Málþóf Sjálfstæðismanna

Það er athyglisvert að fylgjast með þingmönnum  Sjálfstæðisflokksins þessa dagana en þeir beita málþófi til að tefja afgreiðslu brýnna mála.

 Frumvarp um útgreiðslu séreignasparnaðar átti  að afgreiða frá Alþingi í dag.

Nú er klukkan um 10 á mánudagskvöldi og síðan  klukkan fimm í dag hafa sjálfstæðismenn farið um 50 sinnum í ræðustól út af séreignasparnaðinum  við 3.umræðu og oft í andsvörum innbyrðis.

 Fjöldi fólks bíður eftir að geta nýtt sér þann möguleika  að fá aðgang  að hluta  af  séreignasparnaði sínum.

Í öðru orðinu segjast Sjálfstæðismenn   vilja  hraða afgreiðslu  mála  sem lúta  að aðgerðum í efnahagsmálum og fjárhagsvanda heimilanna en í hinu beita þeir málþófi og taka þau í gíslingu.

Það fólk sem bíður nú eftir  lokaafgreiðslu frumvarpsins um  útgreiðslu séreignasparnaðar  fylgist furðulostið  með framferði þingmanna Sjálfstæðisflokksins á Alþingi í dag.  

Saka sjálfstæðismenn um málþóf