" Báknið burt" - Bókun 35 - EES/ESB

" Báknið burt " var öflugt slagorð hér á árum áður.

Gullaldar slagorð stærsta stjórnmálaflokks landsins 

Hægt er að hafa ólíkar skoðanir á hvaða "Bákn" átti að fara burt  og hvaða " Bákn" átti að koma í staðinn.

"Brüssel" - Báknið -  Burt !

Að framselja dómsvald og reglugerðar vald til Brüssel í hina botnlausu hít "skriffinnskunnar" hljómar varla vel hjá þeim sem vilja "báknið" burt og einfalda stjórnsýslu

 

 

Héraðsvötnum bjargað og sett í vernd

Sigrar vinnast á Alþingi.

Ríkisstjórnin hefur lagt til í nýrri Rammaáætlun um vernd og orkunýtingu landsvæða að Héraðsvötnin í Skagafirði verði öll færð aftur í verndarflokk.

 

Þórunn Sveinbjarnardóttir á heiður skilið fyrir Jökulsárnar

Gott er að vita af þórunni Sveinbjarnardóttur sem forseta  Alþingis í verndun  Jökulsánna.

Hún hefur  alla tíð staðið með friðun Jökulsánna og gerir það áfram. 

 

"Meðan „Vötnin“ ólgandi að ósum sínum renna",

Þórunn ásamt Þorbjörgu Sigríði Gunnlaugsdóttur nú verandi ráðherra lagðist gegn tillögum síðustu ríkisstjórnar og samráðherra hennar, sem 2022 færðu Jökulsárnar úr verndarflokki.

Þrátt fyrir öfluga andstöðu og mótmæli Bjarna Jónssonar þáv. alþm. Vg. Bjarni hefur staðið með Jökulsánum af fullri einurð

 

"Að svíkja sína huldu mey"

 Mín tilfinning er sú að svik þeirrar ríkisstjórnar við Jökulsárnar í Skagafirði hafi átt stóran þátt í að  keyra fylgi Vinstri Grænna niður í um 2% í síðustu  Alþingiskosningum 

Það er því gleðilegt nú ef ríkisstjórn Kristrúnar Frostadóttur bjargar Héraðsvötnunum af "höggstokki" fyrri ríkisstjórna.

 

" Vinir Jökulsánna"

Svo sannarlega hafa Héraðsvötnin verið hjartans mál og vernd þeirra baráttumál " Vina Jökulsánna " um langt árabil.

 

Leyfi mér að birta hér  grein mína  frá átökunum um Hérðasvötnin 2022

 

15. júní 2022 | Aðsent efni | 697 orð | 1 mynd

Héraðsvötnin – Jökulsárnar á höggstokk alþingis

Eftir Jón Bjarnason

Jón Bjarnason

Eftir Jón Bjarnason: "Við unnendur Jökulsánna í Skagafirði krefjumst þess að vatnasvið Héraðsvatna, Jökulsárnar í Skagafirði, verði áfram í vernd."

Hart hefur verið barist fyrir friðlýsingu og vernd Jökulsánna í Skagafirði.

Í raun hafa Héraðsvötnin verið eitt sterkasta flagg Vinstri-grænna og annarra náttúruverndarsinna í náttúruverndarmálum.

Vernd jökulsánna í Skagafirði og annarra dýrmætra náttúruvætta landsins var eitt af þeim málasviðum sem Vg var stofnað um í upphafi. Verkefnastjórn rammaáætlunar mat síðar verndargildi vatnasvæða Héraðsvatna eitt það mesta á landinu.

Það var öflugur þingmannahópur, m.a. með núverandi forsætisráðherra innanborðs, sem flutti ítrekað tillögur um friðun Jökulsánna í Skagafirði. Heimafólk fagnaði og treysti að hugur fylgdi máli. 

Kúvending í náttúruverndarmálum

Það kemur því sorglega á óvart að nú skuli ríkisstjórn undir forystu VG hafa kúvent í náttúruverndarmálum og sett friðun Jökulsánna í Skagafirði í uppnám. Faðmlög og dýrar yfirlýsingar áttu sér ekki mikla innstæðu. Tillagan sem nú er verið að keyra í gegnum alþingi þessa dagana um svokallaða rammaáætlun er döpur. 

