" Hippamussu"- Körfuboltaþjálfari

 Orðfarið og hugarástand  körfuboltaþjálfarans er alvarlegt umhugsunarefni eftir tap liðsins 

Á  Vísis er viðtal við þjálfarann eftir leik Aþenu í Breiðholti og Þórs á Akureyri. 

Ef þetta var "helgislepja" sem  hann viðhafði við fréttamanninn, hvernig var þá orðbragðið inni í klefa stúlknanna.

Upp­gjörið: Aþena - Þór Ak. 85-95 | Tíundi deildarsigur Þórs í röð - Vísir 

„Fokking aumingjar“

Körfubolti

„Ég var náttúrulega bara að drulla yfir nokkrar stelpur.

Tala um hvað þetta væri karakterslaust og bara lítið að gerast þar.

Við töpuðum þessu bara á karakter sko, við eigum alveg að geta hangið í þeim.

Það verður samt að gefa Þór kredit, þetta er sennilega best spilandi lið í deildinni.

Við fengum smá kennslustund og ég vona að mínar stelpur hafi lært eitthvað.“

Sagði Brynjar, aðspurður hvað hann hafði sagt inni í klefa eftir leik. 

Og Þjálfarinn gefur ekki eftir:  

"Eðlislægur aumingjaskapur"

Þið finnið leiðir til þess segirðu, er það þá bara eitthvað eðlislægt hjá þínum konum eða?

„Já það virðist vera. Það er eitthvað sem er erfitt að taka með á koddann.

Ég meina, í alvöru, við eigum að vera búin að taka eitthvað af þessum leikjum sko. Í alvöru, það hlýtur að vera hægt að klára eitthvað af þessu bara á karakter, en það er bara þannig.“

Áfram heldur þjálfarinn

„Hippamussukomment“

Brynjar baðst svo afsökunar á því að blóta oft í viðtalinu, hann væri bara svo vanur því að nota slíkt orðalag í leikjum.

Sem er sannarlega rétt og vakti spurningu um hvort hann hafi prófað að beita einhverjum öðrum aðferðum en blótsyrðum og öskrum.

„Hvaða hippamussukomment er þetta? Get a life.

 Þetta eru bara alvöru stelpur hérna, myndirðu spyrja einhvern að þessu í karlaboltanum?“

Já var svarið við þeirri spurningu.

„Ég er lang­besti körfu­bolta þjálfari á landinu og það vita það allir“ - Vísir

Skotið fast á fréttamanninn

„Þú ert pottþétt nýr í þessu, þetta er svona í strákaboltanum sko,“ sagði Brynjar að lokum en krafðist frekari útskýringa á síðustu spurningunni eftir að slökkt hafði verið á upptökutækjum."

Eðlilegt er að gera kröfur og hvetja lið sitt

Mér sjálfum finnst þetta hinsvegar  vítaverð framkoma og orðbragð þjálfarans. 

Því miður virðist lítið aðhald vera í háttsemi þjálfara við þjálfun og keppni hjá um ungu íþróttafólki.

Mér verður hugsað til þess hvort  Þórir Hergeirsson hefði komist langt með sínu líði  með þessu hugarfari og orðfæri.

 

Heilbrigt og réttlátt samfélag

Herhvöt Hermanns til Strandamanna 1949

  " Aldrei hefur ábyrgðarlausari né óheilladrýgri stjórn  farið með völd í landinu, aldrei  hefir verið stjórnað af minni fyrirhyggju  um fjárhag og dýrtíðar mál"

Er einkunn sem ein ríkisstjórn eftirstríðsáranna fær.

Hermann var þá í  stjórnarandstöðu.

  Árin eftir seinna stríð, fyrir og kringum 1950 voru ein verstu með mikilli dýrtíð, gjaldeyrisskorti og vöruskömmtun.

Mæðiveikin herjaði á sauðfé landsmanna með stórfelldum niðurskurði á sauðfé í heilum landshlutum

Og Hermann vandar andstæðingum sínum ekki kveðjurnar og varar við skyndilausnum

Augnabliks "sölur" engin lausn 

"Sölur á félagslegum eignum eru bara augnabliks fyrirbæri, en málefnin ein varanleg

Ef þjóðmálastefnan er röng  lifa menn ekki lengi á "sölum".

Það sem skiptir máli fyrir varanlega hagsmuni allra manna í þessu landi er að útrýma hinni auðnuleysis - legu og  auðvirðilegu spillingu sem vex kringum skammsýna hæfileikalitla spákaupmenn og niðurlægir og vanvirðir fólkið, - en hefja  í þess stað sókn gegn spillingunni með samtakamætti fólksins, mistökum þess og höppum, sókn sem byggð er á jafnrétti.

Þar sem enginn kaupir annan fyrir ófrjálst fé, en hver horfir í augu annars sem frjáls  og heiðarlegur maður og félagi sem keppir að því marki með heiðarlegum  vinnubrögðum að skapa heilbrigt og réttlátt samfélag.

