Forsetakjör og málskotsskyldan

Fróðlegur þáttur með frambjóðendum og margt skemmtilegur. 

Frambærilegt fólk og kom vel fyrir.

Sum eiga erfitt með að greina sig á milli að vera frambjóðandi, þingmaður, ráðherra eða venjulegur Íslendingur.

Viktor Traustason sem lagði Landskjörstjórn hélt þættinum vel á jörðinni. 

Fannst vera skautað heldur létt yfir ESB málin.

 

Aðildarbeiðnin að ESB 2009 var aðför að fullveldi Íslands

 

Ég minnist atkvæðgreiðslunnar á alþingi vorið 2009 þegar sótt var um fyrirvaralausa aðild að ESB þvert á gefin fyrirheit og loforð frambjóðenda í kosningunum á undan.

- Mér fannst það vera svik -  við loforð - stefnu og kjósendur fyrir kjördag

Þannig leit ég á og fleiri félagar mínir sem og þjóðin 

Og þá var einnig felld tillagan um þjóðaratkvæðagreiðslu áður en sótt væri um aðild að ESB. 

Ég man vel þær atkvæðagreiðslur í þinginu og finnst aðrir megi muna.

 

Sumir hafa áttað sig á mistökunum þá og beðist afsökunar en aðrir ekki.

 

Enn virðast samt margir ekki gera sér grein fyrir hvaða lög og reglur gilda þegar slík umsókn er send af stað af hálfu alþingis og hver alvaran er.

 

Grimm alvara og ekkert grín

 

Umsóknin sjálf fyrirvaralaus eins og alþingi samþykkti hana og sendi til Brussel  getur,  því miður verið þjóðréttarlega skuldbindandi og blundar þar sem hún hefur formlega ekki verið afturkölluð af alþingi.

Evrópusambandið tekur ekki við umsókn með fyrirvara og vill ekkert "bjölluat" í því sambandi

Umsóknin fer í aðlögunarferil sem lýkur þegar allar tilskipanir eru innleiddar í íslensk lög og þar er ekkert val

 

Þjóðaratkvæðgreiðsla eftir á þegar búið er að innleiða allan ESB pakkann hefur lítið gildi.

 

ESB -umsóknin klauf bæði þing og þjóð og heilan stjórnmálaflokk

 

Atkvæðagreiðslan á Alþingi 2009 um ESB aðild klauf alþingi og íslensku þjóðina og gerir á vissan hátt enn.

 Ég er stoltur að hafa stöðvað ESB umsóknina sem ráðherra sjávarútvegs og landbúnðarmála þó svo það hafi síðar leitt til að mér var vikið úr ríkisstjórn.

- Framkvæmdastjórn ESB sendi þáverandi ríkisstjórn þakklætis-og heillaóskir af því tilefni-.

 

En ég hafnaði því alfarið að leggja fiskimiðin við Ísland undir forræði og stjórn ESB í Brussel. 

 

Málskotsskylda forseta

Sama sagan frá 2009 um aðild að ESB getur fyrirvaralaust endurtekið sig á alþingi og þá getur reynt á forsetann og málskotsskylduna

 

Mér finnst mikilvægt að forsetaframbjóðendur tali af alvöru um fullveldismál því þar mun reyna á réttsýni forseta og málskotsskylduna gagnvart þjóðinni eins og dæmin sanna

 

Með góðum óskum

Grásleppan í "gjafakvóta" !

Fyrir alþingi liggur nú frumvarp frá sjávarútvegsráðherrum að kvótasetja grásleppuveiðar í landinu.

Með því er verið að þjappa veiðiréttinum á  grásleppu á færri hendur, gera nýliðun nánast ómögulega og setja grásleppuveiðar í hið svo kallaða "kvótakerfi" sem búið er að leggja á flest allar aðrar fisktegundir og engin sátt er um.

Stórskaðlegt fyrir byggðarlögin

 Málið er afar umdeilt eins og reyndar allt kvótakerfið í sjávarútvegi.

Í minni tíð sem sjávarútvegsráðherra var stefnan að vinda ofan af "kvótkerfinu" og koma í veg fyrir "séreignir" samþjöppun aflaheimilda á fárra manna hendur, með tilheyrandi braski og auðsöfnun.  

 Nokkur árangur vannst eins og strandveiðikerfið og ofl.

