" Hráa kjötið" sjálfdautt á alþingi !

Mikil andstaða er í landinu gangvart frumvarpi ríkisstjórnarinnar um frjálsan innflutning á hráu kjötmeti. Einar K. Guðfinnsson hefur gefist upp á því að keyra þetta óvinsæla og illa unna mál í gegnum þingið. Ráðherrann hafði þá fengið alla bændastéttina, matvælaiðnaðinn ofl. á móti sér í málinu. Talsmenn ríkisstjórnarinnar hafa klifað á því að Íslendingar væru nauðbeygðir til að taka upp tilskipanir Evrópusambandsins í þeim efnum.  Þegar kallað hefur verið eftir skriflegum gögnum um aðgerðir fulltrúa Íslendinga til að semja sig frá þeim kröfum hefur orðið minna um svör. Er það dæmigert fyrir undirlægjuháttinn í samskiptum við ESB. Þingmenn VG  hafa lagst alfarið gegn þeirri galopnum á  innflutningi á hráu kjöti sem frumvarpið felur í  sér, og telja brýnt að þetta mál verði stöðvað í þinginu.  Frumvarpið gengur einnig gegn matvælaöryggi þjóðarinnar og hagsmunum neytenda bæði hvað varðar verð og gæði matvara til skemmri og lengri tíma. Umsögn Margrétar Guðnadóttur doktors í veirufræði og fleiri vísindamanna um áhættuna á sjúkdómum fyrir fólk og búfé hafði mikil áhrif.  Hvers vegna áttum við að fórna góðri stöðu í heilbrigði búfjár og hollustu matvara fyrir þjónkun við ESB?  Sem dæmi um þá miklu andstöðu sem "hráa kjötið" hefur mætt þá hafa öll búnaðarsambönd, búgreinafélög, afurðastöðvar ályktað gegn málinu svo og langsflest sveitarfélög t.d. á Norðurlandi og víðar. Hér á eftir fylgja nokkrar ályktanir sem sýnishorn: 

 Skagabyggð „Hreppsnefnd Skagabyggðar mótmælir harðlega fram komnu lagafrumvarpi um að innleiða matvælalöggjöf ESB í íslensk lög. Ljóst er að þetta mun verða til þess að störfum hér á landi fækkar og lífskjör í dreifbýli versna mikið. Á sama tíma og nefndir á vegum ríkisins eru að störfum til að styrkja byggðina í dreifbýlinu er ríkisstjórnin að vinna gegn þeim markmiðum með fyrirhugaðri lagasetningu um matvælalöggjöf ESB. Veit ekki hægri höndin hvað sú vinstri gerir? Einnig má hafa í huga að þjóðhagsspár gera ráð fyrir auknu atvinnuleysi hér á   landi á næstu árum. Það er vítavert gáleysi að leyfa innflutning á hráu kjöti til landsins vegna hættu á að hingað berist skæðir búfjársjúkdómar. Ekki verður séð að þörf sé á að dýraeigendum erfiðara fyrir en nú er að fá þjónustu dýralækna eins og fyrirhugað er samkvæmt lagafrumvarpinu. Lágmarks krafa er að gerð verði úttekt á þeim áhrifum sem þessi lagasetning kann að hafa á hagsmuni bænda, afurðastöðva og kjötvinnslur áður en lagafrumvarpið verður afgreitt á Alþingi. Réttast væri að hætta strax við þessa vitleysu og fella málið niður.   

Húnavatnshreppur:   Hreppsnefnd Húnavatnshrepps leggst alfarið gegn fyrirhugaðri innleiðingu ámatvælalöggjöf ESB og skorar á Alþingi að stöðva frumvarpið. Augljóst er að frumvarpið setur landbúnað og vinnslustöðvar í mikið uppnám, ógnar heilbrigði íslensks búfjár og setur matvælaöryggi þjóðarinnar í hættu.  Húnavatnshreppur er mikið landbúnaðarsvæði og hreppsnefnd þykir sýnt að meðsamþykkt frumvarpsins verði afkomubrestur hjá íbúum sveitarfélagsins meðófyrirsjáanlegum afleiðingum. Hreppsnefnd Húnavatnshrepps vekur athygli á að forsætisráðherra skipaðiNorðvesturnefnd síðastliðið haust og hefur hún það hlutverk að styrkja byggð ogatvinnu á Norðvesturlandi“

Þingeyjarsveit:„Í Þingeyjarsveit er landbúnaður undirstöðuatvinnuvegur. Sveitastjórn Þingeyjarsveitar geldur varhug við að frumvarp sjávarútvegs- og landbúnaðarráðherra um breytingar á ýmsum lögum vegna endurskoðunar á undanþágum frá I.kafla I. viðauka við EES samninginn og innleiðingar á reglugerð Evrópuþingsins (EB) nr. 178/2002 frá 28. janúar 2002 auk afleiddra gerða. (524. mál Alþingis) verði samþykkt án þess að kannað verði rækilega hver áhrif samþykkts frumvarpsins kunni að hafa á viðgang landbúnaður og vinnslu landbúnaðarafurðaí landinu.