Héraðsvötnum fórnað

Tillagan nú hljóðar upp á að fella Héraðsvötnin í Skagafirði úr verndarflokki í biðflokk til frekari virkjunarundirbúnings – þvert á grundvallarstefnu VG og digrar yfirlýsingar og áratuga baráttu. Fleiri dýrar náttúruperlur eru undir í landinu sem héldu sig vera hólpnar.

Með djúpa hryggð í hjarta er þessi grein skrifuð í nafni baráttunnar fyrir friðun Jökulsánna. 

Jökulsárnar í Skagafirði

Verndun Jökulsánna var margítrekuð í landssamþykktum Vg og staðfest m.a. með meðfylgjandi þingsályktun 2008. Við vorum stolt og glöð: 

„Verndun Jökulsánna í Skagafirði.

59/135 2008 þáltill.: friðlýsing Austari- og Vestari-Jökulsár í Skagafirði.

Flm.: Jón Bjarnason, Atli Gíslason, Álfheiður Ingadóttir, Árni Þór Sigurðsson,

Katrín Jakobsdóttir, Kolbrún Halldórsdóttir, Steingrímur J. Sigfússon,

Þuríður Backman, Ögmundur Jónasson. 

Tillaga til þingsályktunar 2008 um friðlýsingu Austari- og Vestari-Jökulsár í Skagafirði.

Alþingi ályktar að fela ríkisstjórninni að undirbúa og leggja fyrir Alþingi frumvarp til laga um friðlýsingu vatnasvæðisins norðan Hofsjökuls, þ.e. Austari- og Vestari-Jökulsár í Skagafirði ásamt þverám þeirra.

Friðlýsingin taki til vatnasviðs ánna að meðtöldum þverám og skal hvers kyns röskun á náttúrulegum rennslisháttum ánna vera óheimil. Skal svæðið friðað og stjórnað til varðveislu landslags þess, náttúrufars og menningarminja ásamt því að það verði notað til útivistar, ferðaþjónustu og hefðbundins landbúnaðar. Sérstaklega skal hugað að því við undirbúning málsins hvernig friðlýsing vatnasvæðanna norðan Hofsjökuls geti tengst framtíðaráformum um Hofsjökulsþjóðgarð og fallið að stækkuðu friðlandi Þjórsárvera sunnan jökulsins. 

Greinargerð

Frá Hofsjökli renna árnar Austari- og Vestari-Jökulsár. Þegar þær koma saman kallast þær Héraðsvötn en þau eru meginvatnsfallið í Skagafirði. Koma Jökulsárnar saman við bæinn Kelduland. Báðar árnar renna í gljúfrum og er gljúfur Austari-Jökulsár öllu hrikalegra en þeirrar vestari. Náttúrufegurð jökulsárgljúfranna er einstök, svo og gróður, landslag og náttúrufar á vatnasvæði ánna.

Hér er gert að tillögu að ríkisstjórnin leggi fyrir Alþingi frumvarp til laga þess efnis að árnar og vatnasvið þeirra verði friðlýst með lögum. Með hliðsjón af flokkunarkerfi hinna alþjóðlegu náttúruverndarsamtaka IUCN er lagt til að svæðið geti fallið að V. friðlýsingarflokki. Nánari skilgreining þessa verndarstigs er á þessa leið: „Landsvæði, ásamt strönd eða sjó eftir því sem við á, þar sem samskipti manns og náttúru í gegnum tíðina hafa gert svæðið sérstætt, fagurfræðilega, vistfræðilega og/eða menningarlega, og gjarnan með mjög fjölbreyttu lífríki. Varðveisla þessara hefðbundnu samskipta í heild sinni er nauðsynleg fyrir verndun, viðhald og þróun slíks svæðis.