Það er hryggilegt til þess að vita að þegar minn gamli flokkur Vg og ráðherrar  fara aftur með sjávarútvegsmálin sé herðing á kvótakerfinu og framsal á auðlindum  forgangsmál. 

Gengur þvert á byggðastefnu og almannarétt 

Hér fyrir neðan má finna umsögn stjórnar SSNV:

"Stjórn SSNV hvetur meirihluta atvinnuveganefndar Alþingis til að falla frá frumvarpi um breytingu á lögum um veiðar í fiskveiðilandhelgi Íslands og lögum um stjórn fiskveiða (veiðistjórn grásleppu).

Meginmarkmið laga um fiskveiðistjórnun og nýtingu nytjastofna er að stuðla að sjálfbærri og hagkvæmri nýtingu fiskistofna sem leiði til traustrar atvinnu og byggðar Í landinu.

Kvótasetning á grásleppu mun frá fyrsta degi leiða til gríðarlegrar samþjöppunar á aflaheimildum og takmarka mjög til frambúðar nýliðun innan smábátaútgerðar.

Sérstaða grásleppu umfram aðra nytjastofna er hversu staðbundin nýtingin er og hversu afgerandi áhrif hennar er á viðgang einstakra byggðarlaga.

Alþingi hefur sett fram markmið m.a. í Byggðaáætlun um jákvæða byggðaþróun um land allt og því er mikilvægt að koma í veg fyrir að breytingar á lögum um stjórn fiskveiða vinni beinlínis gegn settum markmiðum í byggðamálum."

F. h. stjórnar Samtaka sveitarfélaga á Norðurlandi vestra 

 Krókur á Patreksfirði leggst hart gegn gjafafrumvarpinu

Patreksfjörður 13.2.2024

Sendandi: Strandveiðifélagið Krókur -félag smábátaeigenda Í Barðastrandarsýslu Umsögn um: 521. mál, lagafrumvarp 154. löggjafarþing 2023-2024. Veiðar í fiskveiðilandhelgi Íslands og stjórn fiskveiða (veiðistjórn grásleppu)

"Strandveiðifélagið Krókur hefur í öllu ferli þessa máls hafnað öllum hugmyndum um kvótasetningu grásleppu og vísum við til fyrri umsagna okkar.

Er ekki eitthvað meira aðkallandi og þarfara við tíma þingmanna að gera en fara af stað með umdeilt frumvarp sem eingöngu er ætlað að raka enn frekar að köku fárra inn í mjög svo umdeilt kvótakerfi" ?

"Græn framtíð" ?

Á sínum tíma var samin sjávarútvegsstefna fyrir Vg " Hafið bláa" . Vg vann sinn stærsta kosningasigur með þeirri stefnu 2009.

Þeirri stefnu fylgdi ég sem sjávarútvegráðherra. Strandveiðarnar voru ávöxtur þeirrar stefnu m.a.

Nú er það "gjafmildi" um ótímabundið laxeldi í fjörðum landsins og herðing á hrömmum kvótakerfisins með gjafakvóta á grásleppu.

Mér sárnar. Lái mér hver sem vill.

Öðruvísi mér áður brá

Frumvarp  um lagareldi sem nú liggur fyrir aþingi er með hreinum ólikindum,

Þar er lagt til að festa í lög heimildir fyrir ótímabundnum  rekstrarleyfum til fiskeldis í fjörðum landsins. 

Leyfin verði bæði framseljanleg og framleigjanleg eins og hver önnur "brask" vara í viðskiptum.

  Takmarkaðar kröfur eru settar til varnar umhverfisinu, mengunar eða lífríkis í nágrenni eldistöðva.

Eldi verður áfram heimilað á frjóum  erlendum eldislaxi sem getur spillt náttúrulegum laxastofnum í ám landsins

Hvað sem líður öllum öðrum þáttum frumvarpsins sem ýmsir geta verið til bóta, vantar grunnhugsjónina um varúð og verndun lífríkis og að leyfisveitingar séu tímabúndnar  undir  ströngum skilyrðum og miklu eftirliti.

Ef á annað borð á að leyfa laxeldi í sjó við Ísland.

Þá eru hagsmunir þeirra byggða að vel sé til vandað og tekjurnar renni til heimahéraða.