Þá menn sem þannig hugsa, þannig finna til, bið ég að leggja ótrauða lið með mér til orustu við þau öfl sem nú herja Strandasýslu - og byrjuðu starf sitt með sjónhverfingum".

(Sjálfstæðismenn byrjuðu kosningabaráttu á Ströndum með sýningum á "Baldri og Konna" sem voru mjög vinsælt skemmtiatriði á þeim árum).

Með vinsemd og virðingu Hermann Jónasson

 Efrtirmáli 

Hermann náði að sjálfssögðu góðu kjöri.

Glímukóngur Íslands með pottþétt fylgi Strandamanna.

Mér fannst gaman að rekast á þetta bréf Hermanns en hann var eins og heimagangur á fjölmennu sveitaheimili, Asparvík - norður á Ströndum í áratugi.

Hvernig sem svo Hermanni Jónassyni  gekk að framfylgja þessum draumum sínum um herlaust Ísland, laust við spillingu og hver gæti horft í augun á öðrum með reisn  og virðingu- 

Fullvalda - Réttlátt Samfélag. 

Það er svo annað mál. En víst er að til þess hafði hann öflugan stuðning Strandamanna á þessum árum

 

Dugmikill þingmaður - ef "danglað" er í þá

 Ákall til Strandamanna um að standa með sér.

Hermann Jónasson heldur áfram í bréfi sínu 1949:

.." Þessvegna nota þessir spákaupmenn  nú nokkurn hluta  þess fjármagns sem fjármálastefnan er þeir  sjálfir  hafa ráðið, hefir rakað í þeirra eigin vasa eða lokuðu bankahólf ....- 

til  þess að reyna að ryðja úr vegi þeim manni sem  þeir virðast álíta að sé starfsemi þeirra og hagsmunum hættulegastur....."

 

"Vilja gera Íslendinga að þurfalingum"

"Það eru þessi ólánsöfl sem hafa  unnið að því  síðan 1942  að steypa þjóð sem um tíma var fjárhagslega velmegandi og veitandi niður í það vansæmdar ástand  að vera þurfalingur sem lifir á gjafakorni- meðan þau sjálf hafa safnað fjármunum almennings í eigin vasa  innanlands og erlendis. ( Marshall aðstoðin)

Þessi hefur veri[ afstastaða mín í  stærstu dráttum í innanlandsmálum.

( ESB -mútufé og IPA styrkir  hafa verið Hermanni fjarlægir)

Símamál í Strandasýslu 1949.

 

"Sími er nú á fleiri bæjum í Strandasýslu  en i nokkrum öðrum landshluta.

Nú vantar aðeins síma á 6 bæi til þess að öll byggð í sýslunni hafi síma -

Loforð liggur fyrir um það að sími verður lagður á þessa bæi  þegar bygging  hinnar miklu  póst- og símstöðvar innst í sýslunni við vegamót  Norðurlandsbrautar og Strandavegar er lokið.

 

Sæsími yfir Steingrímsfjörð 1949

 

"... Nú í sumar verður lagður sæsími yfir Steingrímsfjörð og fjölsímatæki á  línurnar yfir Trékyllisheiði sem hafa verið lagaðar til þess

Og mun þá símsamband norður Strandir styrkjast og batna til muma.

Þegar litið er á símamál sýslunnar  er fullvíst að þau eru komin lengra en annarsstaðar og það sem á vantar     er nú verið að vinna og verður á næstunni"

 

Og Hermann stærir sig af framtakinu

 Víst er um að Strandasýsla er löng og erfið yfirferðar til  þess að leggja síma.

Hermann getur því með nokkru stolti hælt sér af góðri stöðu símamála á Ströndum 

 Má nefna að sími komst ekki á alla bæi í Helgafellsveit fyrr en á árunum 1956- 1958.

  Eftir að faðir minn Bjarni Jónsson kom í Bjarnarhöfn 1951 og hófst þegar handa við  safna undirskriftum og áskorun til þingmanna að leggja síma á alla bæi í Helgafellssveit.

 

Góðir ef " danglað" er í þá

 

 Segir Bjarni í bréfi til Hermanns frá þeim árum að honum hefði aldrei dottið í hug jafn duglitlir þingmenn og Snæfellingar hefðu búið við undanfarin ár. 

En þeir "séu góðir komnir á skrið  eftir að "danglað" hafi verið í þá."

Víst er að gott samstarf tókst með föður mínum  og Sigurði Ágústssyni kaupmanni og útgerðarmanni í Stykkishólmi og þingmanni Sjálfstæðisflokksins á Snæfellsnesi og Vesturlands (1949- 1967)

Svo mjög að Hermann ýjar að því við föður minn að halda áfram að styðja Framsóknarflokkinn þó hann skilji að hann vilja  hafa viðskifti við þann sem býður best kjör.

 

Sem hann jú gerði.