 Skín við sólu Skagafjörður

Segja má að viðhorf þeirra sem vilja vernda vatnasvæði ánna speglist vel í ljóðlínum Stefáns Vagnssonar frá Hjaltastöðum (1889-1963) úr kvæðinu Blönduhlíð: 

Meðan „Vötnin“ ólgandi að ósum sínum renna,

iðgrænn breiðist gróður um sléttur, hæð og laut,

geislar árdagssólar á bröttum tindum brenna,

blessun Drottins ríkulega falli þér í skaut. 

Augu æ fleiri eru að opnast fyrir verðmæti ósnortinnar náttúru og ábyrgð okkar gagnvart komandi kynslóðum. Náttúran á sinn eigin sjálfstæða rétt. Við höfum hana að láni frá komandi kynslóðum.

Jökulsárnar í Skagafirði eru mikilvægar fyrir lífkerfi héraðsins frá jöklum til sjávar. Vötnin hafa ekki aðeins mótað skagfirska náttúru heldur einnig skagfirska menningu og daglegt líf. Þau eru lífæð Skagafjarðar.

Í ljósi þessa er þingsályktunartillagan um friðun Austari- og Vestari-Jökulsár flutt.“ 

Vernd Jökulsánna – baráttan heldur áfram

Héraðsvötnin og Jökulsárnar í Skagafirði voru síðan metin í hæsta verndarflokki hjá Verkefnastjórn rammaáætlunar. Því faglega mati er alþingi nú að hnekkja með pólitískum hrossakaupum.

Við unnendur Jökulsánna í Skagafirði krefjumst þess að vatnasvið Héraðsvatna, Jökulsárnar í Skagafirði, verði áfram í vernd.

Höfundur er fyrrverandi bóndi, þingmaður, ráðherra og skólastjóri á Hólum í Hjaltadal.

Höf.: Jón Bjarnason

"Sykurhús" Hans og Grétu

Trúverðugleiki  stjórnar Vg og Samfylkingar 2009 fór með ESB umsókninni

Eftir að formennirnir í ríkisstjórn Jóhönnu Sigurðardóttur 2009  gerðu aðild að ESB sem sitt aðalmál var trúverðugleikinn brostinn.

Ég sat í þeirri ríkisstjórn og var mjög andvigur ESB umsókninni

Enda gekk sú umsókn þvert á stefnu Vg og loforð.

Trúverðugleikinn brast.

Hvorugt formanna flokkanna vissu hvað fólst í ESB umsókn

Ég kynntist því sem ráðherra að hvorugt formannna Vg eða  Samfylkingar virtust vita á þeim tímapúnkti í hverju unsókn að ESB  væri fólgin eða hver ferillin væri í slíkri umsókn. 

Heldu þau í barnaskap að Ísland  réði ferðinni og gætu valið sér einstaka bita úr köku ESB.

Skilyrði ESB liggja öll fyrir. Það er annað hvort allt eða ekkert.

Umsóknin var skilyrðislaus. Enda tekur ESB ekki við öðru.

Hægt er að semja um  tímabundna fresti frá innleiðingu  á einstaka þáttum 

En engar varanlegar undanþágur eru í boði enda þyrftu þá hvert einstakt ríki að samþykkja það fyrir sig sem er ekki í boði í aðlögunarferlinu.

Að lenda í "díkinu" og  feninu frá 2009

Því miður óttast ég að núverandi forsætisráðherra sé að lenda í sama díkinu og botnlausa feni og Jóhanna Sigurðardóttir 2009. 

Kristrún  einmitt lofaði bæði í eigin formannslag og fyrir kosningar því að ESB umsókn yrði ekki aðal mál  á dagskrá næstu ríkisstjórnar undir sinni forystu.

Hún ætlaði sér ekki að kljúfa þjóðina með sama hætti og Jóhönnustjórnin gerði.

Að setja  "Bókun 35" um framsal á dómsvaldi til EES/ ESB  sem fyrsta mál ríkisstjórnar var mikill afleikur.

Og strá síðan salti í einingu þjóðarinnar með óábyrgu tali um þjóðaratkvæðagreiðslur um  ESB 

Fyrst þarf að breyta stjórnarskrá sem heimilar framsal til ESB

Það verður ekki sótt um aðild að ESB nema að breyta fyrst  stjórnarskránni. 