Bótakröfur- ábyrgð- viðurlög 

Hvergi er í frumvarpinu  minnst á að fyrirtæki þurfi að leggja fram í upphafi staðfestar og viðurkenndar tryggingar fyrir hugsanlegum skaðabótum ef mistök verða.

 Sú hugmyndafræðilega nálgun sem Vinstri hreyfingin grænt framboð stóð fyrir á sínum tíma og ég minnist sem þingmaður og ráðherra málaflokksins virðist lítt sýnileg í þessu frumvarpi. 

Gengur þvert á grunngildi VG

 Flest grundvallaratriði sem frumvarpið byggir á ganga þvert gegn stefnu Vg  sem m.a. ég barðist fyrir sem talsmaður flokksins í sjávarútvegsmálum og ráðherra þess málaflokks um tíma.

Því finnst mér með ólikindum að það skulu vera ráðherrar Vg sem leggi frumvarpið fram í þessum búningi,

Sjálfstæðismenn og Framsóknarþingmenn verja grimmt hagsmuni sinna

Sjálfstæðisþingmenn reyndust mér sem ráðherra  harðdrægir sem á sínum tíma - gengu m.a. út af þingfundi í atkvæðagreiðslu um strandveiðar til þess að reyna að stöðva málið

Og sögðu síðan allir nei.

Framsóknarmenn sátu þó hjá við málið  fyrir rest  eftir mikla andstöðu í þinginu.

En samt er mér til efs að ráðherra Sjálfstæðisflokksins hefði þorað sjálfir að leggja fram slíkt frumvarp sem þetta

Frumvarp sem fæli í sér ótímabundinn, framseljanlegan nýtingarrétt á auðlindum og náttúru innfjarða á Íslandi.

Því hefði örugglega ekki verið tekið andmælalaust af þingmönnum Vg á þeim tíma.

Ráðherra getur kallað málið til baka úr þinginu

Vonandi sjá menn að sér, biðjast afsökunar og ráðherra afturkalli frumvarpið til þess að vinna það betur. 

Rétt er að minnast fyrstu greinar laga um stjórn fiskveiða. 

Þar er kveðið skýrt að orði:

“Nytjastofnar á Íslandsmiðum eru sameign íslensku þjóðarinnar. Markmið laga þessara er að stuðla að verndun og hagkvæmri nýtingu þeirra og tryggja með því trausta atvinnu og byggð í landinu. Úthlutun veiðiheimilda samkvæmt lögum þessum myndar ekki eignarrétt eða óafturkallanlegt forræði einstakra aðila yfir veiðiheimildinni.”

 Náttúran- lífríkið - fjölbreytileikinn á sinn eigin rétt og varúðarregluna ber að virða.

Það ráðstafar enginn þjóð lífríkisauðlindum sínum ótímabundið , sama hverjir eiga í hlut

Baráttumál Vg meðan ég var sjávarútvegsráðherra var að  halda forræði auðlindarinnar hjá þjóðinni og nýtingarréttur væri ávalt tímabúndinn og og ráðstöfun hans  væri hjá þjóðinn- -alþingi og ríkistjórn. 

 

"Samlifandi" forsetar

Hart var tekist á í forsetakosningum 1968.

Þeir Kristján Eldjárn þjóðminjavörður og Gunnar Thoroddsen  fyrrverandi borgarstjóri, ráðherra, hæstaréttardómari og sendiherra börðust um stólinn.

Báðir miklir atgervismenn en af ólíkum sviðum.

Kristján Eldjárn hafði betur

"Samlifandi" forsetar

Á framboðsfundi í Stykkishólmi 1968 hjá Gunnari Thoroddsen  spurði Guðmundur Guðjónsson á Saurum, minn gamli barnakennari:

"Getur komið til greina að þið Kristján Eldjárn verðið "samlifandi" forsetar Íslands" ?

Fáir skildu spurninguna þá, en Gunnar Thoroddsen tók því af og frá. Það kæmi aldrei til,

Viti menn Kristján Eldjárn verður forseti en  Gunnar Thoroddsen verður forsætisráðherra í mars 1980 

Kristján Eldjárn er forseti til 1. ágúst 1980

Þar með verður Gunnar Thoroddsen sem forsætisráðherra einn af handhöfum forsetavalds við fjarvist sitjandi forseta Kristjáns Eldjárns fyrrum keppinauts,

Rættist sú spá Guðmundar Guðjónssonar á Saurum 12 árum áður um að Gunnar Thoroddsen og Kristján Eldjárn yrðu "samlifandi" með forsetavald á Íslandi .

