagan truflaði ekki trúverðugleikann.

Ákvæði voru um krosseignatengsl í frumvarpi um fiskveiðistjórn sem lagt var fyrir Alþingi vorið 2011.

Frumvörp Jóns Bjarnasonar

Frumvarpið varð ekki að lögum. Í drögum að nýju frumvarpi, sem Jón Bjarnason, sjávarútvegs- og landbúnaðarráðherra kynnti ríkisstjórn, hagsmunaaðilum og almenningi í nóvember 2011, voru krosseignatengslum gerð nákvæmari skil, gildandi ákvæði fiskveiðistjórnunarlaga skerpt og sett ítarleg ákvæði um hámarkshlutdeild í öllum tegundum.

Orðrétt segir í athugasemdum um viðkomandi frumvarpsgrein:

„Greinin er að öðru leyti að mestu efnislega samhljóða 13. gr. gildandi laga. Þó hefur nú verið tekið upp hugtakið samstarf um yfirráð í 2. tl. 5. gr. í stað hugtaksins „raunveruleg yfirráð“.

Við framkvæmd gildandi laga hafa komið í ljós erfiðleikar við að staðreyna að um tengda aðila sé að ræða þar sem kveðið er á um raunveruleg yfirráð.

Þannig sýnir reynslan að jafnvel þótt sterkar vísbendingar séu til staðar, svo sem veruleg eignatengsl, samstarf, sami maður í lykilstöðum í tveimur fyrirtækjum o.s.frv., hefur Fiskistofa ekki talið gerlegt, gegn andmælum aðila, að sanna að um raunveruleg yfirráð sé að ræða.

Af þessum sökum er lagt til að sú breyting sem gerð var á lögum nr. 108/2007, um verðbréfaviðskipti, sbr. lög nr. 22/2009, sé einnig gerð hér.

Þar er farin sú leið að leggja áherslu á samstarf milli aðila og sönnunarbyrði snúið við, þannig að þegar aðstæður eru með tilteknum hætti beri að líta svo á að um samstarf sé að ræða nema sýnt sé fram á hið gagnstæða.“

Ljóst var að frumvarpsgreinin tók til Samherja og tengdra fyrirtækja.

Steingrímur J. Sigfússon tók við embætti sjávarútvegsráðherra um síðustu áramót og það kom í hans hlut að leggja fyrir Alþingi nýtt frumvarp til laga um fiskveiðistjórn.

Ákvæði gegn samþjöppun felld burt í siðari frumvörpum

Þegar það var loks lagt fram vorið 2012 brá svo við að fyrrnefnd frumvarpsgrein Jóns Bjarnasonar um krosseignatengsl var horfin. Sömuleiðis ákvæði um hámarksaflahlutdeild í einstökum tegundum.

Það vandamál að aflaheimildir safnist á of fáar hendur hefur lengi verið þekkt og jafnframt baráttumál margra okkar sem höfum viljað breyta fyrirkomulagi fiskveiðistjórnunar.

En stórfyrirtækin hafa átt sína pólitísku bandamenn.

Það er ekki tilviljun að í núverandi frumvarpi til breytinga á stjórn fiskveiða hafi fyrrnefnd ákvæði verið felld brott.

Það er ámælisvert að atvinnuvegaráðherra sé hvað eftir annað staðinn að því að fara rangt með. Dapurlegt en satt.

Í þessu tilviki eru allar staðreyndir skjalfestar og borðleggjandi.

Steingrímur J. segir blákalt í orði að brýnt sé að lögin verði skýrð og skerpt svo þau virki sem skyldi, en breytir þveröfugt við það".

Dómur sögunnar- Ný stór nefnd - fleiri tegundir settar í "kvótakerfið"

Fyrir okkur sem stóðum í þessari baráttu að breyta fiskveiðistjórnarkefinu á árunum 2009 til 2013 er fróðlegt að rifja upp umræðuna frá þeim tíma. 

Grein Atla Gíslasonar sem var formaður sjávarútvegsnefndar Alþingis  2009- 2011 frá í sept 2012 stendur enn fyrir sínu og góð inn í umræðuna í dag.

Þessu efni eru gerð ágæt skil í bók Ögmundar Jónassonar, "Rauði þráðurinn". 

Ýmsir fara nú að þenja sig um samþjöppun í sjávarútvegi sem við Atli og fleiri vildum taka föstum tökum þá á þeim tíma en aðrir viku sér undan. 

Þeir sjávarútvegsráðherrar sem á eftir mér komu, hafa til þessa öll gengið slóð  hins "Miskunnsama Samherja"  í þessum efnum

Greinin er birt með leyfi höfundar Atla Gíslasonar