Þessu gerði þó Jóhanna Sigurðardóttir og hennar ráðgjafar sér grein fyrir 2009

Þess vegna var lögð þung áhersla á að fara í stjórnarskrárbreytingu strax vorið 2009.

 Stjórnarskrár breyting sem heimilar slíkt framsal til erlends ríkjasambands  var algjör forsenda ESB umsóknar.

Sama gildir um að innleiða ESB lög og reglur í bútum eins og framsal dómsvalds með " bókun 35" 

Virðing fyrir stjórnarskráinni er helgidómur þjóðarinnar 

Með þessari ofuráherslu á ESB umsókn og " Bókun 35" verða nánast öll mál  ríkisstjórnar Samfylkingar, Viðreisnar og Flokks fólksins  dæmd til þess að verða skönnuð varðandi fullveldisframsal og liðir í ESB umsókn. 

Forsætisráðherra þarf strax að taka í taumana, stöðva áform um fullveldisframsal, hugsanleg brot á stjórnarskrá  og ESB umsókn ef hún ætlar að njóta áfram þess trúverðugleika sem hún svo örugg lagði upp með bæði í formannssslagnum og í síðustu alþingiskosningum 

"Sykurhús Hans og Grétu"

Að byggja traust sitt á dómurum eða skriffinnum sem hafa tútnað út og belgt kviðinn  við veisluborðin og makindin í Brussel  er  þjóðinni ekki farsælt

 

 

Bókun 35 - Af því bara !

Að sýna Vald sitt með bókun 35 og framsali íslensks dómsvalds

Sagt er að Trump hafi jafnvel sjálfur látið setja mótmælin af stað í Kalíforníu til þess að geta sett þjóðvarðliðið inn og sýnt fram á Vald sitt yfir ríkisstjóra Kaliforníu.

Bókun 35  frá ESB um framsal á dómsvaldi til EES/ ESB  er af sama meiði.

Að sýna Íslendingum hvar valdið sé.

Alltaf eru til einhverjir sem beygja sig fyrirfram undir valdið og pískinn  til þess að vera "memm" við borðið

"Vér mótmælum allir" sagði Jón Sigurðsson við sömu kröfum 1851

Að bogna fyrir erlendu valdi

Þegar að EES reglur eða lög þeim afleiddar  skarast við íslensk lög og reglur skulu EES sjálfkrafa ráða og íslenskir dómstólar víkja.

Spurt var á Aþingi til hvers þarf að innleiða bókun 35 í lög  hér.

Flutningmenn gátu ekki svarað  því beint

- "Barra af því bara. ESB biður okkur um það" _ 

EES samningurinn hefði  trúlega adrei verið samþykktur  1993 ef  "Bókun 35" hefði verið hluti hans.

Stjórnarskráin er ekkert Selskapsmál í kvöldverði hjá  ESB

 Hvers vegna er nú verið að koma aftan að þjóðinni með þessu fullveldisframsali og hugsanlegu broti á stjórnarskrá.

Þegar spurt er hvaða nauðir rekur til 

Er svarið . "Bara af því bara  ESB biður okkur um það".

Annars  fáum kannski ekki að mæta í kvöldverðinn!.

 Stöndum vörð um fullveldið og stjórnarskrána

Bókun 35- framsal á dómsvaldi

EES samningurinn hefði aldrei verið samþykktur á sínum tíma  með bókun 35 innanborðs.

Stjórnarskrá hverrar þjóðar er henni helgidómur

Hvort sem einhverjum líkar betur eða verr þá ber þingmönnum að virða stjórnarskrána og láta hana ætíð njóta vafans. 

Mál sem reyna á þol stjórnarskrárinnar  má bera undir þjóðina í þjóðaratkvæðgreiðslum eða reyna að fá stjórnarskránni breytt á lýðræðislegan hátt

Reyndar  virðist svo sem ráðandi ríkisstjórn á hverjum tíma sé andvíg þjóðaratkvæðagreiðslum og beri takmarkaða virðingu fyrir sjórnarskrá en horfi fyrst og fremst á eigið meirihlutavald

Haldreipi þjóðarinnar er því Forsetinn sem getur neitað að skrifa undir lög og vísað þeim til þjóðarinnar.