Það er því ýmis skondin staða sem getur komið upp um hverjir verða "samlifandi" handhafar forsetavalds á Íslandi á næstu misserum.

 Katrín Jakopsdóttir og Bjarni Benediktsson gætu t.d. orðið  "samlifandi" handhafar forsetavalds á Íslandi innan tíðar

 

Hervæðing Íslands - Nú er nóg komið

Sorglegt að Íslensk stjórvöld fjármagni vopnakaup til þess að drepa saklaust fólk í fjarlægum löndum

 "Peace is never made with arms, but with outstretched hands and open hearts," he said.

Sagði Francis páfi í Páskamessu sinni í morgun.

Mikið vildi ég að ráðherrar í ríkisstjórn Íslands hlustuðu á boðskap páfa:

"Friður vinnst aldrei með vopnum heldur með útréttum  höndum og opnum hjörtum"

Það er brotið blað í aldalangri friðargöngu Íslendinga sem herlausar friðelskandi þjóðar

Að taka þátt í beinum vopnakaupum fyrir hermenn, karla og konur, drengi og stúlkur til drápa á saklausu fólki í fjarlægum löndum: 

"Ísland mun styðja við innkaup Tékklands á skotfærum fyrir Úkraínu og leggja fjármuni í kaup á búnaði fyrir konur í úkraínska hernum".

 Þessi vopnakaup Íslendinga til hryllilegs stríðs  herveldanna í fjarlægu landi  eru komin langt frá skilyrðum okkar fyrir þátttöku í hernaðarbandalaginu  Nató. 

Að mínu mati hefur ríkisstjórnin enga heimild til þessarar stefnubreytingar í hervæðingu Íslands,-

heimild sem er mjög þanin fyrir og gengur hart að stjórnarskrá landsins

Hjarta mitt fyllist sorg að sjá minn gamla flokk Vinstri hreyfinguna grænt framboð leiða þessa hervæðinga ríkisstjórn  sem vopnvæðir konur sérstaklega til manndrápa.

Hve óralangt er forysta flokksins komin frá þeim grunngildum sem Vg var á sínum tíma stofnað um? 

Guð blessi Ísland og leiði stjórnvöld á nýja braut- friðar og útréttra handa með opnum hjörtum eins og Francis páfi kallar eftir. 

Gleðilega páska, upprisu friðar og útréttra handa  

8 hours ago

By Thomas Mackintosh,BBC News

Share

Reuters

Pope Francis waved to crowds at the Vatican on the day of the Easter Mass, at St. Peter's Square

Pope Francis has used his traditional Easter message to call for a ceasefire in the Gaza Strip and for the return of Israeli hostages held by Hamas.

The 87-year-old pontiff led Easter Mass at the Vatican in front of thousands, despite concerns over his health.

Referring to conflicts around the world, the Pope pleaded not to "yield to the logic of weapons and rearming".

"Peace is never made with arms, but with outstretched hands and open hearts," he said.

Tens of thousands of worshippers gathered in St Peter's Square to hear the Pope.

 

 

Ísland leggur til 300 milljónir í kaup á skotfærum

Var Bankasýslan ekki dauð ?

Var ekki búið að leggja Bankasýsluna niður?

Flestir hafa ábyggilega haldið að Bankasýslan væri dauð.

Svo hart var að orði kveðið eftir klúðrið með sölu á hlutunum í Íslandsbanka að búið væri að leggja Bankasýsluna niður.

Greinilegt er í máli Landsbankans um kaup á TM  að Bankasýslumenn hafi haldið það sjálfir að búið væri að leggja þá niður.

Þótt þeir væru sjálfssagt á biðlaunum

Landsbankinn hefur haldið að Bankasýslan væri dauð?

Er að furða að Landsbankinn hafi verið einnig í þeirri trú að Bankasýslan væri ekki lengur til

Enda var Bankasýslan alveg ótrúlega brengluð "armslengd" og krumpuð í sterkum höndum handboltakappans í fjármálaráðuneytinu.

