Náttúruvernd og umhverfismál ?

Það vakti athygli hve náttúruvernd og umhverfismál fengu lágan sess í áherslum flokkanna við síðustu alþingiskosningar.

Gjarnan var frekar veist að þeim frambjóðendum sem héldu þeim áherslum á lofti.

Sumir rugluðu saman aukinni skattheimtu og  hugsjónum náttúruverndar. 

Sérstöðu hafði þó Björt framtíð með umhverfisráðherrann Björt Ólafsdóttur í fararbroddi. En þau héldu best fána umhverfisins á lofti og því að náttúran skyldi njóta vafans í verkum mannanna. 

Svo sannarlega er hægt að hrósa Björt fyrir frammistöðuna og áræðnina sem hún sýndi í þágu náttúrunnar á stuttum ferli sínum sem ráðherra.

  Nú hefur Björt framtíð þurrkast út af þingi og  mörgum unnendum fjölbreyttar íslenskrar náttúru er órótt um að söm verði örlög  hugsjóna náttúruverndar í störfum nýkjörins alþingis.

Vonandi að svo verði ekki, en þá þurfa þingmenn heldur betur að taka sig á. 


Bloggfærslur 1. nóvember 2017

Innskráning

Ath. Vinsamlegast kveikið á Javascript til að hefja innskráningu.

Hafðu samband