Aðeins einn forseti hefur haft dug í sér til þess en aðrir runnið á rassinn og gugnað  þrátt fyrir fjölmennar áskoranair þar um

1. mál. Evrópskt efnahagssvæði   janúar 1993

Þriðjudaginn 12 janúar 1993 greiddi alþingi atkvæði um hvort gerast ætti aðili "Samningi um Evrópska Efnahagsvæðisins"

 Samingurinn er fyrst og fremst um gagnkvæm viðskifti, rettindi og skyldur á þeim sviðum  og frjálsa för fólks á milli landa

 Samningsðali þá var Efnahagsbandalagið sem var fyrst og fremst tollabandalag. 

Dregið er í efa að nokkurn tíma hafi komið til slíks samnings ef núverandi Evrópusamband hefði verið samningsaðilinn.

Svo gjörbreytt er staðan á þeim vettvangi

  Evrópusambandið er ríkjasamband sem stefnir að einu ríki með sameiginleg fjármál, lögjafarvald,  hermál og auðlindamál.

Samband sem miðstýrt og vill  drottna yfir öðrum löndum

 

Hart tekist á  Alþingi 1993

Umræður voru mjög harðar á Alþingi og við atkvæðgreiðsluna  um frávísunartilögu for svo að hún var feldd með 33 atklvæðum gegn 30

Mjög margir töldu  að EES samningurinn stæðist ekki stjórnarskrá Íslands, 

Var í kjölfarið gengist fyrir undirskriftum að skora á forsetann að staðfesta ekki lögin.

 

Því miður brást forsetinn þjóðinni í það sinn

Ein fjölmennasta  undirskrifta söfnun lýðveldisins skoraði á forsetann að hafna lögunum   og senda til þjóðarinnar 

Því miður brást forsetinn því  ákalli þjóðarinnar,

Nokkuð ljóst er að hefði bókun 35 með framsali á yfirlögjafarvaldi frá Íslenskum dómsótólum til EES þá hefði EES samningurinn aldrei verið samþykktur 1993,

 

Treyst á forsetann 

Fari svo illa að Alþingi samþykki að ganga á svig við stjórnarskrána og samþykki " Bókun 35" er ein leið til 

Við höfum átt forseta sem stóð með þjóðinni á örlagatímum og rétti hennar til þess að tjá skoðun sína í umdeildu máli frá ríkisstjórn

Verði bókun 35 samþykkt Þá reynir á forsetann og trúnað hans gagnvart þjóðinni

 

 

Gleðilegan sjómannadag

Föðurland vort hálft er hafið kvað trúarskáldið Jón Magnússon "Bláskógaskáld" f. 1896 d. 1944, 

1 "Líknargjafinn þjáðra þjóða,
þú sem kyrrir vind og sjó,
ættjörð vor í ystu höfum
undir þinni miskunn bjó.
Vertu með oss, vaktu hjá oss,
veittu styrk og hugarró.
Þegar boðinn heljar hækkar,
Herra, lægðu vind og sjó.

2 Föðurland vort hálft er hafið,
helgað þúsund feðra dáð.
Þangað lífsbjörg þjóðin sótti,
þar mun verða stríðið háð.
Yfir logn og banabylgju
bjarmi skín af Drottins náð.
Föðurland vort hálft er hafið,
hetjulífi' og dauða skráð".

Sjálfstæði og fullveldi þjóðarinnar 

Baráttan fer fram a hafinu - minnumst landhelgisstríðsins við Ísland 

Fullt forræði yfir auðlindum hafsins umhverfis Ísland  munu áfram ráða fullveldi þjóðarinnar.

 Stríðið gegn ásælni  Erlendra afla mun áfram verða tekið í hafinu,um fiskimiðin, auðlindirnar umhverfis Ísland

Gleðilega hátíð