Óþarfa milliliður

Bankasýslan er alveg óþarfur "þvottaklútur" fyrir stjórnsýsluna.

Landsbankinn heyrir beint undir ráðherrann og ríkisstjórnina og síðan Alþingi. 

Eðlilegast er að  fjármálaráðherra skipi  bankaráð Landsbankans milliliðalaust samkvæmt tilnefningum eignaraðila sem er Alþingi og fólkið í landinu.

Nýr fjármálaráðherra

Auðvitað tekur nýr fjármálaráðherra málin beint og feimnislaust í sínar hendur  með stjórnendum Landsbankans ásamt ríkisstjórn og alþingi.

Eg er ekki sammála ráðherranum í einkvæðingartalinu

Hinsvegar er það ljóst að það stendur hvort eð er ekki til að selja Landsbankann.

Allt tal um slíkt eru útursnúningar og út í bláinn til þess að dreifa umræðunni.

Landsbankinn hefur verið vel rekinn og skilar góðum arði og ein besta trygging fyrir ríkissjóð og almenning í landinu. 

 Ef það þykir hagkvæmt að kaupa Tryggingafélag er það mál bankastjóra, bankastjórnar og eigenda bankansm, ráðherra, ríkisstjórnar og alþingis. 

Brandaranum í kringum Bankasýsluna og " armslengd" ráðherra er lokið.

Þessi brandari með hlutverk Bankasýslunnar er varla tækur til að vera endurtekinn frá ráðherraleiknum í kringum söluna á Íslandsbanka.

Þeim "handboltaleik" og draugagangi er lokið.

Þjóðaratkvæðagreiðsla ef selja á hluti þjóðarinnar í Landsbankanum

 Ef á að selja hluti í Landsbankanum er það aftur á móti það stórt mál að einn tímabundinn ráðherra eða ríkisstjórn tekur ekki slíka ákvörðun.

Þá  er um gjörbyltingu að ræða sem hlýtur að koma til kasta þjóðarinnar með beinni þjóðaratkvæðgreiðslu

 

 

Landsbankinn er ríkisfyrirtæki

Sem ekki stendur til að selja

Eitthvað er bankastjóri Landsbankans að misskilja hlutverk sitt og stöðu  Landsbankans,

"Banka­stjóri segir Lands­bankann ekki vera ríkis­fyrir­tæki" 

segir í fréttum í dag.

Málið var tekið upp á þingi.

Skerpa þarf á lögum ef bankastjóri Landsbankans upplifir stöðu sína þannig  að hún  stýri einkafyrirtæki á almennum markaði. 

Þjóðarbanki

Ég hygg að meginþorri þjóðarinnar líti á Landsbankann sem sína eign -þjóðarbanka- og  þjónustustofnun sem lúti í raun ábyrgð og stjórn ráðherra, ríkisstjórnar og alþingis fyrir hönd almennings í landinu.

Banka sem þjóðin vill eiga en ekki selja

Þótt daglegur rekstur sé hinsvegar settur "einhverja armslengd" frá  fjármálaráðherra undir "Bankasýslu ríkisins" sem ráðherra er falið að skipa og ber ábyrgð á. 

(Sem lýsir sig "nú á  fjöllum" en aðrir vissu ekki betur en búið væri að leggja niður)

Og síðan bankaráði Landsbankans sem ráðherra ber einnig ábyrgð á fyrir hönd alþingis og þjóðarinnar sem og aðalfund Landsbankans

Fjármálaráðherra fer með aðalfund bankans og ábyrgð í umboði ríkisstjórnar og alþingis.

Visir fjallar um málið:

Heimir Már Pétursson skrifar 18. mars 2024 13:09

"Bankastjóri Landsbankans segir bankann ekki vera ríkisfyrirtæki heldur almenningshlutafélag nær eingöngu í eigu ríkisins. Bankinn muni halda áfram ferlinu við kaup á TM tryggingum þrátt fyrir andstöðu fjármálaráðherra".

Fjármálaráðherra á öðru máli

"Þórdís Kolbrún R. Gylfadóttir sem stödd er í útlöndum samkvæmt heimildum fréttastofu brást illa við þessum tíðindum á Facebook síðu sinni strax í gærkvöldi.

