Mánudagur, 29. desember 2008
Hrós dagsins fær „Bóthildur“ í Súðavík
Sveitarstjórn Súðavíkur með Ómar Má Jónsson sveitarstjóra í farabroddi gaf öllum heimilum í hreppnum nýtt og einfalt forrit,
Bóthildi til að færa heimilisbókhaldið.
Það er heimamaðurinn og frumherjinn Þorsteinn Örn Gestsson sem smíðaði forritið og leggur hann til að það verði sent inn á hvert heimili landsins til stuðnings þeim sem vilja ná betur utan um heimilisfjármálin:
Þegar fjölskyldan ákvað að byrja á heimilisbókhaldi vegna aðstæðna sem voru uppi, leitaði ég á netinu en fann ekkert nógu og gott. Ég ákvað því að smíða mitt eigið forrit. Það er fallegt og gott og alveg eins og ég vil hafa það. .. Helst vildi ég að ríkisstjórnin tæki Bóthildi og sendi inn á öll heimili landsins. Það myndi hjálpa fólki að takast á við fjárhagserfiðleikana segir Þorvaldur Örn í viðtali við Morgunblaðið í dag. Góð hugmynd sem sjálfssagt er að fylgja eftir.Súðvíkingar hafa löngum gengið á undan í nýjungum og gefið dýrmæt fordæmi í félagshyggju og samhjálp meðal íbúanna.
Súðvíkingar urðu t.d. fyrsta sveitarfélagið á landinu til að bjóða formlega upp á gjaldfrjálsan leikskóla og þar starfar grunnskólinn og leikskólinn undir sama þaki sem ein samfelld skólaheild. Eldri borgarar og fleiri sem tök hafa á koma þar reglulega og taka þátt í leikskólastarfinu með uplestri og leikjum.
Þótt Súðvíkingar kunni sjálfssagt betur fótum sínum forráð í fjármálum en margir aðrir landsmenn er þetta framtak þeirra til fyrirmyndar og sveitarstjórnin á svo sannarlega hrós skilið.
Með baráttukveðjum til Súðvíkinga
Flokkur: Stjórnmál og samfélag | Breytt s.d. kl. 23:03 | Facebook
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.