 

Gaman að rifja upp skilmerkileg skrif frá þessum tíma

frh.

 

 

Bréf Hermanns Jónassonar til Strandamanna 1949

Hermann Jónasson (1896-1976) fyrrum forsætisráðherra, formaður  Framsóknarflokksins um áratugi og þingmaður Strandamanna 1934- 1967, skrifaði langt og hvatskeytt bréf til allra Strandamanna fyrir kosningarnar 1949.

Hart var sótt að Hermanni sem hafði hendur sínar að verja innanflokks sem utan þessi ár.

Nú þegar rótgrónir flokkar hafa lent í hremmingum  - telja að þurfi að leita uppruna síns og fyrir hvað þeir voru stofnaðir er fróðlegt að lesa bréf Hermanns. 

Faðir minn Bjarni Jónsson þá útvegsbóndi í Asparvík studdi Hermann sem þingmann Strandamanna frá fyrsta degi og þeir skrifuðust reglulega á.

Hvatningarbréf Hermanns fyrir haustkosningar 1949:

Nú skal leggja Hermann að velli.

" Það dregur enn til kosninga, nú um áframhaldandi  niðurlægingu - eða sókn til viðreisnar...  

Þeir (Strandamenn) gera sér þess grein að hér er til þess barist  að leggja að velli þann þingmann, sem stríðsgróðamenn, heildsalar, vöru og húsaleigubraskarar og þess konar fólk  virðast telja sinn ótvíræðasta  og um leið hættulegasta andstæðing sinn. .

... Má vera  að til þeirra tíðinda dragi, að úr því verði nú skorið í Strandasýslu  hvort vilji  og sannfæring landsmanna  á að ráða  málum með þjóðinni, eða gullkálfur sá sem fóðraður er á fjármunum þjóðarinnar sjálfrar, peningum sem hafa verið teknir  af borði fólksins við hverja máltíð, og hvert skipti  sem það hylur nekt sína  með nýrri spjör...

Það sem kann að  verða  skorið úr, er það, hvort  þessir fjármunir almennings, komnir ranglega og faldir í vösum örfárra  eigi að stjórna almenningi.

M.ö.o. hvort þessir örfáu  eigi að geta keypt sannfæringu fólksins í heildverslun, með þess eigin fjármunum til þess að fá vald  til að raka af því margfalt meira fé...."

 "Undirlægjur í utanríkismálum"

.."Í utanríkismálum hefur  mér þótt  meirihluti ríkisstjórnar undirlægjugjarn og þróttlítill-

Ég var andstæðingur Keflavíkursamningsins, vildi að Íslendingar réðu vellininum sjálfir og rækju hann fyrir flugþjónustu gegn endurgjaldi þeirra landa sem völlinn  nota líkt og við sjáum um veðurathuganar þjónustu fyrir ýmsar aðrar þjóðir gegn endurgjaldi". 

Vildi friðarákvæði í Natósamninginn 

Hart var lagst á Hermann vegna þess að hann studdi ekki samninginn um inngöngu í Nató 1949.

Þótt Framsóknarflokkurinn hafi átt aðild að þeirri ríkisstjórn var Hermann utan stjórnar og gagnrýndi hana.

   "Gagnvart Atlantshafssamninnum  var afstaða mín samskonar...

Ég vildi  að sá fyrirvari væri hafður í samningum  að við tækjum ekki þátt í hernaði gegn neinni þjóð, ætluðum okkur ekki að innleiða herskyldu til að segja öðrum þjóðum stríð á hendur" 

Og Hermann beygir flokkinn undir sig á ný,.

"... Ég hef krafist þess að stjórnin greiði heildsalabraskinu, okrinu og svindli því í verslun, húsaleigu og viðskiptum  sem átt hefur sér stað fyrsta höggið- og fylgi því eftir svo sem með þarf ...

Hefji síðan  á þeim grundvelli samstarf við almenning um almenna viðreisn  fjármála og framleiðslu  til að skapa hér réttlátt og blómlegt þjóðlíf."...

Þarf nýjan Hermann Jónasson

Hvað ætli að Hermann hefði sagt um stjórnsýslu síðustu ára þegar fasteignabraskarar, eignarhaldsfélög með háa arðsemiskröfu, sjálftöku banka og matvörurisar tröllríða húsum.

Og ný stjórnvöld kalla eftir hagræðingatillögum sem er gott.

En sumir þar innanborðs blindast og sjá helst þann kost að kynda Ukraínubálið, vopnaskakið, hergagnaiðnaðinn, undirlægjuháttinn í utanríkismálum og sækja um aðild að Evrópusambandinu. 

Fullveldi og réttlátara samfélag

Sannfæringu sinni lýsir Hermann vel í þessu bréfi - ákalli til Strandamana að standa með sér fyrir fullveldi og réttlátara samfélagi.

  Gripið verður síðar til fleiri þátta í bréfi Hermanns til fróðleiks og upprifjunar