„Ríkisfyrirtæki á ekki að kaupa tryggingafélag. Ríkið á að losa um tugi milljarða og umbreyta þeim í samfélagslega innviði sem almenningur nýtur góðs af og byggir undir frekari verðmætasköpun og samkeppnishæfni allra landshluta,“ segir fjármálaráðherra á Facebook."

ER sammála ráðherranum um stöðu Landsbankans

 sem sé ríkisfyrirtæki í þjóðareign  og lýtur boðvaldi ráðherra, ríkisstjórnar og alþingis í öllum meiri háttar málum og þjónustustefnu í þágu almennings

 

" Skaðabótatilskipun ESB"

Alþingi getur sjálft sett eigin lög og reglur um "Skaðabótarétt" ef þess er þörf.

Algjör óþarfi að bíða eftir sérstökum "gullhúðuðum" reglum eða  innleiðingu nýrra  EES/ESB reglna. 

Í þessu tilviki " Skaðabóta tilskipun ESB" frá 2014 sem er ætlað að auðvelda ein­stak­ling­um og fyr­ir­tækj­um að sækja bæt­ur vegna sam­keppn­islaga­brota.

 Malið var tekið upp á alþingi í dag.

Var þar gagnrýnt að Ísland hefði ekki tekið upp og innleitt þessa tilskipun ESB. 

Bent var á að skorti skýrari lagaheimildir til þess að einstaklingar og fyrirtæki gætu sótt skaðabætur við brot á samkeppnislögum.  Meint samráð Eimskip og Samskip  var nefnt í því sambandi 

Hefur ekki verið tekið inn í EES samninginn

Forsætisráðherra upplýsti að til­skip­un­in hefði ekki verið tek­in upp í EES samn­ing­inn og því hefði ekki hvílt skuld­bind­ing af hálfu ís­lenskra stjórn­valda að inn­leiða þá til­skip­un.

Alþingi getur sett sín eigin lög og þarf ekki að bíða eftir tilskipun ESB/EES

Þessi minnimáttar kennd og afsökunarárátta  - Að þurfi EES/ ESB  reglur til, ef gera þarf bragarbót á íslenskum lögum. Þessi afstaða  sýnir vantrú á eigin löggjafarsamkomu.

Ef þörf er á skýrari lagasetningu til verndar íslenskum neytendum getur Alþingi Íslendinga sjálft gripið þegar í stað inn og sett lög á eigin forsendum og tryggt rétttinn og samræmt við önnur lönd  eins og þarf. 

Ber hver þingmaður og ráðherra ábyrgð sína í þeim efnum 

 Alþingi þarf ekki að biða eftir ESB/EES tilskipunum til þess að gleypa frá Brüssel. 

 

 

 

Kristrún vill innleiða skaðabótatilskipun ESB

HS -Orka aftur til Ríkisins

Atburðirnir og eldgosin á Reykjanesi færa okkur heim sanninn um að grunn innviðir eins og orku öflun og dreifikerfi  eigi að vera í eigu og á ábyrgð  almennings - Ríkis og Sveitarfélaga. Einkavæðing og sala á HS orku á sínum tíma var meiri háttar slys, aðför að öryggi og þjónustu við almenning og fyrirrtækin á svæðinu sem og landinu öllu.

Nú eru orkuverin á Suðurnesjum í ákveðnu uppnámi sem og varnir þeirra og öryggi íbúanna.

Hvenær gerist slíkt einnig annarsstaðar á landinu?

Lætur forsætisráðherra til skarar skríða?

  Forsætisráðherra Katrín Jakopsdóttir hefur ítrekað áherslu sína og grunnstefnu Vg að mikilvægir innviðir samfélagsins eins og orkufyrirtæki og almenningsveitur  séu í opnberri eigu.

Eldgosin á Reykjanesi undirstriki enn frekar þá staðreynd .

HS-Orka aftur í eigu almennings

Ríkisstjórnin og alþingi hlýtur að taka þessi mál orkufyrirtækjanna upp og íhugi að taka HS orku eignarnámi.

Meðfylgjandi er úttekt á Dv  frá því fyrir áramót um HS_ orku sem gróðafyrirtæki.

Stöðu þessara mála hefur ekki verið svarað.

Undirstrikað er hér að stjórnendur og starfsmenn HS Orku og annarra vinna kröftuglega og af heilum hug við að tryggja orkuöflunina og afhendingu orkunnar til íbúa á Suðurnesjum við fordæmalausar aðstæður. Þar leggjast allir á eitt.

 EN :Munu eigendurnir endurgreiða arðinn - tugi milljarða siðustu ára?  :

"Eigendur skræla HS Orku að innan en heimilin látin borga varnargarðinn

Ólafur Arnarson
Þriðjudaginn 14. nóvember 2023 14:15

 

 

 

Eigendur HS-Orku hafa greitt sér 33 milljarða út úr fyrirtækinu á síðustu sex árum en þingheimur samþykkti í gærkvöldi að leggja sérstakan fasteignaskatt á heimilin í landinu til að borga fyrir 2,5 milljarða framkvæmdir við varnargarða til að verja mannvirki HS Orku við Svartsengi.

Alþingi samþykkti í gærkvöldi með samhljóða atkvæðum 57 þingmanna stjórnar og stjórnarandstöðu að skattleggja allar húseignir í landinu næstu þrjú árin um 0,008 prósent viðbótarskatt til að borga fyrir gerð varnargarða sem verja eiga mikilvæga innviði á Reykjanesskaga, sér í lagi mannvirki HS Orku við Svartsengi og aðstöðu Bláa lónsins á svipuðum slóðum.

Þingmenn stjórnarandstöðunnar gerðu í gær ágreining um að reikningurinn fyrir þessum framkvæmdum yrði sendur heimilum landsins með þessum hætti en fyrirtækjunum sjálfum, sem í hlut eiga, ekki gert að taka þátt í kostnaði vegna framkvæmda sem ætlað er að verja eignir þeirra og fjárhagslega hagsmuni eigenda þeirra. Þegar til kom samþykkti stjórnarandstaðan engu að síður þessa skattlagningu.

Ljóst er að mikilvægt er að verja innviði á borð við raforkuframleiðslu í þágu íbúanna á svæðinu og orkuöryggis þjóðarinnar, en engu að síður blasir við að fjárhagslegir hagsmunir eigenda fyrirtækjanna sem í hlut eiga eru miklir. Þessi fyrirtæki eru í einkaeigu og þau hafa á liðnum árum skilað eigendum sínum miklum og góðum arði.

Eigendur HS Orku eru tveir. Jarðvarmi slhf., sem er í eigu 14 íslenskra lífeyrissjóða, á helming hlutafjár á móti breska sjóðafyrirtækinu Ancala Partners LLP.

Árin 2017-2022 nam samanlagður hagnaður HS Orku, eftir skatta, ríflega 29 milljörðum þegar reiknað er til núvirðis í dag. Á sama tíma hefur félagið greitt eigendum sínum 33 milljarða króna í gegnum arðgreiðslur og endurkaup hlutafjár. Eigendurnir hafa þannig markvisst unnið að því að lækka hlutafé félagsins og tekið meira út úr því en sem nemur hagnaði á þessu tímabili.

Á síðasta ári veittu Jarðvarmi slhf. og Ancala Partners LLP HS Orku víkjandi lán að verðmæti samtals 5,5 milljarða króna. Lánið er til sjö ára og greiðir HS Orka eigendum sínum vexti af því. Eiginfjárhlutfall HS Orku hefur skroppið saman úr 73 prósent í árslok 2017 í 41 prósent í lok síðasta árs.

Nú í haust var hlutafé HS Orku svo aukið um 5,6 milljarða sem varið var til kaupa á tveimur litlum orkufyrirtækjum.

Áætlað er að kostnaður við gerð varnargarða til að verja eignir einkafyrirtækisins HS Orku nemi um 2,5 milljörðum króna. Meðalhagnaður HS Orku síðustu sex ár hefur numið 4,8 milljörðum á ári og eigendurnir hefa greitt sér út að jafnaði um 5,5 milljarða á ári. Fyrirtækinu ætti því ekki að vera neitt að vanbúnaði að greiða sjálft fyrir þessar framkvæmdir sem varða sérstaklega fjárhagslega hagsmuni eigenda þess.

Athyglisvert er að forsætisráðherra, ríkisstjórnin og raunar allt Alþingi skuli ákveða að láta heimili landsins greiða fyrir þessa framkvæmd með sérstakri skattheimtu í ljósi þess að kostnaður við varnargarðana er áþekkur þeim kostnaði sem talið er að hafi fallið til þegar nýtt ráðuneyti var búið til við myndun þessarar ríkisstjórnar fyrir tveimur árum. Þá þótti ekki ástæða til að leggja sérstakan skatt á heimilin til að fjármagna nýja ráðuneytið. "

Þessu þarf að svara þjóðinni

Landsvirkjun kyndir verðbólguna með háu orkuverði

Landsvirkjun kyndir verðbólguna með háu orkuverði.

Ársreikningar sýna að það er að langmestu leyti almenningur í landinu og íslensk atvinnufyrirtæki smá og stór sem greiða himinhátt raforkuverð og standa undir þessum mikla arði,

Rafknúnar hitveitur og köld svæði. ( Tökum hitaveitu Vestmannaeyja sem dæmi)

Góð rekstrafkoma og arður væri einmitt tilefni til að lækka raforkuverð til almenningsveitna sem næði áfram til fólksins í landinu. 

Hvernig var með þetta lága verð sem átti að vera til grænmetis- og gróðurhúsabænda?.

 Þótt gott sé að Landsvirkjun reki sig vel og arðurinn renni til ríkisins er eitthvað meiriháttar bogið við þessa forgangsröðun og orkuverð á okkar eigin auðlindum.

Mætti halda að væri verið að undirbúa sölu og uppskiftingu Landsvirkjunar með innbyggðu háu raforkuverði.

 

Skyldu einka- eigendur HS- Orku endurgreiða milljarða arðgreiðslur sínar síðustu ára  

Fordæmið með einkavæðingu HS- orku á Reykjanesi sem greiddi erlendum eigendum sínum milljarða arðgreiðslur en ríkið síðan tekur á sig  áhættuna og þjónustuskyldurnar þegar í harðbakkann slær.

Meðfylgjandi er frétt á visir.is :

"Mesti hagnaður í tæp­lega sex­tíu ára sögu Landsvirkjunnar

Jón Þór Stefánsson skrifar 29. febrúar 2024 16:25

Landsvirkjun greiðir ríkinu tuttugu milljarða í arð.VÍSIR/VILHELM

Hagnaður af grunnrekstri Landsvirkjunar á síðasta ári nam 52 milljörðum króna. Um er að ræða besta rekstrarár fyrirtækisins frá stofnun þess árið 1965. Hagnaðurinn jókst um nítján prósent frá árinu á undan, sem var líka metár.

Þetta kemur fram í tilkynningu frá félaginu, en þar segir að fjárhagsstaða fyrirtækisins hafi aldrei verið betri. Eiginfjárhlutfall sé 65,4 prósent og skuldsetning komin niður í 1,4 sinnum meira en rekstrarhagnaður ársins fyrir afskriftir.

Stjórn fyrirtækisins samþykkti ársreikninginn á fundi sínum í dag og lagði til að arður til ríkisins verði tuttugu milljarðar króna í ár, líkt og síðastliðin ár, en það eru um 72 prósent af hagnaði ársins. Samanlagður arður síðastliðinna þriggja ára nemur rúmum 40 milljörðum króna.

„Þessi árangur náðist þrátt fyrir að tekjur af sölu til stórnotenda drægjust saman vegna verðlækkana á mörkuðum, en heildarrekstrartekjur jukust verulega, einkum vegna áhættuvarna. Þannig hefur virk áhættustýring í rekstri Landsvirkjunar sannað gildi sitt, en hún dregur úr tekjusveiflum og stuðlar að stöðugri rekstrarafkomu fyrirtækisins,“ er haft eftir Herði Arnarsyni forstjóra Landsvirkjunnar.

„Á meðan rekstur orkufyrirtækis þjóðarinnar gengur betur en nokkru sinni fyrr eru blikur á lofti í raforkumálum Íslendinga. Framkvæmdir við orkuöflun hafa tafist af ýmsum orsökum, og líkur eru á því að raforkuframleiðsla nái ekki að anna eftirspurn vegna orkuskipta og almenns vaxtar samfélagsins fyrr en í fyrsta lagi á árunum 2027-28,“ segir Hörður, en hann bendir þó á að vonir standi um að hægt verði að hefja framkvæmdir við Hvammsvirkjun og Búrfellslund á árinu."

Það er eitthvað svo mótsagnakennt í hátterni Landsvirkjunar " Óskabarns þjóðarinnar"